ប្រទេសបារាំង ៖ ខណៈប្រទេសបារាំងកំពុងប្រឈមមុខនឹងបាតុកម្មហិង្សារបស់ពួកអាវកាក់លឿង ពួកសិស្សសាលាវិទ្យាល័យក៏លើកគ្នាធ្វើបាតុកម្មដែរ ទាមទារការកែទម្រង់ការប្រឡងបាក់ ហើយក៏ដើម្បីសម្ដែងសាមគ្គីភាពជាមួយចលនាពួកអាវកាក់លឿងដែរ។
កាលពីថ្ងៃទី៦ធ្នូសិស្សវិទ្យាល័យនិងអនុវិទ្យាល័យច្រើនរយនាក់ បានលើកគ្នាធ្វើបាតុកម្មអុកឡុក រួចផ្ទុះអំពើហិង្សានានា នាំឲ្យមានការចាប់ខ្លូនសិស្សសាលាជាង៧០០នាក់។ ក្រសួងអប់រំជាតិគូសបញ្ចាក់ថាតួលេខរបស់សិស្សធ្វើបាតុកម្ម មានប្រហាក់ប្រហែលគ្នានឹងកាលពីថ្ងៃមុនៗ។ បណ្ដាសហជីពវិទ្យាល័យបានអំពាវនាវឲ្យរក្សាការគាបសង្កត់ ហើយបង្កើនចលនានាថ្ងៃទិី៦ធ្នូ តាមរយៈការប្រមូលផ្ដុំគ្នាទុូទៅ មុនពេលធ្វើបាតុកម្មនាថ្ងៃទី៧ធ្នូ។
នៅក្រុងLES YVLINES មនុស្ស១៤៨នាក់ត្រូវចាប់ខ្លួន នៅមុខវិទ្យាល័យMANTES LA JOLIE ពីបទចូលរួមក្នុងការបង្កចលាចលក្រោយការប៉ះទង្គិចគ្នានានា។ ការចាប់ខ្លួនមនុស្សទាំងនេះកើតមាន បន្ទាប់ពីឧប្បត្តិហេតុថ្មីៗនៅក្បែរវិទ្យាល័យ SAINT EXUPERY ដោយនៅទីនោះរថយន្ត២គ្រឿង ត្រូវដុតបំផ្លាញ ហើយមានការប៉ះទង្គិចគ្នាជាមួយប៉ូលិស។
ក៏មានការចាប់ខ្លួនសិស្សសាលាច្រើនអ្នកទៀតនៅតាមវិទ្យាល័យនានា ដែលមានបាតុកម្ម។ សរុបមនុស្សជាង៧០០នាក់ត្រូវចាប់ខ្លួននាថ្ងៃទី៦ធ្នូ ដោយពេលចាប់ខ្លួន ពួកគេត្រូវបានប៉ូលិសឲ្យលើកដៃទាំង២ដាក់លើក្បាលឬដាក់ទៅក្រោយ។
នៅប្រទេសបារាំងគេកំពុងមានការព្រួយបារម្ភ ចំពោះបាតុកម្មថ្មីរបស់ពួកអាវកាក់លឿងនាថ្ងៃទី៨ធ្នូ ដែលអាចផ្ទុះអំពើហិង្សាខ្លាំងដូចកាលពីលើកមុននិងអាចលើសនោះទៀត៕
ចែករំលែកព័តមាននេះ