រាជធានីភ្នំពេញ៖ រយៈពេលបីថ្ងៃនៃព្រះរាជពិធីបុណ្យអុំទូក អកអំបុក និងសំពះព្រះខែ ក្រុមហ៊ុនអអេហ្វ៣ វើលដ៏ កម្ពុជា (Rf3 World Cambodia) ជួយសម្អាតជុំវិញទីកន្លែងប្រារព្ធពិធីអបអរសប្បាយ តាមមាត់ទន្លេនិងមុខបរមរាជវាំងរយៈពេល ៣ ថ្ងៃជាប់ៗគ្នា គិតចាប់ពីថ្ងៃទី ២១ ដល់២៣ ខែវិច្ឆិកាឆ្នាំ២០១៨ ។
លោក វណ្ណ សុភានោ អគ្គនាយក ក្រុមហ៊ុនអអេហ្វ៣ វើលដ៏ បានថ្លែងឱ្យដឹងថា «ការជួយសំអាត និងថែរក្សាសោភណ្ឌភាពទីក្រុង ជាកាតព្វកិច្ចរបស់ពលរដ្ឋយើងគ្រប់ៗគ្នា។ ក្រុមហ៊ុន Rf3 World Cambodia បានសហការជាមួយ សមាគមយុវជនសេដ្ឋកិច្ចរាជធានីភ្នំពេញ តាមការចង្អុលបង្ហាញ របស់សាលាក្រុងរាជធានីភ្នំពេញ រយៈពេលបីថ្ងៃ ជាផ្នែកជួយសង្គម និង ជួយសម្រាលកិច្ចការងាររបស់រាជរដ្ឋាភិបាល ដើម្បីផលប្រយោជន៍រួមគ្នា ទទួលបានសោភ័ណ្ឌភាពទីក្រុងស្អាតឡើងវិញក្រោយបញ្ចប់រាជព្រះពិធីបុណ្យអុំទូក»។
សូមបញ្ជាក់ថា លោក វណ្ណ សុភានោ អគ្គនាយកក្រុមហ៊ុន Rf3 World Cambodia និងលោកសមូហកបណ្ឌិត ឡឺ សុភាព ជាប្រធាន សមាគមយុវជន សេដ្ឋកិច្ចរាជធានីភ្នំពេញ បានចូលរួមសំអាតទីក្រុង ជាមួយសមាជិករបស់លោក ប្រកបដោយទឹកចិត្តរីករាយ និងមនោសញ្ចេតនាកក់ក្តៅជាទីបំផុត ហើយព្រមទាំងជួយទូកប្រណាំងចំនួនពីរទូក ដែលបានចូលរួមពិធីបុណ្យប្រពៃណីជាតិកន្លងទៅនេះផងដែរ ៕ដោយសហការ
ចែករំលែកព័តមាននេះ