រាជធានីភ្នំពេញ ៖ លោកបណ្ឌិតសភាចារ្យ សុខ ទូច បានថ្លែងថា សូមកុំខ្វល់ពីបញ្ហាវត្តមានជនជាតិចិននៅកម្ពុជាត្រូវខ្វល់ថា មន្ត្រីក្រសួងមហាផ្ទៃ និងក្រសួងការពារជាតិកម្ពុជាមានឆន្ទៈក្នុងការអនុវត្តច្បាប់កម្ពុជាដែរ ឬទេ…
រាជធានីភ្នំពេញ ៖ លោកបណ្ឌិតសភាចារ្យ សុខ ទូច បានថ្លែងថា សូមកុំខ្វល់ពីបញ្ហាវត្តមានជនជាតិចិននៅកម្ពុជាត្រូវខ្វល់ថា មន្ត្រីក្រសួងមហាផ្ទៃ និងក្រសួងការពារជាតិកម្ពុជាមានឆន្ទៈក្នុងការអនុវត្តច្បាប់កម្ពុជាដែរ ឬទេ ។
ការលើកឡើងនេះ ខណៈដែលចរន្តនៃលំហូរជនបរទេសចូលមកកាន់ប្រទេសកម្ពុជាយ៉ាងគំហុកនាប៉ុន្មានឆ្នាំចុងក្រោយនេះ ជាពិសេសជនជាតិចិន នៅថ្ងៃទី៥ ខែមករា ឆ្នាំ២០១៩នៅឯករាជបណ្ឌិតកម្ពុជាក្នុងវេទិកាស្តីពី«រដ្ឋាភិបាលដើមស្រស់» ។ លោកបណ្ឌិត សុខ ទូច បានលើកឡើងថា«ចិនមិនមែនមានតែនៅស្រុកយើងទេ ទីណាមានពន្លឺទីនោះមានចិន» ។
លោកថា ចិនមានប្រជាជន១,៤០០លាននាក់ អាស៊ានមានតែជាង៦០០លាននាក់ ។ ពេលនេះមិនត្រូវកង្វល់ពីវត្តមានចិននៅកម្ពុជាទេ តែត្រូវកង្វល់ពីការអនុវត្តន៍ច្បាប់របស់មន្ត្រីក្រសួងមហាផ្ទៃ និងក្រសួងការពារជាតិ ។ ក្រសួងមហាផ្ទៃត្រួតពិនិត្យពលរដ្ឋទូទាំងប្រទេស តើក្រសួងមហាផ្ទៃធ្វើការងារខ្លួនដែរ ឬទេ0x017d7 ។ លោកបណ្ឌិត សភាចារ្យ បានលើកឡើងថា នៅអាមេរិកមានឆាយណា ថោន នៅថៃមានឆាយណាថោង មានរហូតដល់៦០%នៅថៃកាន់កាប់ដោយចិន និងសម័យលោកថាក់ស៊ីន ស៊ីណាវ៉ាត់ត្រា ឲ្យនិយាយភាសាចិនទៀតផង ។
លោកបណ្ឌិត ថា«ឥឡូវនេះក្រសួងមហាផ្ទៃ និងក្រសួងការពារជាតិមានតួនាទីសំខាន់ណាស់»មានអ្នកខ្លះថា ចិនជិះឡាន (ខ.ម ឬន.ប) ពួកគេមកក្នុងនាមអ្វីដែរ អ្នកបណ្តុះបណ្តាល អ្នកវិនិយោគ ឬនគរបាលបេសកកម្មអ្វីនៅកម្ពុជា ? ។ លោកបណ្ឌិតបញ្ជាក់ថា«បើជនជាតិចិនទាំងនោះមកកម្ពុជាគ្មានតួនាទីអីទេ គឺមន្ត្រីក្រសួងការពារជាតិ និងក្រសួងមហាផ្ទៃកម្ពុជាត្រូវកែខ្លួន ។ ពីព្រោះកម្ពុជាមិនមែនកើតឡើងដោយរដ្ឋប្រហារទេ ។ កើតឡើងពីការបោះឆ្នោតប្រជាជនបោះឆ្នោត ដូចនេះក្រសួងទាំងពីរនេះត្រូវកែ ។ កុំឲ្យចិនជិះឡាន ខ.ម ឬន.ប ទៅបុកគេ ។
លោកថា«ប្រជាជនកម្ពុជាមិនមែនជាទទួលខុសត្រូវទេ គឺក្រសួងមហាផ្ទៃ និងក្រសួងការពារជាតិទេ ។ សូមកុំបន្ទោសចិនត្រូវបន្ទោសខ្លួនឯង ។ យើងខ្វះការគ្រប់គ្រងច្បាប់មានហើយ តែយើងនៅខ្វះឆន្ទៈ និងត្រូវការឆន្ទៈក្នុងការអនុវត្តន៍ច្បាប់យើង ។ ត្រូវទទួលយកការពិតបើមិនទទួលយកការពិតព្យាបាលមិនជាទេ» ។
លោកបណ្ឌិតសភាចារ្យបានបញ្ជាក់ថា«ចិនមកស្រុកខ្មែរនៅពេលនេះខុសពីចិនមកកាន់ស្រុកខ្មែរពីមុន» ។ លោកថា ចិនមកស្រុកខ្មែរ បីដំណាក់កាល គឺដំណាក់កាលទី១ – ចិនហែលទឹកមក ហើយហែលមកទើរត្រឹមណានៅត្រឹមនោះដូចជា នៅកំពង់ចាម ។ ដំណាក់កាលទី២- ចិនយកមនោគមមកដាក់ (១៩៧៥ដល់១៩៧៩) ចិនបាននាំមកដាក់ គឺមនោគមម៉ៅ សេទុង ។ តែដំណាក់កាលទី៣នេះ ទសវត្សទី២១ សម័យសម្តេចតេជោហ៊ុន សែន នេះចិនបានយកផ្ទះថ្ម៣០ជាន់ ,៤០ជាន់,៦០ជាន់ ហើយកុំសង្ឃឹមចិនយកទៅវិញទេ ។
ចំពោះបញ្ហាចិននេះកាន់តែក្តៅឡើងៗលោកបណ្ឌិតសភាចារ្យបានលើកឡើងជាសំណួរថា អ្នកណាផ្តល់សញ្ជាតិឲ្យទៅចិន គឺក្រសួងមហាផ្ទៃដោយសំណើរទៅព្រះមហាក្សត្រ ។ សូមឲ្យអ្នកវិភាគពិនិត្យឡើងវិញកុំបារម្ភសុទ្ធតែចិនចេះ ចិនចុះ ។ នៅពេលចិនទាំងនោះគ្មានអត្តសញ្ញាណប័ណ្ណខ្មែរ និងលិខិតឆ្លងដែនខ្មែរចិនទាំងនោះគ្មានសិទ្ធិទិញដីទេ ។
លោកបណ្ឌិតថា«យើងត្រូវចាប់ផ្តើមកែដោយអនុវត្តច្បាប់» ។ លោកថា បានឮសម្តេចតេជោថ្លែងពីបុណ្យសមុទ្រខេត្តកោះកុងថា ខ.ម ឬន.ប ចាប់ទាំងអស់ឲ្យតែខុសច្បាប់ ។ លោកថា«ដើម្បីឲ្យសម្លេងសាររបស់សម្តេចតេជោក្លាយជាសម្លេងមាស សូមឲ្យអ្នកអនុវត្តន៍ត្រូវតែគោរព ។ លោកបណ្ឌិតលើកឡើងថា ប្រទេសណាក៏មានចិនដែរ សំខាន់ត្រូវអនុវត្តច្បាប់ប្រទេសជា តិ ។ សូមកុំកង្វល់ពីចិនតែយើងអនុវត្តន៍បាន ឬមិនបាននេះបានជាកង្វល់ ៕
ចែករំលែកព័តមាននេះ