ខេត្តបន្ទាយមានជ័យ ៖ ទំនាស់រឿងចាប់ត្រីក្នុងស្រែធ្វើឱ្យខូចស្រូវក្នុងស្រែ បណ្តាលឱ្យជនសង្ស័យម្នាក់បានសំលាប់ស្ត្រីជាម្ចាស់ស្រែ លុះ៣ថ្ងៃក្រោយមក ត្រូវសមត្ថកិច្ចចាប់បានឃាតករជាជនដល់ដៃ នៅភូមិជាមួយគ្នា ហើយសមត្ថកិច្ចបានកសាងសំណុំបញ្ជូនជនសង្ស័យខាងលើទៅសាលាដំបូងខេត្តបន្ទាយមានជ័យនាថ្ងៃទី១៩ ខែវិច្ឆិកា ឆ្នាំ២០១៨…
ខេត្តបន្ទាយមានជ័យ ៖ ទំនាស់រឿងចាប់ត្រីក្នុងស្រែធ្វើឱ្យខូចស្រូវក្នុងស្រែ បណ្តាលឱ្យជនសង្ស័យម្នាក់បានសំលាប់ស្ត្រីជាម្ចាស់ស្រែ លុះ៣ថ្ងៃក្រោយមក ត្រូវសមត្ថកិច្ចចាប់បានឃាតករជាជនដល់ដៃ នៅភូមិជាមួយគ្នា ហើយសមត្ថកិច្ចបានកសាងសំណុំបញ្ជូនជនសង្ស័យខាងលើទៅសាលាដំបូងខេត្តបន្ទាយមានជ័យនាថ្ងៃទី១៩ ខែវិច្ឆិកា ឆ្នាំ២០១៨ នេះ។
លោកឧត្តមសេនីយ៍ត្រី សិទ្ធិ ឡោះ ស្នងការរងនគរបាលខេត្តបន្ទាយមានជ័យបានប្រាប់ថា កាលពីថ្ងៃទី១៦ ខែវិច្ឆិកា ឆ្នាំ២០១៨ ស្ត្រីរងគ្រោះដែលស្លាប់ឈ្មោះ ឃូន ឃីន អាយុ៤៩ឆ្នាំ រស់នៅភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ ត្រូវបានឃាតករសម្លាប់នៅកណ្តាលវាលស្រែក្បែរភ្លឺស្រែប្រមាណ៧ម៉ែត្រ ។
ស្ត្រីរងគ្រោះត្រូវឃាតករសំលាប់ដោយយកខ្សែស្បែកជើងចងដៃទៅក្រោយ និងផ្កាប់មុខក្នុងភក់ មានស្នាកស្នាមដោយរឹត.ក និងជាំភ្នែកទាំងសងខាង ហើយស្ត្រីរងគ្រោះស្លាប់នៅចន្លោះម៉ោង៩ព្រឹកទៅដល់ម៉ោង១២ថ្ងៃត្រង់ ស្ថិតនៅវាលស្រែក្បែរភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ។
លោកឧត្តមសេនីយ៍ត្រី សិទ្ធិ ឡោះ បានបញ្ជាក់ថា ក្រោយពេលមានករណីឃាតកម្មសំលាប់ស្ត្រីរងគ្រោះនៅកណ្តាលវាលស្រែហើយ ដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានដឹកនាំកម្លាំងជំនាញខេត្តបានសហការជាមួយកម្លាំងនគរបាលស្រុកព្រះនេត្រព្រះបានចុះធ្វើការស្រាវជ្រាវ និងកំណត់មុខសញ្ញា ហើយបានឃាត់ខ្លួនជនសង្ស័យម្នាក់ឈ្មោះ ប៊ុន សុខ ភេទប្រុស អាយុ៤២ឆ្នាំ កាលពីថ្ងៃទី១៨ ខែវិច្ឆិកា ឆ្នាំ២០១៨ នៅភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបានបញ្ជាក់ថា ក្រោយពេលឃាត់ខ្លួនជនសង្ស័យម្នាក់ពាក់ព័ន្ធករណីឃាតកម្មបាននាំយកធ្វើការសាកសួរ ដោយយោងតាមចម្លើយសារភាពរបស់ជនសង្ស័យបានឱ្យដឹងថា មូលហេតុដែលខ្លួនសំលាប់ស្ត្រីរងគ្រោះ គឺបណ្តាលមកពីស្ត្រីរងគ្រោះបានជេរប្រមាថមើលងាយនៅពេលខ្លួនកំពុងចាប់ត្រីក្នុងស្រែរបស់ស្ត្រីជនរងគ្រោះបណ្តាលអោយបាក់ដើមស្រូវ និងខូចស្រូវ ។
ជនសង្ស័យបានសារភាពទៀតថា ដោយសារតែមូលហេតុខាងលើទើបធ្វើឱ្យខ្លួនខឹង ក៏បានសម្លាប់ស្ត្រីរងគ្រោះដោយចាប់ចងដៃទៅក្រោយ ហើយយកខ្សែរឹតកសំលាប់ចោលនៅកណ្តាលវាសស្រែ លុះ៣ថ្ងៃក្រោយមក ត្រូវបានកម្លាំងនគរបាលចាប់ខ្លួនបានតែម្តង។
យោងតាមចម្លើយសារភាពខាងលើ សមត្ថកិច្ចបាននាំជនសង្ស័យទៅធ្វើត្រាប់ឡើងវិញនាព្រឹកថ្ងៃទី១៩ ខែវិច្ឆិកា ឆ្នាំ២០១៨ នៅកន្លែងកើតហេតុស្ថិតក្នុងវាលស្រែក្បែរភូមិឈ្នួរ ឃុំឈ្នួរមានជ័យ ស្រុកព្រះនេត្រ
ព្រះ៕
គួររំលឹកថា កូនៗខំចេញទៅតាមរកម្តាយ លុះឃើញម្នាក់ៗស្លុតចិត្ត
ចែករំលែកព័តមាននេះ