ឪពុកពិការហើយនៅកូនតូចៗ៤ទៀត
- ព្រះសីហនុ
ខេត្តព្រះសីហនុ ៖ លោក ទៀ សុខា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តព្រះសីហនុនៅថ្ងៃទី០៨ ខែធ្នូ ឆ្នាំ២០១៨…
ខេត្តព្រះសីហនុ ៖ លោក ទៀ សុខា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តព្រះសីហនុនៅថ្ងៃទី០៨ ខែធ្នូ ឆ្នាំ២០១៨ បានដឹកនាំសមាជិក សមាជិកាចុះសួរសុខទុក្ខ និងនាំយកអំណោយរួមទាំងថវិការបស់សមាគមចលនាយុវជនកម្ពុជា(ក្រុម១៥៧) ។
សាខាខេត្តព្រះសីហនុយកទៅឧបត្ថមជូនដល់គ្រួសារទីទ័លក្រឈ្មោះ តូច ចំរើន ភេទប្រុស អាយុ៣៤ឆ្នាំ ដែលជួបគ្រោះថ្នាក់ចរាចរណ៍ពិការមួយចំហៀងខ្លួន និងមានប្រពន្ធឈ្មោះ វ៉ាន់ ស៊ីម៉ា អាយុ២៩ឆ្នាំ ប្រកបមុខរបររត់ម៉ូតូឌុប ដើម្បីផ្គត់ផ្គង់ជីវភាពគ្រួសាររួមទាំងមានកូនតូចចំនួន០៤នាក់ក្នុងបន្ទុក ។
បច្ចុប្បន្នរស់នៅក្រុមទី១៨ ភូមិ១ សង្កាត់១ ខេត្តព្រះសីហនុ អំណោយដែលបានយកទៅចែកជូនរួមមានដូចជា៖ អង្ករ៥០គីឡូ មី១កេស ត្រីខ១យួរ ទឹកត្រី១យួរ ទឹកស៊ីអ៊ីវ១យួរ ប្រេងឆា១លីត្រ អំបិល១គីឡូ ស្ករស១គីឡូ ប៊ីចេង១គីឡូ ថវិកា៤,៤០០,០០០រៀល ៕
ចែករំលែកព័តមាននេះ