រាជធានីភ្នំពេញ ៖ បុរសជនជាតិហ្វាំងឡង់ម្នាក់ដេករហូតដល់ព្រឹក លុះនាឡិការោទិ៍ហើយក៏នៅមិនទាន់ក្រោកទៀត ពេលប្រពន្ធជាជនជាតិខ្មែរទៅដាស់ទើបដឹងថាស្លាប់ ។ ហេតុការណ៍នេះបង្កការឱ្យមានការភ្ញាក់ផ្អើលកាលពីវេលាម៉ោង៦និង៣០នាទីព្រឹកថ្ងៃទី៣ ខែមករា ឆ្នាំ ២០១៩…
រាជធានីភ្នំពេញ ៖ បុរសជនជាតិហ្វាំងឡង់ម្នាក់ដេករហូតដល់ព្រឹក លុះនាឡិការោទិ៍ហើយក៏នៅមិនទាន់ក្រោកទៀត ពេលប្រពន្ធជាជនជាតិខ្មែរទៅដាស់ទើបដឹងថាស្លាប់ ។ ហេតុការណ៍នេះបង្កការឱ្យមានការភ្ញាក់ផ្អើលកាលពីវេលាម៉ោង៦និង៣០នាទីព្រឹកថ្ងៃទី៣ ខែមករា ឆ្នាំ ២០១៩ នៅបន្ទប់លេខ២១៨ ជាន់ទី២ ផ្ទះសំណាក់យីហោលេខ១០ ផ្ទះលេខ ១០ ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានពីសមត្ថកិច្ចបានប្រាប់ឱ្យដឹងថា ជនរងគ្រោះដែលស្លាប់មិនត្រូវបានស្គាល់ឈ្មោះ ភេទប្រុស ជាជនជាតិហ្វាំងឡង់ មានអាយុប្រមាណជា៤២ឆ្នាំ មានប្រពន្ធម្នាក់ជាជន ជាតិខ្មែរ។
ប្រភពដដែលបានឱ្យដឹងថា មុនពេលកើតហេតុ កាលពី២ទៅ៣ថ្ងៃមុន បុរសជាជនបរទេសរងគ្រោះខាងលើ និងស្ត្រីជនជាតិខ្មែរជាប្រពន្ធ ទើបតែបាននាំគ្នាវិលត្រឡប់មកពីប្រទេសហ្វាំងឡង់ មកកាន់ស្រុកខ្មែរ ដើម្បីនាំប្រពន្ធមកបំពេញលិខិតស្នាមទៅរស់នៅឯប្រទេសហ្វាំងឡង់ និងទើបតែចូលមកស្នាក់នៅក្នុងផ្ទះសំណាក់ខាងលើ ដោយមានការផឹកស៊ីជួបជុំបងប្អូនផងដែរ។
តាមប្រភពដដែលបានឱ្យដឹងបន្តទៀតថា លុះដល់ព្រឹកឡើងសំឡេងនាឡិការោទិ៍ឡើង ហើយស្ត្រីជាប្រពន្ធជនជាតិខ្មែរក៏បានយកដៃទៅដាស់ប្តីឱ្យក្រោក ព្រោះដល់ម៉ោងត្រូវនាំគ្នាទៅធ្វើលិខិតស្នាមហើយ តែប្តីមិនព្រមក្រោកសោះ លុះឃើញសភាពដងខ្លួនប្តីរឹង ទើបប្រពន្ធមិនដឹងថា ប្តីបានស្លាប់ ហើយមិនដឹងស្លាប់តាំងពីពេលណានោះឡើយ ទើបប្រពន្ធជាជនជាតិខ្មែរបានរាយការណ៍ប្រាប់សមត្ថកិច្ចមូលដ្ឋានឱ្យចុះមកពិនិត្យ ហើយបង្កឱ្យមានមានភ្ញាក់ផ្អើលកើតឡើងតែម្តង។
ក្រោយពេលកើតហេតុ កម្លាំងសមត្ថកិច្ចមូលដ្ឋាន និង កម្លាំងជំនាញកោសល្យវិច្ច័យក្រុងបាននាំចុះមកធ្វើការត្រួតពិនិត្យ និងធ្វើកោសល្យវិច្ច័យលើសព រកឃើញថា បុរសជនជាតិហ្វាំងឡង់ខាងលើបានស្លាប់ដោយសារតែជំងឺគាំងបេះដូង ។
បន្ទាប់ពីពិនិត្យ និងធ្វើកោសល្យវិច្ច័យរួច សពត្រូវបានសមត្ថកិច្ចប្រគល់ទៅឱ្យស្ត្រីជាប្រពន្ធជនជាតិខ្មែរយកទៅធ្វើបុណ្យតាមប្រពៃណី ៕
ចែករំលែកព័តមាននេះ