រាជធានីភ្នំពេញ៖ ជាមួយនឹងតម្រូវការទីផ្សារកាន់តែកើនឡើងនៃម៉ូតូវេស្ប៉ា ក្រុមហ៊ុនណារីតាវេស្ប៉ា កាលពីថ្ងៃទី ១៦ វិច្ឆិកា ឆ្នាំ២០១៨ កន្លងទៅនេះបានរៀបចំពិធីសម្ពោធ ម៉ូតូវេស្ប៉ាម៉ូដែលថ្មី ចំនួន…
រាជធានីភ្នំពេញ៖ ជាមួយនឹងតម្រូវការទីផ្សារកាន់តែកើនឡើងនៃម៉ូតូវេស្ប៉ា ក្រុមហ៊ុនណារីតាវេស្ប៉ា កាលពីថ្ងៃទី ១៦ វិច្ឆិកា ឆ្នាំ២០១៨ កន្លងទៅនេះបានរៀបចំពិធីសម្ពោធ ម៉ូតូវេស្ប៉ាម៉ូដែលថ្មី ចំនួន ៣ ប្រភេទ នៅហាងកាឡូលធីកាហ្វេ សម្រាប់ផ្គត់ផ្គង់ទីផ្សារកម្ពុជា ។
ថ្លែងក្នុងពិធីនេះ កញ្ញា ឃាង ស៊ាងណៃ ប្រធានផ្នែកលក់ និងទីផ្សាររបស់ ក្រុមហ៊ុនណារីតាវេស្ប៉ា បានថ្លែងបញ្ជាក់ថាម៉ូតូវេស្ប៉ាម៉ូដែលថ្មី ៣ ប្រភេទរួមមាន ម៉ូតូវេស្ប៉ាព្រីម៉ាវេរ៉ា (Vespa Primavera & Sprint) និង វេស្ប៉ាអេស (Vespa S) គឺជាម៉ូតូជំនាន់ថ្មី ដែលផលិតឡើងកាន់តែថ្មី និងទំនើបជាងមុន ជាមួយនឹងបច្ចេកវិទ្យារបស់ Piaggio នឹងដាក់លក់ក្នុងពេលឆាប់ៗខាងមុខនេះ ។
កញ្ញា ឃាង ស៊ាងណៃ មានប្រសាសន៍ពន្យល់ទៅកាន់ភ្ញៀវជាតិ-អន្តរជាតិ អតិថិជននិង ដែលស្រលាញ់និងគាំទ្រ ម៉ូតូវេស្ប៉ា ថាម៉ូតូជំនាន់ថ្មីនេះ គឺមានការទម្រង់ផ្នែកសោភណភាព និងការបង្កើននូវបច្ចេកវិទ្យាថ្មីៗ បន្ថែមទៀត ជាហេតុធ្វើឲ្យពួកវាមានសមត្ថភាពកាន់តែប្រសើរ ស៊ីសាំងតិច សម្លេងស្ងាត់ល្អ និងមានភាពរហ័ស ។ ជាងនេះទៅទៀត ម៉ូតូវេស្ប៉ាជំនាន់ថ្មីនេះ ជាយាន្តជំនិះទំនើប ស៊ីវិល័យ មានសុវត្តិភាព បំពាក់ដោយបចេ្ចកវិទ្យាទាន់សម័យ និងជួយការពារបរិស្ថាន តាមរយៈការកាត់បន្ថយការបញ្ចេញផ្សែងពុលផងដែរ ។
សូមណែនាំឲ្យស្គាល់នូវម៉ូតូវេស្ប៉ា ស្ព្រីន (Sprint) ព្រីម៉ាវេរ៉ា (Primavera) និងម៉ូតូវេស្ប៉ាអេស (S) ជំនាន់ថ្មី ជាខ្សែស្រឡាយរបស់ម៉ូតូ Vespino ដែលមានរូបរាងតូចច្រឡឹង មានភាពទាក់ទាញ និងជាម៉ូតូដ៏ពេញនិយមបំផុតសម្រាប់យុវវ័យនៅជុំវិញពិភពលោក នាអំឡុងទសវត្សរ៍ទី ៦០ ។ ម៉ូតូនេះ នឹងធ្វើឲ្យអ្នកបើកបរមានមោទនភាព និងសុវត្ថិភាពរាល់ការធ្វើដំណើរ ៕
១- ម៉ូតូវេស្ប៉ា ព្រីម៉ាវេរ៉ា៖ ចេញដំបូងនៅឆ្នាំ ១៩៦៨ ដែលមានរាងតូច បំពាក់ដោយម៉ាស៊ីនទំនើប និងជាម៉ូដែលមួយ ដែលលក់ដាច់បំផុតក្នុងប្រវត្តិសាស្ត្ររបស់វេស្ប៉ា ។ ម៉ូតូវេស្ប៉ា ព្រីម៉ាវេរ៉ា (Primavera) បានបង្កើតឡើងតាមលំនាំគំរូ ការរចនា និងបច្ចេកវិទ្យាមួយចំនួនរបស់ស្តេច ម៉ូតូវេស្ប៉ា ៩៤៦ ដែលជាម៉ូដែលពោរពេញដោយកិត្យានុភាព មានភាពថ្លៃថ្នូរ និងបច្ចេកវិទ្យាទំនើបឈានមុខក្នុងប្រវត្តិសាស្ត្ររបស់វេស្ប៉ា។ ក្រុមហ៊ុននឹងដាក់លក់ម៉ូតូមានកម្លាំង ១២៥ សេសេ មាន ៣ ពណ៌សម្រាប់ជ្រើសរើស រួមមាន ប្រផេះ ខ្មៅ និង ទឹកដោះគោ ។
២- វេស្ប៉ា ស្ព្រីន (Vespa Sprint)៖ ជាម៉ូដែលជំនាន់ថ្មី និងទំនើបបំផុតបែបកីឡា ។ វាត្រូវបានផលិតនិងវាយលុកក្នុងទីផ្សារអឺរ៉ុបចាប់ពីពាក់កណ្តាលទសវត្សរ៍ទី ៦០ ។ វាមានរាងតូចច្រឡឹង មានផាសុខភាព និងសុវត្ថិភាពក្នុងពេលបើកបរ រហ័ស ងាយស្រួលបត់បែន ទំនើប ចង្ក្រៀងជ្រុង ។ វាជាតំណាងឲ្យភាពក្លាហាន និងភាពជាយុវវ័យ ។ ក្រុមហ៊ុននឹងដាក់លក់ម៉ូតូមានកម្លាំង ១២៥ សេសេ ដែលមាន ២ ពណ៌ គឹក្រហមនិង ស។
ម៉ូតូទាំង ២ ខាងលើមានលក្ខណៈកាន់តែពិសេសជាងមុន ដូចជា៖ គ្រប់អំពូលភ្លើងនិងស្តុប ប្រើប្រាស់ភ្លើង អ៊ិល អ៊ី ឌី, រង្វង់កង់ដែលមានទំហំ ១២ អីុញ= ៣០.៤៨ សង់ទីម៉ែត្រ ជាមួយយ៉ាន់អាលុយមីញ៉ូម ដែលរចនាថ្មីជួយឲ្យម៉ូតូកាន់តែស្រស់ស្អាតនិងមានលំនឹង, មានបំពាក់ប្រព័ន្ធហ្វ្រាំង ABS, មានបំពាក់ប្រព័ន្ធ Immolizer ដែលការពារចោរកម្ម ហើយម៉ូតូទាំង ២ ម៉ូដែលនេះបានភ្ជាប់មកជាមួយនូវ USB សម្រាប់សាកថ្មនៅប្រអប់ខាងមុខ ជាដើម។
៣- ម៉ូតូវេស្ប៉ាអេស (S) ជំនាន់ថ្មី ៖ ជាប្រភេទម៉ូតូកីឡា និងជានិមិត្តសញ្ញានៃភាពស៊ីវិល័យ ប្រកបដោយថាមពល ។ ម៉ូតូវេស្ប៉ាអេស (S) ជំនាន់ថ្មី មានបំពាក់ម៉ាស៊ីន i-get ដែលជម្រុញឲ្យការធ្វើដំណើរលឿន រហ័ស កាត់បន្ថយសម្លេងដល់ទៅ ១៥% សន្សំសំចៃការប្រើប្រាស់ប្រេងឥន្ធនៈ ជួយឲ្យការធ្វើដំណើរមានភាពរលូននៅគ្រប់ស្ថានភាពផ្លូវ ។ ក្រុមហ៊ុននឹងដាក់លក់ម៉ូតូមានកម្លាំង ១២៥ សេសេ មាន ៣ ពណ៌ គឺ ស ទឹកក្រូច និង ខៀវ ៕ ដោយសហការ
ចែករំលែកព័តមាននេះ