ប្រទេសអាល្លឺម៉ង់ ៖ អធិការបតីអាល្លឹម៉ង់លោកស្រីអេនចឺឡាម័រកែល ទីបំផុតនាថ្ងៃទី៣០វិច្ឆិកាវេលាល្ងាច បានមកដល់ទីក្រុងប៊ុយណូស៊ែ ហើយបានចូលរួម ក្នុងពិធីជប់លៀងពេលល្ងាចនៃកិច្ចប្រជុំកំពូលG20 ក្រោយយន្តហោះលោកស្រីត្រូវចុះចតបន្ទាន់កាលពីថ្ងៃទី២៩វិច្ឆិកានៅតំបន់កូឡូញ ដោយសារមានបញ្ហាខូចធ្ងន់ធ្ងរមក។
យោងតាមកាសែតអាល្លឺម៉ង់មួយថា រឿងយន្តហោះលោកស្រីម័រកែលខូចចុះចតបន្ទាន់នេះ ពួកអ្នកសើុបអង្កេតនឹងពិនិត្យលើយថាភាពនៃអំពើឧក្រិដ្ឋមួយ ដែលបង្ខំឲ្យយន្តហោះរដ្ឋាភិបាលធុនAIRBUSនោះ របស់អធិការបតីចុះចតបន្ទាន់។
អ្នកបើកយន្តហោះនោះជាអ្នកមានបទពិសោធន៍ខ្ពស់ លើកឡើងពីការគាំងពុំធ្លាប់មានពិមុនមក នៃប្រព័ន្ធគមនាគមន៍។ យន្តហោះរដ្ឋាភិបាលនោះត្រូវហោះបកក្រោយ ខណៈកំពុងហោះកាត់ពីលើប្រទេសហូឡង់ ដើម្បីចុះចតបន្ទាន់នាយប់ថ្ងៃទី២៩វិច្ឆិកានៅកូឡូញអេស្ប៉ាញ មកពីការខូចប្រព័ន្ទអគ្គិសនីមួយចំនួន។
មេដឹកនាំអាល្លឺម៉ង់រូបនោះត្រូវធ្វើដំណើរជាមួយគណៈប្រតិភូ ដែលកាត់បន្ថយចំនួនច្រើន តាមយន្តហោះពាណិជ្ជកម្មមួយគ្រឿងហោះហើររវាងក្រុងម៉ាឌ្រីតនិងក្រុងប៊ុយណូស៊ែ ហើយចុះនៅរដ្ឋធានីអាហ្សង់ទីនជាមួយការយឺតយ៉ាវ១២ម៉ោងខុសកាលកំណត់ពិីដំបូង។
ដោយសារបញ្ហាយន្តហោះលោកស្រីខូតធ្ងន់ធ្ងរ ការជួបគ្នារបស់លោកស្រីគ្រោងនាថ្ងៃទី៣០វិច្ឆិកា ជាមួយប្រធានាធិបតីអាមេរិក លោកដូណាល់ត្រាំនិងប្រធានាធិបតីចិន លោកស៊ីជីនពីងត្រូវលុបចោល ហើយអាចធ្វើពេលណាមួយនាឱកាសកិច្ចប្រជុំកំពូលG20 ព្រោះកិច្ចប្រជុំនោះធ្វើរហូតដល់ថ្ងៃទី២ធ្នូ។
លោកស្រីម័រកែលមកមិនទាន់ចូលរួមក្នុងពិធិបើកកិច្ចប្រជុំកំពូលនោះ ក៏ដូចជាខកខានមិនបានថតរូបអនុស្សាវរីយជាប្រពៃណី រួមជាមួយប្រមុខរដ្ឋឬប្រមុខរដ្ឋាភិបាលនៃប្រទេសទាំង២០ជាសមាជិកG20៕
ចែករំលែកព័តមាននេះ