ខេត្តបន្ទាយមានជ័យ ៖ ក្មេងស្រីម្នាក់បានបាត់បង់ជីវិតគួរឲ្យអាណោចអាធម៌ខណៈពេលដែលក្រុមក្មេងចំនួន៥នាក់ និងក្មេងរងគ្រោះទៅលោតទឹកលេងក្នុងប្រឡាយដែលមានពើកស្តើង និងក្រាល់ ។ ហេតុការបង្កឲ្យមានការភ្ញាក់ផ្អើលនេះបានកើតឡើងនៅចន្លោះម៉ោង៦ព្រឹក ដល់ម៉ោង៨ព្រឹកថ្ងៃទី១៣ ខែធ្នូ ឆ្នាំ២០១៨…
ខេត្តបន្ទាយមានជ័យ ៖ ក្មេងស្រីម្នាក់បានបាត់បង់ជីវិតគួរឲ្យអាណោចអាធម៌ខណៈពេលដែលក្រុមក្មេងចំនួន៥នាក់ និងក្មេងរងគ្រោះទៅលោតទឹកលេងក្នុងប្រឡាយដែលមានពើកស្តើង និងក្រាល់ ។ ហេតុការបង្កឲ្យមានការភ្ញាក់ផ្អើលនេះបានកើតឡើងនៅចន្លោះម៉ោង៦ព្រឹក ដល់ម៉ោង៨ព្រឹកថ្ងៃទី១៣ ខែធ្នូ ឆ្នាំ២០១៨ នៅភូមិកំបោរ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថា នៅមុនពេលកើតហេតុមានក្មេងប្រុស-ស្រីចំនួន៥នាក់បានទៅរកជញ្ជាត់ត្រីក្រឹមអតីតជាស្រះទឹកនោះ ក្រោយមកក៏មានការជីកប្រឡាយកាត់ស្រះទឹកនោះដោយអេស្កាវ៉ាទ័រដែលមានជម្រៅ២ម៉ែត ទទឹង១,៥០ម៉ែត្រ ខាងជើងសាលារៀនភូមិកំបោរ៣០ម៉ែត ក្នងប្រឡាយនេះ មានពើកដុះពីលើទឹកកន្លែងខ្លះក្រាស់កន្លែងខ្លះស្ដើងកន្លែងដែលក្រាស់មនុស្សអាចដើរពីលើបាន ហើយរយៈកាលកន្លងមកក្រុមក្មេងៗទាំងនេះ តែងតែទៅឡើងលើពើកក្រាស់នោះលោតលេងនៅកន្លែងកើតហេតុនោះ ដែលមានកន្លែងស្រឡះអតីតជាស្រះនោះ គឺមានទទឹង៥ម៉ែត្រ និងបណ្តោយ១២ម៉ែត្រ ពុំដែលមានអ្វីកើតឡើងនោះទេ ។
លោកអធិការបានបញ្ជាក់ថា នៅថ្ងៃកើតហេតុក្មេងស្រីរងគ្រោះឈ្មោះ ឈឿម ស្រីនិត ភេទស្រី អាយុ១០ឆ្នាំ នៅភូមិកំបោរ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ និងក្មេងក្នុងភូមិ ក្រោយពីរកចាប់ត្រីក្រឹមរួចក៏នាំគ្នាឡើងលើពើកលោតលេងដូចសព្វមួយដង តែចៃដន្យបែរជាជជ្រមុជទៅនៅក្រោមពើកក្រាស់រកកន្លែងផុសចេញមិនរួច ទើបបណ្តាលឲ្យលង់ទឹកស្លាប់តែម្តង ។
ករណីក្មេងលង់ទឹកស្លាប់ម្នាក់ក្នុងចំណោមក្មេងចំនួន៥នាក់មានឈ្មោះដូចខាងក្រោម ១- ឈ្មោះ ឈឿម ស្រីនឺយអាយុ៧ឆ្នាំ ២-ឈ្មោះ ប៊ឹម ប៊ុននឿង ភេទប្រុស អាយុ៨ឆ្នាំ ៣- ឈ្មោះ ណយ ស៊ី នួន ភេទស្រី អាយុ៨ឆ្នាំ
៤- ឈ្មោះ ម៉ាប់ ស្រីអែម ភេទស្រី អាយុ១០ឆ្នាំ និងម្នាក់ទៀតដែលបានស្លាប់ខាងលើ ហើយពួកគេរសនៅភូមិឃុំ ខាងលើបាននាំគ្នាដើររកចិញ្ជាត់ត្រីក្រឹម ។
នៅថ្ងៃកើតហេតុខាងលើនេះឈ្មោះ ឈឿម ស្រីនិត បានលោតលេងចំកន្លែងដែលមានពើកស្ដើងធ្លាក់ចូលក្នុងទឹក ក្រោមពើកក្រាស់ផុសមកលើមិនរួច ទើបបណ្ដាលអោយលង់ទឹកស្លាប់ ពេលនោះមានឈ្មោះ រឿម សារិន ភេទស្រី អាយុ១៤ឆ្នាំ នៅភូមិជាមួយបានដើររកក្មួយខ្លួនឈ្មោះ ណយ ស៊ីនួន នៅកន្លែងកើតហេតុត្រូវបានអ្នកទាំងអស់គ្នាខាងលើនេះបានប្រាប់ថា ស្រីនិចបានលង់ទឹកស្លាប់ហើយ ព្រមទាំងចង្អុលបង្ហាញកន្លែងទៀតផងឈ្មោះ រឿម សារិន បានមកប្រាប់ឈ្មោះ សាន់ លឿ អាយុ៥៦ឆ្នាំ នៅភូមិកំបោរ ហើយក៏ឈ្មោះ សាន់ លឿ មកប្រាប់បងប្អូនក្នុងភូមិជួយស្រង់យកមកផ្ទះ ។
សូមបញ្ជាក់ថា ចំពោះឈ្មោះ ឈឿម ស្រីនិច មានឪពុកឈ្មោះ សួន ស្រីណាល់ អាយុ៣៧ឆ្នាំ ម្ដាយឈ្មោះ សឿន ឃូញ អាយុ៣២ឆ្នាំ បានទៅរកស៊ីនៅប្រទេសថៃ ឯឈឿម ស្រីនិច នៅជាមួយយាយឈ្មោះ អ៊ុ សម្បត្តិ អាយុ៦៥ឆ្នាំ ។
យោងតាមកម្លាំងជំនាញពិនិត្យរបស់មន្ត្រីជំនាញពិនិត្យ និងវិភាគកន្លែងកើតហេតុឃើញថា សាកសពឈ្មោះ ឈឿម ស្រីនិត ខាងលើនេះពុំមានស្លាកស្លាមអ្វីគួរអោយកត់សំគាល់ថាជាស្លាកស្លាមដែលពាក់ព័ន្ធទៅនិងអំពើឃាតកម្មទេ ដូចច្នេះតាមការសន្និដ្ឋានរបស់លោកគ្រូពេទ្យកោសល្យវិច្ច័យបានអោយដឹងថា សាកសព ឈ្មោះ ឈឿម ស្រីនិច បានស្លាប់ដោយសារការលង់ទឹកខ្លួនឯងពិតប្រាកដមែន៕
ចែករំលែកព័តមាននេះ