ខេត្តបាត់ដំបង ៖ សមត្ថកិច្ចបានឱ្យដឹងថា កម្លាំងនគរបាលបានសហការជាមួយមន្ត្រីធម្មការចុះឆែកឆេរអាស្រមព្រះសង្ឃមួយអង្គ នៅវេលាម៉ោង១១ និង៣០នាទីថ្ងៃត្រង់ថ្ងៃទី១៨ ធ្នូ ដែលគង់នៅចំណុចភ្នំ៨២ ស្ថិតក្នុងភូមិចាំចាប ឃុំបឹងរាំង ស្រុកកំរៀង បន្ទាប់ពីមានការសង្ស័យសង្ឃអង្គនេះ មានលាក់ទុកកាំភ្លើងច្នៃនិងសម្ភារល្មើសច្បាប់មួយចំនួនទៀត ។
សេចក្ដីរាយការណ៍បានឱ្យដឹងថា ភិក្ខុសង្ឃអង្គនោះ នាម ហ៊ន អង បច្ចុប្បន្នគង់នៅអាស្រមចំណុចភ្នំខាង
លើ។ សមត្ថកិច្ចនិងអនុគណៈស្រុក រួមទាំងមន្ត្រីធម្មការផង បានចុះត្រូតពិនិត្យនិងឆែកឆេរនៅក្នុងអាស្រមអង្គនេះ ដោយរកឃើញវត្ថុតាងមួយចំនួន រួមមានដកកាំភ្លើងខ្យល់បាញ់គ្រាប់កង់ចំនួន១ដើម, កាំភ្លើងខ្លី
មិនស្គាល់ម៉ាក១ដើម(ខូចគុណភាព) តែមានបង់១ និងគ្រាប់ចំនួន៩គ្រាប់, ខ្នោះដៃ១គូ, វិទ្យុម៉ាកMOTOROLA ១គ្រឿង, ដាវសាម៉ូរ៉ៃ១ដើម, កាំបិតចំពុះទុង១ដើម និងមួកនគរបាល១ ។
បើតាមសមត្ថកិច្ចបានប្រាប់ថា ជាមួយនឹងការចុះឆែកឆេនេះ មន្ត្រីជំនាញបានធ្វើេតេស្តទឹកនោមភិក្ខុសង្ឃអង្គនេះរកឃើញថា សង្ឃអង្គនេះមានផ្ទុកសារធាតុញៀនទៀតផង ។ បន្ទាប់ពីធ្វើការដកហូតនូវវត្ថុតាងទាំងនោះ មន្ត្រីធម្មការ និងលោកគ្រូអនុគណស្រុកកំរៀង បានសម្រេចផ្សឹក និងប្រគល់ឲ្យសមត្ថកិច្ចចាត់ការតាមនីតិវិធីហើយ ។
ចែករំលែកព័តមាននេះ