ប្រទេសអីុស្រាអែល-លីបង់ ៖ អីុស្រាអែលប្រកាសថា បានបើកធ្វើកាលពីថ្ងៃទី៤ធ្នូ នូវប្រតិបត្តិការយោធាមួយ ដើម្បីកម្ទេចបណ្ដាផ្លូវរូងក្រោមដីរបស់ពួកហេសប៊ុលឡាហ៍ ដែលប្រទះឃើញនៅព្រំដែនជាមួយលីបង់។ បែបនេះអាចបង្កភាពតានតឹងជាមួយពួកហេសប៊ុលឡាហ៍ ជាសត្រូវជូរចត់របស់អីុស្រាអែលទទួលការជួយទ្រទ្រង់ពីសំណាក់អីុរ៉ង់។
ប្រតិបត្តិការមានឈ្មោះថា ខែលខាងជើងត្រូវបានប្រកាសក្រោយការជួបពិភាក្សាគ្នាគួរឲ្យភ្ញាក់ផ្អើល រវាងនាយករដ្ឋមន្ត្រីអីុស្រាអែលលោកបេនចាមីននេតាន់យ៉ាហ៊ូនិងរដ្ឋមន្ត្រីតការបរទេសអាមេរិក លោកMIKE POMPEO នៅក្រុងព្រុចសែល។
ការប៉ះទង្គិចគ្នាតែងកើតមានរយៈពេលប៉ុន្មានឆ្នាំចុងក្រោយនេះ រវាងអីុស្រាអែលនិងពួកហេសប៊ុលឡាហ៍នៅស៊ីរីជិតខាង ប៉ុន្តែការចាប់អារម្មណ៍របស់អីុស្រាអែល ផ្ដោតនាពេលថ្មីៗនេះលើសកម្មភាពរបស់ពួកហេសប៊ុលឡាហ៍និងអីុិរ៉ង់នៅលីបង់។
ពួកហេសប៊ុលឡាហ៍នៅពុំទាន់ធ្វើអត្ថាធិប្បាយលើប្រតិបត្តិការនេះរបស់អីុស្រាអែលនៅឡើយ។ ទោះបីយ៉ាងណាផ្នែកព័ត៌មានយោធារបស់ចលនានោះ បានចេញផ្សាយបណ្ដារូបថតនិងវីដេអូរយៈពេលជាង៥នាទីមួយ ដែលបង្ហាញពីចលនារបស់កងទាហានអីុស្រាអែល នៅខាងផ្នែកព្រំដែនរបស់គេ ក្បែរមូលដ្ឋានKFAR KILA។ គឹនៅភូមិលីបង់នោះហើយដែលអីុស្រាអែលថាមានផ្ទះមួយជាមាត់ច្រកចូលនៃផ្លួវរូងក្រោមដីមួយ ៕
ចែករំលែកព័តមាននេះ