រាជធានីភ្នំពេញ៖ បុរសម្នាក់ត្រូវបានលោកឧត្តមសេនីយ៍ឃាត់ខ្លួនប្រគល់អោយនគរបាលប៉ុស្តិ៍ទឹកល្អក់ទី៣ចាត់ការតាមច្បាប់ បន្ទាប់ពីធ្វើសកម្មភាពលួចគាស់កញ្ចក់រថយន្តឡិចស៊ីសបានសម្រេច តែត្រូវម្ចាស់រថយន្តចេញមកទាន់។ ការឃាត់ខ្លួនជនសង្ស័យខាងលើនេះបានធ្វើឡើងកាលពីវេលាម៉ោង៦និង៣០នាទីព្រឹកថ្ងៃទី១៨ ខែធ្នូ ឆ្នាំ ២០១៨ នៅចំណុចមុខផ្ទះលេខ ២២Fផ្លូវលេខ២១៨…
រាជធានីភ្នំពេញ៖ បុរសម្នាក់ត្រូវបានលោកឧត្តមសេនីយ៍ឃាត់ខ្លួនប្រគល់អោយនគរបាលប៉ុស្តិ៍ទឹកល្អក់ទី៣ចាត់ការតាមច្បាប់ បន្ទាប់ពីធ្វើសកម្មភាពលួចគាស់កញ្ចក់រថយន្តឡិចស៊ីសបានសម្រេច តែត្រូវម្ចាស់រថយន្តចេញមកទាន់។
ការឃាត់ខ្លួនជនសង្ស័យខាងលើនេះបានធ្វើឡើងកាលពីវេលាម៉ោង៦និង៣០នាទីព្រឹកថ្ងៃទី១៨ ខែធ្នូ ឆ្នាំ ២០១៨ នៅចំណុចមុខផ្ទះលេខ ២២Fផ្លូវលេខ២១៨ ភូមិ ទី១៣ សង្កាត់ទឹកល្អក់ទី៣ ខណ្ឌទួលគោក។
ជនសង្ស័យ ដែលត្រូវឃាត់ខ្លួនខាងលើឈ្មោះអុិត វុទ្ធី ហៅឆាង ភេទប្រុស អាយុ៣១ឆ្នាំ មានលំនៅភូមិ បឹងព្រួល ឃុំបឹងព្រួល ស្រុកត្បូងឃ្មុំ ខេត្តត្បូងឃ្មុំ ។ ចំណែកម្ចាស់រថយន្តគឺលោកឧត្តមសេនីយ៍ប៉ាល់ សារិន អាយុ៤៨ឆ្នាំ ជាអនុប្រធាននាយកដ្ឋានអធិការកិច្ចក្រសួងមហាផ្ទៃ មានទីលំនៅផ្ទះកើតហេតុខាងលើ ។
តាមប្រភពព័ត៌មានបានអោយដឹងថា នៅមុនពេលកើតហេតុ លោកឧត្តមសេនីយ៍បានចតរថយន្តម៉ាកឡិចស៊ិស RX330 មួយគ្រឿង នៅមុខផ្ទះដូចសព្វដង ហើយត្រូវបានជនសង្ស័យជិះម៉ូតូមួយគ្រឿង មកឈប់ធ្វើសកម្មភាពលួចគាស់យកកញ្ចក់មើលផ្លូវផ្នែកខាងឆ្វេងបានសម្រេច ។
តាមព័ត៌មានអោយដឹងថា ពេលជនសង្ស័យកំពុងធ្វើសកម្មភាពនោះ ស្រាប់តែលោកឧត្តមសេនីយ៍បើកទ្វារចេញពីក្នុងផ្ទះមកទាន់ ក៏បានឃាត់ខ្លួនឆែកឆេរក្នុងកាបូប រកឃើញកញ្ចក់រថយន្តរបស់គាត់ ហើយក៏បាននាំខ្លួនជនសង្ស័យប្រគល់អោយនគរបាលមូលដ្ឋានចាត់ការតាមច្បាប់តែម្តង។
ក្រោយពេលឃាត់ខ្លួន ជនសង្ស័យបានសារភាពថា ខ្លួនបានធ្វើដំណើរមកពីស្រុក ដើម្បីយកកូនមកព្យាបាលនៅមន្ទីរពេទ្យគន្ធបុប្ជា អស់រយៈពេលប្រមាណជិត១០ថ្ងៃមកហើយ លុះនៅវេលាយប់រំលងអធ្រាត្រ ខ្លួនបានជិះម៉ូតូមួយគ្រឿង ធុនសេ១០០កូរ៉េ ចេញធ្វើសកម្មភាពលួចដែរ តែមិនហ៊ានលួច ដោយសារតែមានគេយាម ។ នៅពេលមកដល់ចំណុចខាងលើស្ងាត់ ខ្លួនក៏បានធ្វើសកម្មភាពលួច តែត្រូវម្ចាស់បើកទ្វារមកទាន់ ក៏ឃាត់ខ្លួនតែម្តង៕
ចែករំលែកព័តមាននេះ