ខេត្តកំពង់ស្ពឺ ៖ មុខសញ្ញាសង្ស័យចែកចាយគ្រឿងញៀនម្នាក់ត្រូវបានសមត្ថកិចឃាត់ខ្លួនបន្ទាប់ពីឈរលក់ថ្នាំញៀនទៅឱ្យម៉ូយទាំងកណ្តាលថ្ងៃ។ ករណីបង្ក្រាបការជួញដូរគ្រឿងញៀនខុសច្បាប់នេះធ្វើឡើងនារសៀលថ្ងៃទី២០ ខែឆ្នូ ឆ្នាំ២០១៨ ចំណុចផ្លូវលំ (ផ្សារក្រាំងចេកទៅទំនប់ឡាង) ស្ថិតក្នុងភូមិរោងគោ ឃុំយុទ្ធសាមគ្គី ស្រុកឧដុង្ត ខេត្តកំពង់ស្ពឺ។
ជនសង្ស័យខាងលើនេះ ឈ្មោះ ជោត វិន ភេទប្រុស អាយុ២៣ឆ្នាំ រស់នៅភូមិត្រពាំងត្របែក ឃុំរុងរឿង ស្រុកថ្ពង ខេត្តកំពង់ស្ពឺ។
ប្រភពពីសមត្ថកិច្ចបានឱ្យដឹងថា កំលាំងអធិការដ្ឋាននគរបាលស្រុកឧដុង្គ ក្រោមការបញ្ជា និងដឹកនាំរបស់លោកអធិការបានធ្វើការល្បាតដល់ចំណុចផ្លូវលំ (ផ្សារក្រាំងចេកទៅទំនប់ឡាង) ស្ថិតនៅភូមិរោងគោ ឃុំយុទ្ធសាមគ្គី ស្រុកឧដុង្គ ក៏ប្រទះឃើញមុខសញ្ញាសង្ស័យកំពុងឈររេរា។ ពេលនោះកម្លាំងបានចុះឃាត់ធ្វើការសាកសួរ និងឆែកឆេរ។ ក្រោយពីឆែតឆេរសមត្ថកិច្ចរកឃើញម្សៅ.សថ្លាសង្ស័យថ្នាំញៀនចំនួន២០កញ្ចប់។
ប្រភពបន្តទៀតថា ក្រោយឆែកឃើញសមត្ថកិច្ចបាននាំខ្លួនមកកាន់អធិការ ដើម្បីសាកសួរបន្ត។ ហើយនៅចំពោះមុខសមត្ថកិចជនសង្ស័យឆ្លើយសារភាពថា មុនពេលឃាត់ខ្លួន គឺរូបគេកំពុងឈរចាំអ្នកមកទិញគ្រឿងញៀន ចំណែកម្សៅក្រាមពណ៌ស សង្ស័យជាគ្រឿងញៀនចំនួន២០កញ្ចប់តូច និងទូរស័ព្ទចាស់១គ្រឿង គឺជារបស់ខ្លួនប្រាកដមែន។
បន្ទាប់ពីស្តាប់ចម្លើយសារភាពរបស់ជនសង្ស័យរួចមក សមត្ថកិច្ចជំនាញបានកសាងសំណុំរឿង ដើម្បីចាត់ការតាមនីតិវិធី៕
ចែករំលែកព័តមាននេះ