រាជធានីភ្នំពេញ ៖ ជនភេទទី៣ម្នាក់ មិនទាន់បង់លុយថ្លៃបន្ទប់ជួល លុះម្ចាស់ផ្ទះទៅគោះទ្វារបន្ទប់ដែលខ្ទាស់គន្លឹះខាងក្នុង ស្រាប់តែឃើញចង.កស្លាប់ទៅហើយ ក៏បង្កឲ្យមានការភ្ញាក់ផ្អើលឡើងកាលពីវេលាម៉ោង៨ និង១៥នាទីយប់ថ្ងៃទី១៤ ខែវិច្ឆិកា នៅបន្ទប់ជួលលេខ១៥ ក្នុងភូមិ៥ សង្កាត់ផ្សារចាស់ ខណ្ឌដូនពេញ ។
ជនភេទទី៣ដែលចងកសម្លាប់ខ្លួននេះ ឈ្មោះ អាសាន់ អាយុ២៨ឆ្នាំ ។ តាមម្ចាស់ផ្ទះឈ្មោះ សៀង សំអូន ភេទស្រី អាយុ៤៤ឆ្នាំ និយាយថា នៅយប់នោះ គាត់បានឡើងទៅគោះទ្វារបន្ទប់ដែលជនភេទទី៣នេះជួលស្នាក់នៅ ព្រោះតែមិនបានបង់លុយថ្លៃផ្ទះជាច្រើនថ្ងៃមកហើយ ។ ខណៈគាត់ឡើងទៅគោះទ្វារ គឺបានដាក់គន្លឹះខាងក្នុងនិងមិនមានការឆ្លើយតបទេ ។
ដោយមានការសង្ស័យ រូបគាត់និងអ្នកជិតខាងបាននាំគ្នាឡើងជាន់ឈើក្បែរបង្អួចមើលទៅខាងក្នុង ក៏
ឃើញអាសាន់ចងកស្លាប់បាត់ទៅហើយ ទើបសមត្ថកិច្ចមូលដ្ឋានរាយការណ៍ទៅខាងកោសល្យវិច័យមកពិនិត្យ ព្រោះខ្លាចជនភេទទី៣នេះមិនមែនស្លាប់ដោយសារចងក ។
សពជនរងគ្រោះ ត្រូវបានយកទៅតម្កល់នៅវត្តទឹកថ្លា ដើម្បីរកសាច់ញាតិមកទទួលយកទៅធ្វើបុណ្យនៅឯស្រុកកំណើត ។ មិនមានអ្នកណាដឹងថា ជនភេទទី៣នេះមានបញ្ហាអ្វីឡើយទើបធ្វើអត្តឃាតបែបនេះ ៕
ចែករំលែកព័តមាននេះ