អាមេរិក ៖ តាមប្រភពព័ត៌មាន Metro បានឲ្យដឹងថា ស្ត្រីម្នាក់ដែលមានទម្ងន់១៣៦គីឡូក្រាម បានទទួលសារភាពថា ពិតជាបានសម្លាប់មិត្តប្រុស ដោយអង្គុយសង្កត់ពីលើពិតមែន។
ភាគីខាងមិត្តស្រីឈ្មោះ Windi Thomas អាយុ៤៤ឆ្នាំ ត្រូវបានតុលាការសម្រេចទោសពីបទមនុស្សឃាតកម្រិតទី៣ ទៅភាគីខាងមិត្តប្រុសឈ្មោះ Keeno Butler ដែលមានអាយុ៤៤ឆ្នាំដូចគ្នា ដែលតម្រូវឲ្យជាប់ពន្ធនាគារពី១៨ឆ្នាំ ទៅដល់៣៦ឆ្នាំ។
នាង Thomas ដែលរស់នៅក្នុងរដ្ឋ Pennsylvania បានចាក់សម្លាប់មិត្តប្រុសរបស់នាង ហើយវាយមួយជើងតុ នៅពេលនាងស្រវឹងកាលពីខែមីនាឆ្នាំនេះ។ ដល់ពេលប៉ុន្មានថ្ងៃមុននេះ ទើបតុលាការធ្វើការសម្រេចក្តី។
មេធាវីរបស់នាង បានការពារក្តីរបស់នាងថា ការសម្លាប់មិត្តប្រុសរបស់នាង គឺជាទង្វើអចេតនា។ តែព្រះរដ្ឋអាជ្ញាបានរកឃើញថា ការដួលសង្កត់ពីលើគ្រាន់តែជាមួយផ្នែកនៃការសម្លាប់ប៉ុណ្ណោះ។
គេបានធ្វើកោសល្យវិច្ច័យ ហើយរកឃើញថា បុរសជាមិត្តប្រុសបានស្លាប់ដោយសារតែខ្វះខ្យល់ដកដង្ហើម និងមានរបួសនៅចំក និងទ្រូង។ ពេលប៉ូលិសទីដល់ទីតាំងកើតហេតុ ពួកគេក៏បានឃើញមានជើងតុប្រឡាក់ឈាមផងដែរ៕
ចែករំលែកព័តមាននេះ