សហរដ្ឋអាមេរិក ៖ រដ្ឋមន្ត្រីការពារប្រទេសអាមេរិក លោកJIM MATTISកាលពីថ្ងៃទី២០ធ្នូបានប្រកាសពីការសុំលាលែងចេញពីតំណែង បន្ទាប់ពីបណ្ដាសមាជិកឬមនុស្សជំនិតទាំងឡាយនៃរដ្ឋបាលលោកដូណាល់ត្រាំ ចាកចេញពីនាវារបស់លោកជាបន្តបន្ទាប់គ្នា ចាប់តាំងពីលោកចូលកាន់តំណែងប្រធានាធិបតីអាមេរិកពីខែមករាឆ្នាំ២០១៧មក។ បណ្ដាការខ្វែងគំនិតគ្នាក្លាយទៅជាមិនអាចស៊ូទ្រាំបាន ទើបលោកJIM…
សហរដ្ឋអាមេរិក ៖ រដ្ឋមន្ត្រីការពារប្រទេសអាមេរិក លោកJIM MATTISកាលពីថ្ងៃទី២០ធ្នូបានប្រកាសពីការសុំលាលែងចេញពីតំណែង បន្ទាប់ពីបណ្ដាសមាជិកឬមនុស្សជំនិតទាំងឡាយនៃរដ្ឋបាលលោកដូណាល់ត្រាំ ចាកចេញពីនាវារបស់លោកជាបន្តបន្ទាប់គ្នា ចាប់តាំងពីលោកចូលកាន់តំណែងប្រធានាធិបតីអាមេរិកពីខែមករាឆ្នាំ២០១៧មក។
បណ្ដាការខ្វែងគំនិតគ្នាក្លាយទៅជាមិនអាចស៊ូទ្រាំបាន ទើបលោកJIM MATTISប្រកាសពីការចាកចេញពីតំណែង ដោយលោករិះគន់ជាពិសេសយុទ្ធសាស្ត្រ ការទូតរបស់លោកដូណាល់ត្រាំ។
ក្នុងលិខិតសុំលាលែងប្រមុខមន្ទីរប៉ង់តាហ្គោនបានសរសេរថា គេត្រូវរាប់រកបណ្ដាសម្ព័ន្ធមិត្តជាមួយការគោរព ខណៈទំនាក់ទំនងរវាងប្រធានាធិបតីអាមេរិកនិងប្រមុខរដ្ឋឬប្រមុខរដ្ឋាភិបាលនៃបណ្ដាប្រទេសសម្ព័ន្ធមិត្ត ធ្លាក់ចុះដុនដាប។
ក្រោយការប្រកាសដកទ័ពអាមេរិកនាពេលខាងមុខនេះចេញពីសីុរី អតីតឧត្ដមសេនីយកងម៉ារីនអាយុ៦៨ឆ្នាំរូបនោះ មានជំហរមួយមិនល្អទល់តែសោះចំពោះលោកត្រាំដែលលោកតែងមាន ការទំទាស់ចាប់តាំងពីជិត២ឆ្នាំមកហើយ។
តាមTWITTERលោកត្រាំសរសេរថាលោកMATTIS នឹងចាកចេញពីតំណែងនាដំណាច់ខែកុម្ភៈខាងមុខនេះ។ លោកគូសបញ្ជាក់ថា លោកអរគុណយ៉ាងកក់ក្ដៅចំពោះលោកMATTISដែលបានបំពេញការងាររបស់លោក។
លោកត្រាំប្រកាសកាលពីថ្ងៃទី១៥ធ្នូ ពីការចាកចេញរបស់លោកRYAN ZINKEពីរដ្ឋមន្ត្រីមហាផ្ទៃ ទទួលបន្ទុកគ្រប់គ្រងបណ្ដាឧទ្យានជាតិ ដែនដីសហព័ន្ធនិងការពារបរិស្ថាន។ លោកRYAN ZINKEអតីតយោធា រងការរិះគន់លើការចំណាយយ៉ាងខ្ចះខ្ជាយនិងលទ្ធភាពនៃជម្លោះផលប្រយោជន៍។ លោកនឹងចាកចេញពីជួររដ្ឋាភិបាលនាដំណាច់ឆ្នានេះ ក្រោយកាន់តំណែងជិត២ឆ្នាំ។
ចំពោះលោកJOHN KELLYអគ្គលេខាធិការសេតវិមានក៏ត្រូវចាកចេញពីតំណែងនាដំណាច់ឆ្នាំនេះដែរ។ អ្នកចាកចេញម្នាក់ទៀតពីរដ្ឋការលោកត្រាំគឺលោកJEFF SESSIONSរដ្ឋមន្ត្រីយុត្តិធម៌។ លោកបានសុំលាលែងតាមសំណើលោកត្រាំ កាលពីខែវិច្ឆិកា។ លោកជាគោលដៅនៃការរិះគន់របស់ប្រធានាធិបតី ចាប់តាំងពីលោកសម្រេចកាលពីខែមីនា២០១៧ ឲ្យមានការសើុបអង្កេតទាក់ទិននឹងរុស្ស៊ី។
អ្នកចាកចេញម្នាក់ទៀតគឹលោកស្រីនីកគីហាឡី ដែលកាលពីដើមខែតុលាប្រកាសពីការសម្រេចរបស់លោកស្រីចាកចេញពីតំណែងឯកអគ្គរដ្ឋទូតអាមេរិកប្រចាំអ.ស.បនាដំណាច់ឆ្នាំ។ ម្យ៉ាងទៀតលោកត្រាំទទួលយកការសុំលាលែងរបស់លោកSCOTT PRUITTពីតំណែងរដ្ឋមន្ត្រីបរិស្ថាន ព្រោះតែរឿងអាស្រូវទាក់ទិន ការប្រើប្រាស់របស់លោកនូវបណ្ដាមូលនិធិសាធារណៈ៕
ចែករំលែកព័តមាននេះ