ADផ្ទាំងផ្សព្វផ្សាយពាណិជ្ជកម្ម

Picture

នី ម៉ា​លី​ណា​ហួសចិត្ត​ថា គេ​តាម​ស្រឡាញ់​ច្រើន​តែ​មិន​រវល់ មក​បាក់​លើ​គាត់​លឿន​ត្រឹម​១​ខែ​សោះ

5 ឆ្នាំ មុន
  • ភ្នំពេញ

រាជធានី​ភ្នំពេញ ៖ ចាត់​ទុក​ថា ជា​សំណាង​មក​ដល់​ភ្លាម​ៗ​ចំពោះ​តារា​សម្តែង នី ម៉ា​លី​ណា ដែល​នៅ​វ័យ​ក្រមុំ​​យូរហើយ​នោះ ស្រាប់តែ​ជំពប់​ស្នេហ៍​ជាមួយ​កំលោះ​ម្នាក់ រហូត​ទាញ​ចិត្ត​នាង​ឲ្យ​លង់​ស្នេហ៍ ដោយនៅ​ទីបំផុត​នាង​បាន​សម្រេចចិត្ត​ភ្ជាប់ពាក្យ​ជា​ផ្លូវការ​ក្រោម​ការ​ចូលរួម​ពី​ចាស់ទុំ​សងខាង…

រាជធានី​ភ្នំពេញ ៖ ចាត់​ទុក​ថា ជា​សំណាង​មក​ដល់​ភ្លាម​ៗ​ចំពោះ​តារា​សម្តែង នី ម៉ា​លី​ណា ដែល​នៅ​វ័យ​ក្រមុំ​​យូរហើយ​នោះ ស្រាប់តែ​ជំពប់​ស្នេហ៍​ជាមួយ​កំលោះ​ម្នាក់ រហូត​ទាញ​ចិត្ត​នាង​ឲ្យ​លង់​ស្នេហ៍ ដោយនៅ​ទីបំផុត​នាង​បាន​សម្រេចចិត្ត​ភ្ជាប់ពាក្យ​ជា​ផ្លូវការ​ក្រោម​ការ​ចូលរួម​ពី​ចាស់ទុំ​សងខាង និង​តារា​សិល្បៈ​មួយ​ចំនួន​។ ពិធី​ភ្ជាប់ពាក្យ​របស់ នី ម៉ា​លី​ណា បាន​ធ្វើ​ឡើង​កាលពី​ព្រឹក ថ្ងៃ​ទី​២៣ ខែធ្នូ ឆ្នាំ​២០១៨ នា​ស្រុក​គៀនស្វាយ​ខេត្តកណ្តាល​។

នី ម៉ា​លី​ណា ជា​តារា​សម្តែង​ដែល​ធ្លាប់​ចូលរួម​សម្តែង​នៅ​តាម​ភាពយន្ត​មួយ​ចំនួន ហើយ​ក៏​ឧស្សាហ៍​ចេញ​មុខ​ក្នុង​កម្មវិធី​មុ​ស្ស​ធម៌​នានា​ដូច​ជា កិច្ចការ​សង្គម​ផង​ដែរ​។ ម្ល៉ោះហើយ​ទើប​ក្នុង​ចង្កោម​សិល្បៈ នាង​ត្រូវ​បាន​គេ​ស្គាល់​ជា​ច្រើន រហូត​មានការ​ស្គាល់​រូប​នាង​ស្ទើរ​គ្រប់​គ្នា​។

បញ្ជាក់​ប្រាប់​អ្នក​យក​ព័ត៌មាន​យើង កញ្ញា នី ម៉ា​លី​ណា ដែល​គ្រង​ឈុត​សំលៀក​បំពាក់​ខ្មែរ​តាម​ប្រពៃណី​ជាតិ​បាន​ឲ្យ​ដឹង​ថា អនាគត​ស្វាមី​នាង​ជាតា​រា​សិល្បៈ​មួយ​ដួង​ដែរ កាលពី​ច្រើន​ឆ្នាំ​មុន​។ ក្រោយមក​គាត់​ក៏​ងាក​មក​រកស៊ី ដោយ​បច្ចុប្បន្ន​ការងារ​គាត់​ជា​អ្នកជំនួញ​ផ្នែក​អចលនទ្រព្យ​ខាង​គម្រោង​ធំ​ៗ​។

លី​ណា​និយាយ​ទាំង​ហួសចិត្ត​ថា នាង​មាន​គេ​តាម​ស្រឡាញ់​ច្រើន​កន្លង​មក តែ​មិន​រវល់ លុះ​មក​បាក់​លើ​គាត់​លឿន​និយាយ​លែង​ចេញ​តែ​ម្តង ព្រោះ​ស្គាល់គ្នា​១​ខែ​សោះ ក៏​កំណត់​ភ្ជាប់ពាក្យ​។​ការ​ភ្ជាប់ពាក្យ​លឿន​បែប​នេះ ដោយសារ​តែ​ខាង​ចាស់ទុំ​គាត់​ត្រូវរ៉ូវ​គ្នា ហើយ​ណាមួយ​ខាង​ប្រុស​គាត់​សឿង​ណាស់ ចូល​មក​សុំ​ស្រឡាញ់​នាង និង​ចូល​និយាយ​ត្រង់​ៗ​ដល់​ចាស់ទុំ​។

អីុ​ចឹ​ង​ហើយ​ទើប​ម្តាយ​ឪពុក​នាង​ភ្ញាក់ផ្អើល​នឹង​ការ​សារភាព​នេះ ក៏​គិត​ថា គេ​ឲ្យ​តម្លៃ​មនុស្ស​ស្រី ទើប​មិន​ចង់​ទុក​យូរ​។ ពិធី​រៀប​ការ​នាង​ប្រហែល​នៅ​ឆ្នាំ​ក្រោយ ហើយ​ការងារ​សិល្បៈ​នាង​កំពុង​ចរចា​គ្នា បើ​គាត់​ឲ្យ​ភ្លើង​ខៀវ​ប្រឡូក​បន្ត នាង​នៅ​ប្រឡូក​ព្រោះ​ស្រឡាញ់ ប៉ុន្តែ​បើ​គាត់​ហាម គឺ​នាង​សុខចិត្ត​ធ្វើ​តាម​បំណង​ដើម្បី​មនុស្ស​ជាទី​ស្រឡាញ់​។

អត្ថបទសរសេរ ដោយ

កែសម្រួលដោយ