ពិធីបិទការប្រកួតកីឡាមហាជន
- មណ្ឌលគិរី
ខេត្តមណ្ឌលគិរី ៖ លោក ឈឹម កាន អភិបាលរងនៃគណៈអភិបាលខេត្ត និងជាប្រធានសហភាពសហព័ន្ធយុវជនកម្ពុជាខេត្ត បានអញ្ជើញជាអធិបតីភាព ក្នុងពិធីបិទការប្រកួតកីឡាមហាជន និងអបអរសាទរខួបលើកទី៤០…
ខេត្តមណ្ឌលគិរី ៖ លោក ឈឹម កាន អភិបាលរងនៃគណៈអភិបាលខេត្ត និងជាប្រធានសហភាពសហព័ន្ធយុវជនកម្ពុជាខេត្ត បានអញ្ជើញជាអធិបតីភាព ក្នុងពិធីបិទការប្រកួតកីឡាមហាជន និងអបអរសាទរខួបលើកទី៤០…
ខេត្តមណ្ឌលគិរី ៖ លោក ឈឹម កាន អភិបាលរងនៃគណៈអភិបាលខេត្ត និងជាប្រធានសហភាពសហព័ន្ធយុវជនកម្ពុជាខេត្ត បានអញ្ជើញជាអធិបតីភាព ក្នុងពិធីបិទការប្រកួតកីឡាមហាជន និងអបអរសាទរខួបលើកទី៤០ នៃទិវាជ័យជម្នះ៧ មករា១៩៧៩-៧មករា២០១៩ ដែលប្រព្រឹត្តទៅនៅទីលានកីឡាដ្ឋានបាល់ទាត់ក្រុងសែនមនោរម្យ កាលពីរសៀលថ្ងៃទី៤ ខែមករាឆ្នាំ២០១៩។
លោក ឈឹម កាន បានមានប្រសាសន៍ថា ការរៀបចំពិធីប្រកួតកីឡាបាល់ទាត់មហាជននាពេលនេះ ធ្វើឡើងដើម្បីចូលរួមអបអរសាទរខួបលើកទី៤០ ទិវាជ័យជម្នះ ៧មករា ១៩៧៩ – ៧មករា ២០១៩ ដែលប្រជាជនខ្មែរទូទាំងប្រទេសកម្ពុជា បានចងចាំមិនភ្លេចពីការរស់រានមានជីវិតឡើងវិញ និងបានរួចផុតពីរបបប្រល័យពូជសាសន៍ ប៉ុល ពត ។
លោកបានបន្តថា ក្រុមកីឡាករទាំងអស់ បានយកចិត្តទុកដាក់អស់ពីកម្លាំងកាយចិត្ត សមត្ថភាព ទេព្យកោសល្យ និង បច្ចេទសដែលខ្លួនមាន ដោយឈរលើស្មារតីយោគយល់ អធ្យាស្រ័យ រក្សាបាននូវចំណងសាមគ្គីភាព មិត្តភាព ដើម្បីក្លាយជាកីឡាករដ៏គំរូ ទាំងនេះ កើតឡើងបានដោយសារតែប្រទេសជាតិមានសុខសន្តិភាពក្រោមការដឹកនាំដ៏ឈ្លាសវៃរបស់ប្រមុខរាជរដ្ឋាភិបាលបច្ចុប្បន្ន។
លោកបញ្ជាក់បន្ថែមថា ចំពោះកីឡាករដែលបានចូលរូមប្រកួត មានចំនួន៦ក្រុម ស្មើនឹង ១៥០នាក់ ការប្រកួតនេះចាប់ផ្តើមពីថ្ងៃទី៣១ខែធ្នូ ២០១៨ រហូតដល់ថ្ងៃទី៤ ខែមករា ២០១៩ បិទបញ្ចប់ ដោយលទ្ធ
ផលការប្រកួត ជ័យលាភីលេខ១បានទៅលើក្រុមកីឡាករ សម្ព័ន្ធយុវជនស្រឡាញ់សន្តិភាពសាខាខេត្ត ជ័យលាភីលេខ២បានទៅលើក្រុម ស្នងការដ្ឋាននគរបាលខេត្ត និងជ័យលាភីលេខ៣ បានទៅលើក្រុមសហភាពសហព័ន្ធយុវជនកម្ពុជាខេត្ត ៕
ចែករំលែកព័តមាននេះ