រាជធានីភ្នំពេញ៖ លោកគន់ រៀមរនៈបានបញ្ចេញសារទាក់ទិនថៅកែភេសជ្ជៈម្នាក់មានលុយវាល់លាន តែបែរជាជំពាក់ខ្លួនជាង២០០ដុល្លាររយៈពេល៤ឆ្នាំហើយនៅតែមិនសង ។
តារាសម្ដែងភេទទី៣គន់ រៀមរតនៈ ហៅចែរ៉ូហ្សា បានបង្ហោះសារកាលពីពេល ថ្មីៗកន្លងមកឱ្យដឹងថា នាយកក្រុមហ៊ុននាំចូលភេសជ្ជៈធំមួយបានជំពាក់ប្រាកខ្លួន់ចំនួន២១៥ ដុល្លារ អស់រយៈពេលប្រមាណ៤ឆ្នាំមកហើយ មិនសង សូម្បីតែផ្ញើសារទៅក៏មិនឆ្លើយតប ថែមទាំងប្លុកហ្វេសប៊ុកចោលទៀតផង ។
ចែរ៉ូហ្សា បានសរសេរលើហ្វេសប៊ុកថា «សរសេរឡើងចង់ស្រក់ទឹកភ្នែក ស្តាយចិត្តអាណិតចិត្តខ្លួនឯង មូលហេតុដែលធ្វើការជាស្រីKTVជិត១០ឆ្នាំមកហើយ តែមិនព្រមមាននឹងគេសោះ។ បងប្អូនជួយមើលតិចមើល ប៉ុន្មានឆ្នាំហើយបុងមួយហ្នឹង0x017d7ជានាយកក្រុមហ៊ុននាំចូល និងផលិតភេសជ្ជៈមួយដ៏ធំនៅកម្ពុជា នាំសុទ្ធតែកំពូលតារាសម្តែង និងModel ល្បីៗមកផឹកច្រៀងលេង មានទាំងម្តាយ ទាំងឪពុក និងប្អូន មួយពូជ ផឹកសុទ្ធតែស្រា ថ្លៃៗ ដឹងអី ដល់ពេលគិតលុយ អូនទុកបុងហ្នឹងសិនហើយ ចាំស្អែកបងឱ្យកូនចៅយកលុយមកសង ! ព្រះអើយដាច់ផ្ងារភីងខ្ញុំ ។
ស្អែកមែន ស្អែកជាង៤ឆ្នាំកន្លងផុតទៅហើយ បាត់ស្រមោលលោកនាយកក្រុមហ៊ុនសូន្យសុងឈឹង ខលមិនលើក ឆាតមិនតប blockឯងចោលទៀត ។ ស៊ូទ្រាំអត់ស៊ី អត់ចាយខ្លួនឯងទៅធានាបុងផឹកស៊ីជូនលោកនាយកក្រុមហ៊ុននោះ ។
ជួយស៊ែរមួយផង ក្រែងលោកនាយកក្រុមហ៊ុនម្នាក់នោះបានឃើញ ភ្ញាក់រលឹក នឹកឃើញអនុស្សាវរីយ៍ ផ្អែម ល្វីង ជូរចត់ កម្សត់កម្រជាមួយគ្នាកន្លងមក គាត់ឱ្យកូនចៅយកលុយមកសងរាស្ត្ររហាមម្នាក់នេះផង»។
ចែរ៉ូហ្សា កន្លងមកបង្ហាញមុខឲ្យទស្សនិកជនស្គាល់តាមរយៈតួអង្គជាភេទទី៣ក្នុងខ្សែភាពយន្តជាច្រើន ៕
ចែករំលែកព័តមាននេះ