ខេត្តសៀមរាប ៖ លោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជាបានថ្លែងប្រាប់អ្នកសារ័ត៌មាន នៅល្ងាចថ្ងៃទី៤ ខែធ្នូ ឆ្នាំ២០១៨ អំឡុងដំណើរទស្សនកិច្ចមួយក្នុងខេត្តសៀមរាបថា…
ខេត្តសៀមរាប ៖ លោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជាបានថ្លែងប្រាប់អ្នកសារ័ត៌មាន នៅល្ងាចថ្ងៃទី៤ ខែធ្នូ ឆ្នាំ២០១៨ អំឡុងដំណើរទស្សនកិច្ចមួយក្នុងខេត្តសៀមរាបថា លោកតំណាងឲ្យសហភាពអឺរ៉ុបបានឃើញពីសេចក្តីថ្លែងការណ៍ស្តីពីការពីវិធាននៃការពង្រឹងលទ្ធិប្រជាធិបតេយ្យឡើងរបស់រដ្ឋាភិបាលកម្ពុជា ហើយលោកយល់ថា នេះ គឺជាជំហានដ៏វិជ្ជមានមួយសម្រាប់ឈានដល់ការធ្វើសំណើរពីនាយករដ្ឋមន្ត្រីទៅព្រះមហាក្សត្រលើកលែងទោសដល់អ្នកនយោបាយនៃគណបក្សប្រឆាំងចំនួន១១៨រូប បានត្រឡប់មកធ្វើនយោបាយវិញ ។
គួរបញ្ជាក់ថា បន្ទាប់ពីមានបណ្តឹងពីគណបក្សហ្វ៊ុន ស៊ិនប៉ិច និងគណបក្សយុវជនកម្ពុជាដាក់ពាក្យប្តឹងគណបក្សសង្គ្រោះជាតិ ទៅក្រសួងមហាផ្ទៃប្តឹងឲ្យពិនិត្យ និងបញ្ជូនសំណុំរឿងតុលាការ ដើម្បីសុំរំលាយគណបក្សប្រឆាំងមួយនេះ ។ បន្ទាប់មកនៅថ្ងៃទី១៦ ខែវិច្ឆិកា ២០១៧ចៅក្រមតុលាការកំពូលបានសម្រេចប្រកាសសាលក្រមរំលាយគណបក្សសង្គ្រោះជាតិ និងហាមឃាត់ថ្នាក់ដឹកនាំគណបក្សសង្គ្រោះជាតិចំនួន១១៨រូប រយៈពេល៥ឆ្នាំ ។
លោក ជាម យៀប តំណាងរាស្ត្រមកពីគណបក្សកាន់អំណាចបានលើកឡើងថា សម្តេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលបានដាក់សេចក្តីស្នើច្បាប់ស្តីពីគណបក្សនយោបាយមកកាន់រដ្ឋសភា ដើម្បីឲ្យរដ្ឋសភាពិនិត្យ និងអនុម័តវិសោធនកម្មមាត្រា៤៥ថ្មី ។ លោកថា តាមច្បាប់ក្រសួងមហាផ្ទៃស្នើទៅសម្តេចតេជោនាយោរដ្ឋមន្ត្រី ហើយសម្តេចតេជោនាយករដ្ឋមន្ត្រីនឹងថ្វាយដល់ព្រោះមហាក្សត្រ ដើម្បីទ្រង់សម្រេចចុងក្រោយ ។
លោកឯកអគ្គរដ្ឋទូតសហភាពអឺរ៉ុបបានលើកឡើងថា លោកបានការកត់សម្គាល់ កាលពីថ្ងៃទី៥ ខែធ្នូ ២០១៨ថា រដ្ឋសភាបានធ្វើសេចក្តីប្រកាសក្នុងការធ្វើវិសោនកម្មក្នុងការផ្តល់លទ្ធភាពឲ្យមានការបើកច្រកសម្រាប់ឲ្យសម្តេចនាយករដ្ឋមន្ត្រីស្នើទៅព្រះមហាក្សត្រដកបម្រាមពីអ្នកនយោបាយដែលមិនឲ្យចូលធ្វើនយោបាយចំនួន១១៨រូបមកពីគណបក្សប្រឆាំងប្រឡូកក្នុងនយោបាយ ។ លោកថា នេះជាជំហានជាវិជ្ជមានមួយដែលពីមុនមានការព្រួយបារម្ភនៅពេលដែលច្បាប់បានបង្កើតឡើងពីគណបក្សនយោបាយដែលពុំមាននីតិវិធីណាមួយប្តឹងតវ៉ានៅពេលបុគ្គលនយោបាយណាម្នាក់ត្រូវបានហាមមិនឲ្យប្រឡូកក្នុងវិស័យនយោបាយ ។
លោកលើកឡើងថា«ព្រោះជាគោលច្បាប់ទាំងឡាយណាក៏ដោយដែលដាក់ទោសគួរចែងផងដែរ ពីនីតិវិធី ដើម្បីប្តឹងតវ៉ានឹងការដាក់ទោសទាំងអស់នោះ ។ យើងក៏បានកត់សម្គាល់ផងដែរពីការចេញសេចក្តីថ្លែងការណ៍វិជ្ជមានមួយដែររបស់រដ្ឋាភិបាលលើផ្នែកជាច្រើនដែលផ្នែកទាំងនោះសហភាពអឺរ៉ុប និងអ្នកពាក់ព័ន្ធបានសំដែងការព្រួយបារម្ភ» ។ លោកថា មានការបង្ហាញនូវភាពវិជ្ជមានជាច្រើនដែលលោកសង្ឃឹមថា ការបង្ហាញនេះនឹងក្លាយទៅជាការអនុវត្តជាក់ស្តែង ។
ចំពោះការវិនិយោគនៅកម្ពុជាវិញ លោកឯកអគ្គរដ្ឋទូតអឺរ៉ុបបានលើកឡើងថា ប្រទេសកម្ពុជាមានសិទ្ធិក្នុងការយកច្បាប់អ្នកវិនិយោគទុនពីបណ្តាប្រទេសលើសពីមួយ ប៉ុន្តែយើងសង្ឃឹមថាអ្នកវិនិយោគទន់មកពីប្រទេសអឺរ៉ុបមួយចំនួនអាចផ្តល់គុណប្រយោជន៍ និងលក្ខណៈពិសេសដែលមានគុណភាពខ្ពស់គោរពតាមស្តង់ដាការយកចិត្តទុកដាក់បំពេញទៅលើការទទួលខុសត្រូវផ្នែកសង្គម បរិស្ថាន ហើយការវិនិយោគនេះមានរយៈពេលវែងដូចនេះសង្ឃឹមថា ដូចដែលអ្នកទាំងអស់គ្នាបានឃើញ៕
ចែករំលែកព័តមាននេះ