ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា យ៉ាងហោចមនុស្សម្នាក់ស្លាប់ និង៣នាក់ទៀតបានរងរបួសធ្ងន់ធ្ងរ នៅហេតុការណ៍គ្រោះថ្នាក់ចរាចរណ៍ដ៏រន្ធត់បំផុត រវាងរថយន្តប្រដេញគ្នាលើផ្លូវជាតិរហូតក្រឡាប់ ហើយជ្រុលបុកផ្ទះ១ខ្នងទៀតបាក់បែករាបដល់ដី កើតឡើងកាលពីវេលាម៉ោង០៦ព្រឹកថ្ងៃទី២៧ ធ្នូ…
ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា យ៉ាងហោចមនុស្សម្នាក់ស្លាប់ និង៣នាក់ទៀតបានរងរបួសធ្ងន់ធ្ងរ នៅហេតុការណ៍គ្រោះថ្នាក់ចរាចរណ៍ដ៏រន្ធត់បំផុត រវាងរថយន្តប្រដេញគ្នាលើផ្លូវជាតិរហូតក្រឡាប់ ហើយជ្រុលបុកផ្ទះ១ខ្នងទៀតបាក់បែករាបដល់ដី កើតឡើងកាលពីវេលាម៉ោង០៦ព្រឹកថ្ងៃទី២៧ ធ្នូ ត្រង់ចំណុចkm 136 ក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
ប្រភពពីកន្លែងកើតហេតុឱ្យដឹងថា ភាគីរថយន្តដឹកឈើ អ្នកបើកបរឈ្មោះមាស ធារ័ត្ន ភេទប្រុស អាយុ២៨ឆ្នាំ ជនជាតិខ្មែរ(របួសធ្ងន់ ) រស់នៅភូមិកាបី ឃុំ២ធ្នូ ស្រុកស្នួល ខេត្តក្រចេះ ។ អ្នករួមដំណើឈ្មោះហេង ម៉េងលី ភេទប្រុស អាយុ២៥ឆ្នាំ ជនជាតិខ្មែរ រងរបួសធ្ងន់ និងឈ្មោះពុធ ធារិទ្ធ ភេទប្រុស អាយុ១៨ឆ្នាំ ជនជាតិខ្មែរ រងរបួសធ្ងន់ ។ រីឯជនរងគ្រោះនៅក្នុងផ្ទះ ឈ្មោះលី ណារី ភេទស្រី អាយុ៦៥ឆ្នាំ បានស្លាប់ ខណៈគ្រូពេទ្យកំពុងជួយសង្គ្រោះ ។ ដោយឡែក ម្ចាស់រថយន្តប្រភេទឆ្លាម ពុំស្គាល់អត្តសញ្ញាណ ។
ប្រភពបន្តថា នៅមុនពេលកើតេហតុ មានរថយន្តមាន៥គ្រឿងបានធ្វើការប្រដេញតាមពីក្រោយ រថយន្តសាំយ៉ុងមួយគ្រឿងដែលមានផ្ទុកឈើប្រណីត ក្នុងទិសដៅពីស្រុកកែវសីមា ឆ្ពោះទៅស្រុកស្នួល ខេត្តក្រចេះ។លុះមកដល់ចំណុចកើតហេតុ រថយន្ត២គ្រឿងបានប៉ះទង្គិចគ្នា បណ្ដាលឱ្យរថយន្តសាំយ៉ុងរងការក្រឡាប់ ជាច្រើនត្រលប់ចូលទៅបុកផ្ទះមួយខ្នងរបស់បងប្អូនខ្មែរ-អ៊ិស្លាម បង្កឱ្យមនុស្សនៅក្នុងផ្ទះម្នាក់ ឈ្មោះលី ណារី ភេទស្រី អាយុ៦៥ឆ្នាំ ជនជាតិចាម រងរបួសធ្ងន់ ។ ចំណែកមនុស្សនៅលើរថយន្តសាំយ៉ុង៣នាក់ ក៏រងរបួសធ្ងន់ កំពុងស្ថិតនៅក្នុងការជួយសង្គ្រោះ ។
ក្រោយកើតហេតុ សមត្ថកិច្ចស្រុកកែវសីមា បានចុះដល់គោលដៅ និងបានបញ្ជូនជនរងគ្រោះទាំង៤នាក់ ទៅធ្វើការសង្គ្រោះ នៅមណ្ឌលសុខភាព ស្រុកកែវសីមា ហើយខ្លះទៀត ត្រូវបានបញ្ជូនទៅសង្គ្រោះ នៅឯប្រទេសវៀតណាម។
ចំពោះករណីនេះ ត្រូវបានលោកឧត្តមសេនីយ៍ទោ ឡោ សុខា ស្នងការនគរបាលខេត្ត ដឹកនាំកម្លាំងចាត់វិធានការយ៉ាងម៉ឺងម៉ាត់ ដើម្បីស៊ើបអង្កេតឱ្យបានច្បាស់ ដើម្បីកំណត់មុខសញ្ញាអ្នកពាក់ព័ន្ធក្នុងហេតុការណ៍គ្រោះថ្នាក់ចរាចរណ៍ដ៏រន្ធត់ខាងលើ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ