បន្ទាយមានជ័យ ៖ ស្ត្រីម្នាក់ត្រូវបានឃាត.ក មិនស្គាល់មុខបានសម្លាប់ រួចអូសទៅដាក់ក្នុងវាលស្រែ ហើយសពជនរងគ្រោះត្រូវគេប្រទះឃើញនៅវេលាម៉ោង៧និង៣០នាទីយប់ ថ្ងៃទី១៦ ខែវិច្ឆិកា ឆ្នាំ២០១៨ ស្ថិតក្នុងភូមិសាស្ត្រភូមិឈ្នួរ…
បន្ទាយមានជ័យ ៖ ស្ត្រីម្នាក់ត្រូវបានឃាត.ក មិនស្គាល់មុខបានសម្លាប់ រួចអូសទៅដាក់ក្នុងវាលស្រែ ហើយសពជនរងគ្រោះត្រូវគេប្រទះឃើញនៅវេលាម៉ោង៧និង៣០នាទីយប់ ថ្ងៃទី១៦ ខែវិច្ឆិកា ឆ្នាំ២០១៨ ស្ថិតក្នុងភូមិសាស្ត្រភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ត្រង់ម្តុំត្រពាំងក្បាលក្របី ខាងលិចខាងត្បូង ភូមិប្រហែលជាង២០០០ម៉ែត្រ នៅខាងត្បូង ផ្លូវជាតិលេខ៦ប្រហែល១០០០ម៉ែត្រ ។
ប្រភពព័ត៌មានពីសមត្ថកិច្ចនគរបាលឃុំឈ្នូរមានជ័យបានឲ្យដឹងថា ជនរងគ្រោះឈ្មោះឃូន ឃីន ភេទស្រី អាយុ៤៩ឆ្នាំ នៅភូមិឈ្នួរ ឃុំឈ្នួមានជ័យ ស្រុកព្រះនេត្រព្រះ ខេត្តបន្ទាយមានជ័យ ជាស្ត្រីមេម៉ាយ ។
មុនពេលកើតហេតុបើតាមការបំភ្លឺពីក្រុមគ្រួសារជនរងគ្រោះឲ្យដឹងថា នៅម៉ោងប្រហែល៩ព្រឹក ក្រោយពេលហូបបាយរួច ជនរងគ្រោះបានជិះកង់ចេញពីផ្ទះទៅរកត្រីនៅឯវាល ដោយបាចទឹកតាមប្រឡាយដើម្បីចាប់ត្រី ។ លុះដល់ល្ងាចមិនឃើញជនរងគ្រោះត្រឡប់មកផ្ទះវិញ នៅម៉ោង៦យប់ កូនបានចេញទៅរកនៅឯវាលស្រែរហូតដល់ម៉ោង៧និង៣០នាទីយប់បានប្រទះឃើញជនរងគ្រោះដេកស្លាប់នៅក្នុងស្រែដើមស្រូវដែលមានម្ចាស់ស្រែឈ្មោះ ភូ នាម ភេទប្រុស អាយុ៦៤ឆ្នាំ នៅភូមិប្ញស្សីខាង ឃុំឈ្នួរមានជ័យ ស្រុកព្រះនេត្រព្រះ ។
ប្រភពដដែលបានបញ្ជាក់ទៀតថា ក្រោយពីទទួលបានព័ត៌មានកម្លាំងនគរបាលជំនាញបានចុះទៅដល់កន្លែងកើតហេតុ សពជនរងគ្រោះបានដេកស្លាប់នៅក្នុងស្រែខាងកើតភ្លឺស្រែចម្ងាយ៧ម៉ែត្រ ក្បាលសណ្តូកទៅកើតផ្កាប់មុខមានចងដៃទាំងពីរមកក្រោយ ដោយខ្សែសម្រាប់ចងស្បែកជើងពណ៌ស នៅត្រង់.ក មានចងរឹតដោយខ្សែនីឡុង ពណ៌លឿង នៅលើរង្វង់ភ្នែកទាំងសងខាងមានស្នាមជាំ ។
តាមការពិនិត្យជនរងគ្រោះជនល្មើសអាចវ៉ៃឲ្យដួល រួចចាប់ចងដៃមកក្រោយ ហើយយកខ្សែចងរឹត.កសម្លាប់ក្នុងប្រឡាយ នៅជាប់ខាងលិចភ្លឺស្រែចម្ងាយ៣ម៉ែត្រ ដែលមានសភាពទឹកតិចៗ ហើយអូសសពយកទៅចោលក្នុងស្រែ ។ ករណីនេះបើសិនជាឈាមស្រែកស្បែកជនប្រព្រឹត្តបទល្មើសឃាតកម្មនេះមិនអាចរួចពីសំណាញ់ច្បាប់នោះឡើយ ៕
ចែករំលែកព័តមាននេះ