រាជធានីភ្នំពេញ ៖ អតីតឧត្តមក្រុមប្រឹក្សាគណបក្សសង្គ្រោះជាតិលោក គង់ គាំ បានអះអាងថាលោកសម រង្ស៊ី បានកំពុងផុង និងបរាជ័យប្រសិនប្រើប្រាស់តួនាទីប្រធានស្តីទីគណបក្សសង្គ្រោះជាតិ (CNRP) នោះ ។
លោក គង់ គាំ បានលើកឡើងឲ្យដឹងនៅថ្ងៃទី១៨ ធ្នូនេះយ៉ាងដូច្នេះថា ខ្ញុំជាសាក្សីផ្ទាល់ និងសំខាន់តែមួយគត់របស់សម រង្ស៊ី កឹម សុខា សហស្ថាបនិក CNRP បានដឹងច្បាស់ក្នុងការធ្វើការ ។ លោកក៏បានលើកឡើងថា សេចក្តីសម្រេចណាដែលមិនឈរលើគោលការណ៍កុងសង់ ស៊ីសទាំងពីរនាក់រួមគ្នា គឺមិនត្រឹមត្រូវ ។
លោកបញ្ជាក់ថា«ភ្លើងឆេះផ្ទះ ម្ចាស់ដែលនៅក្រៅផ្ទះដែរមិនត្រូវបំបិទសិទ្ធិទេ ។ គណៈកម្មាធិការចំពោះកិច្ច និងលក្ខន្តិកៈ CNRP)» ។ ជាមួយគ្នានោះដែរអតីតឧត្តមក្រុមប្រឹក្សារូបនេះក៏បានលើកឡើងដែលលោក សម រង្ស៊ី ធ្វើកន្លងមកនេះមិនអាចយកជាការបានទេ ព្រោះថា នៅសហរដ្ឋអាមេរិករដ្ឋ Atlanta (សន្និសីទ) ដល់ Paris-បារាំង (វេទិកាសាធារណៈ) (មិនអាចជាប្រធានស្តីទី CNRP ទេ) គឺជារណសិរ្សសម រង្ស៊ី តែប៉ុណ្ណោះ ។ បំផុសការងើបខ្យល់ ។
លោកបន្តថា ប្រសិនបើលោកសម រង្ស៊ី នៅតែប្រកាន់យកអ្វីដែលសម្រេចនោះទៅធ្វើការជាអន្តរជាតិជាការប្រថុយ ហើយនឹងត្រូវបរាជ័យ ។ លោកបន្ថែមថា អន្តរជាតិ (ប្រើមុខមាត់ពាក់ ព័ន្ធរណសិរ្ស) គឺប្រថុយការជាប់ពាក់ព័ន្ធ និងផុងខ្លួនក្នុងសមរភូមិកម្ពុជា ហើយជួបបរាជ័យដូច នៅទីដ៏ទៃជាច្រើនដែរជាមិនខាន ។ លោកក៏បានលើកឡើងថា អនុវត្តច្បាប់គណបក្ស នយោបាយលោក សម រង្ស៊ី បានលាចេញពី CNRP (ទាំងតួនាទីប្រធាន ទាំងសមាជិកភាព) ។CNRP ដែលឈប់ប្រើរូបសញ្ញា (សម រង្ស៊ី – កឹម សុខា ចាប់ដៃគ្នា) ក៏ទទួលស្គាល់ថា រូបទណ្ឌិតមិនអាចប្រើបាន ។ លោកបញ្ជាក់ថា «ដូចនេះតួនាទីប្រធានចលនាសង្គ្រោះជាតិ និងប្រធានស្តីទី CNRP របស់លោក សម រង្ស៊ី (សាមីខ្លួនទទួលស្គាល់ថា ប្រធានចលនាមិនអាចប្រើជាមួយអន្តរជាតិបាន ហើយតួនាទីប្រធានស្តីទីដែលផ្ទៃក្នុងមិនទទួលយកដូចនេះអន្តរជាតិកាន់តែមិនអាចទុកជាផ្លូវការ និងស្របច្បាប់បានទៀត» ។
លោកបន្តថា ភាពឯកជនឯកោរបស់សម រង្ស៊ី កាន់តែប្រឹងភ្ជាប់ជាមួយ CNRP កាន់តែបង្ហាញនូវចេតនាបំផ្លាញគេឯងដែលមិនរួមគំនិតជាមួយខ្លួន ។ មួយចំនួននៃ១១៨ ដែលជាប់បម្រាមថា ការអំពាវនាវរបស់លោក សម រង្ស៊ី គឺឃោឃៅ និងផ្តាច់ការ ។ ជាមួយគ្នានោះដែរលោក គង់ គាំ ក៏បានរឮកថា លោក សម រង្ស៊ី ដែលធ្លាប់ទទួលការលើកលែងទោសពីព្រះមហាក្សត្រ ស្របតាមសំណើនាយករដ្ឋមន្ត្រី មិនដែលទទួលថា ខ្លួនក្បត់នឹងអ្នកបាត់បង់ជីវិតពីការគប់គ្រាប់បែកបួនគ្រាប់ នៅជិតអតីតរដ្ឋសភា តាមរយៈការទម្លាក់ចោលបណ្តឹងទេ និងក្បត់អ្នកប្រជាធិបតេយ្យ និងប្រជាពលរដ្ឋ ដោយព្រមធ្វើវិសោធនកម្មរដ្ឋធម្មនុញ្ញពីសម្លេងពីរភាគបីមកត្រឹមហាសិបបូកមួយនោះឡើយ ។
សូមជម្រាបថា ការលើកឡើងរបស់លោកគង់ គាំ នេះ បន្ទាប់ពីលោក សម រង្ស៊ី ត្រូវបាន ប្រកាសទទួលស្គាល់ជាផ្លូវការជាប្រធានស្តីទីគណបក្សសង្គ្រោះជាតិ ។ សេចក្តីប្រកាសរបស់ ក្រុម លោកសម រង្ស៊ី ចេញផ្សាយនៅថ្ងៃទី១៨ ធ្នូ បានលើកឡើងថា លោក សម រង្ស៊ី ធ្វើជាប្រធានស្តីទីគណបក្សសង្គ្រោះជាតិចាប់ពីថ្ងៃទី៩ ធ្នូ ឆ្នាំ២០១៨កន្លងមក ។
អ្នកនាំពាក្យបក្សកាន់អំណាចក៏លើកឡើងថា តើនៅលើលោកនេះដែលមានបក្សមួយយកមនុស្សដែលមិនមែនជាសមាជិកបក្សមកធ្វើជាមេដឹកនាំងាយៗដោយគ្រាន់តែកោះប្រជុំលើកដៃនោះ ? ៕
ចែករំលែកព័តមាននេះ