ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា កាលពីវេលាវេលាម៉ោង១និង៣០នាទី រសៀលថ្ងៃទី ៤ ធ្នូ កម្លាំងមន្ទីរយុត្តិធម៌កងរាជអាវុធហត្ថខេត្តព្រះសីហនុ ដឹកនាំដោយលោកវរសេនីយ៍ទោ ឆេង វុទ្ធី បានចុះបង្ក្រាបករណីជំរិតទារប្រាក់មួយករណី នៅចំណុចក្រុម៤២ ភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ ដោយបានធ្វើការឃាត់ខ្លួនជនជាតិចិនចំនួន៧នាក់ និងរំដោះជនរងគ្រោះចំនួន២នាក់ ។
ក្នុងនោះកម្លាំងសមត្ថកិច្ចកងរាជអាវុធហត្ថ ក៏បានធ្វើការដកវត្ថុតាងមានអាវុធម៉ាកK៥៩ ចំនួនមួយដើម គ្រាប់៤គ្រាប់ បង់២ ទូរស័ព្ទ៨គ្រឿង ខ្នោះដែក១គូ ដំបងជ័រ (ក្រឡាស់ចេញដែក) ចំនួន២ និងសម្ភារមួយចំនួនទៀត ។
ក្រោយចាប់ខ្លួនជនសង្ស័យទាំង៧នាក់នោះ កម្លាំងជំនាញបទល្មើសព្រហ្មទណ្ឌកងរាជអាវុធហត្ថខេត្ត បាននិងកំពុងបន្តនីតិវិធី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ