ប្រទេសបារាំង ៖ បណ្ដាសារព័ត៌មានអង់គ្លេសបានផ្សាយជាពិសេស រូបភាពទាំងឡាយនៃការប៉ះទង្គិចគ្នាកាលពីថ្ងៃទី១ធ្នូក្នុងវិថីទាំងឡាយនៃក្រុងប៉ារីស។ បណ្ដារូបភាពនៃការប៉ះទង្គិចគ្នានៅតាមដងវិថីនានានៃក្រុងប៉ារីស នាំឲ្យមនុស្សម្នានៅបរទេសអះអាងថា មើលទៅហាក់ដូចជាបារាំងនាសតវត្សទី២១នេះ វិលទៅរកអតីតកាលនៃបដិវត្តន៍។ ទស្សនាវដ្ដីTIMEអាមេរិក ដែលដកស្រង់សម្ដីអ្នកនាំពាក្យម្នាក់របស់ចលនាអាវកាក់លឿងសរសេរថា…
ប្រទេសបារាំង ៖ បណ្ដាសារព័ត៌មានអង់គ្លេសបានផ្សាយជាពិសេស រូបភាពទាំងឡាយនៃការប៉ះទង្គិចគ្នាកាលពីថ្ងៃទី១ធ្នូក្នុងវិថីទាំងឡាយនៃក្រុងប៉ារីស។
បណ្ដារូបភាពនៃការប៉ះទង្គិចគ្នានៅតាមដងវិថីនានានៃក្រុងប៉ារីស នាំឲ្យមនុស្សម្នានៅបរទេសអះអាងថា មើលទៅហាក់ដូចជាបារាំងនាសតវត្សទី២១នេះ វិលទៅរកអតីតកាលនៃបដិវត្តន៍។ ទស្សនាវដ្ដីTIMEអាមេរិក ដែលដកស្រង់សម្ដីអ្នកនាំពាក្យម្នាក់របស់ចលនាអាវកាក់លឿងសរសេរថា មើលទៅបរិយាកាសនៃអំពើហិង្សា វាជាបរិយាកាសនៃសង្គ្រាមស៊ីវិលមួយ។
ចំណែកកាសែតញូវយ៉កថែមចាត់ទុកព្រឹតិ្តការណ៍ទាំងនោះថា ជាវិបត្តិធ្ងន់ធ្ងរបំផុតដែលរដ្ឋាភិបាលលោកEMMANUEL MACRON ឆ្លងកាត់។ អំពើហិង្សាថ្ងៃទី១ធ្នូមានលក្ខណៈនិមិត្តរូបបំផុត។ វាប្រៀបដូចជាការបះបោរសម័យថ្មីមួយរបស់ប្រជាកសិករនិងកម្មករ ប្រឆាំងប្រធានាធិបតិមួយរូប ដែលគេកាន់តែប្រឆាំងជំទាស់ រួចអំពើអានាធិបតេយ្យនានា បានប្រែក្លាយបណ្ដាដងវិថីសំខាន់ៗ ព្រមទាំងទីតាំងល្បីៗរបស់ប្រទេសក្លាយទៅជាតំបន់នៃសង្គ្រាមពិតប្រាកដមួយ។ រួចកាសែតវ៉ាស៊ិនប៉ុស្តិ៍វិញសរសេរថា ចលនារបស់ពួកអាវកាក់លឿងក៏កើតមាននៅតាមខេត្តដែរ។
បណ្ដាសារព័ត៌មានអង់គ្លេសផ្សាយបណ្ដារូបភាពនៃការប៉ះទង្គិចគ្នាតាមដងវិថីទាំងឡាយនៃក្រុងប៉ារីស នៅវិមានACR DE TRIOMPHE ដែលគ្របដណ្ដប់ដោយផ្សែងឧស្ម័នបង្ហូរទឹកភ្នែកនិងរូបភាពនៃការវាយបំបែករូបចម្លាក់របស់MARIANNE ក្នុងវិមាននោះ។ រួចទូរទ្សន៍BBCក៏ដូចជាទូរទស្សន៍អង់គ្លេសឯទៀតៗ និយាយពីការប្រកាសអាសន្នរបស់អាជ្ញាធរ ព្រោះតែសភាពការណ៍ដូចជាមិនស្រួលខ្លាំង៕
ចែករំលែកព័តមាននេះ