ខេត្តកំពង់ឆ្នាំង ៖ ស្ត្រីម្នាក់ព្រោះតែខូចចិត្តដោយសារតាចិញ្ចឹមជាខ្មែរអ៊ិស្លាមវាយធ្វើបាបនិងដកយកមកវិញនូវទូរស័ព្ទដៃម៉ាក iPhone XS ដែលគាត់ទិញឱ្យក៏ជិះម៉ូតូ Zoomer-X ទៅលោតទឹកពីលើស្ពានជ្រោយចង្វាប៉ងសម្លាប់ខ្លួន តែត្រូវសមត្ថកិច្ចឃាត់ទាន់ នាំយកទៅប៉ុស្តិ៍ជ្រោយចង្វា…
ខេត្តកំពង់ឆ្នាំង ៖ ស្ត្រីម្នាក់ព្រោះតែខូចចិត្តដោយសារតាចិញ្ចឹមជាខ្មែរអ៊ិស្លាមវាយធ្វើបាបនិងដកយកមកវិញនូវទូរស័ព្ទដៃម៉ាក iPhone XS ដែលគាត់ទិញឱ្យក៏ជិះម៉ូតូ Zoomer-X ទៅលោតទឹកពីលើស្ពានជ្រោយចង្វាប៉ងសម្លាប់ខ្លួន តែត្រូវសមត្ថកិច្ចឃាត់ទាន់ នាំយកទៅប៉ុស្តិ៍ជ្រោយចង្វា កាលពីវេលាម៉ោង៧និង៣០នាទីយប់ថ្ងៃទី១២ ខែវិច្ឆិកា ។
ស្ត្រីដែលប៉ុនប៉ងលោតទឹកសម្លាប់ខ្លួនតែមិនបានសម្រេចនេះ ឈ្មោះ លីលី អាយុប្រហែល
៣៤ទៅ៣៥ឆ្នាំ ស្នាក់នៅម្តុំបឹងសាឡាង ខណ្ឌទួលគោក ។
តាមអ្នកឃើញហេតុការណ៍ឱ្យដឹងថា ស្ត្រីរូបនេះជិះម៉ូតូ Zoomer-X ពណ៌ស្វាយ ពាក់ផ្លាកលេខភ្នំពេញ ១GL-២២៣៨ ធ្វើដំណើរឆ្លងស្ពានជ្រោយចង្វាថ្មី ក្នុងទិសដៅពីខាងលិចទៅខាងកើត ។
លុះទៅដល់ពាក់កណ្តាលស្ពានក៏ឈប់ រួចចុះពីលើម៉ូតូ ប៉ុនប៉ងលោតទឹកសម្លាប់ខ្លួន តែត្រូវបានអ្នកធ្វើដំណើរឆ្លងកាត់លើស្ពានឃើញ ក៏នាំគ្នាជួយចាប់ និងស្រែកហៅសមត្ថកិច្ចដែលយាមនៅគោលដៅស្ពាន មកឃាត់ខ្លួននាំយកទៅរង្វង់មូលព្រហ្មមុខ៤ដើម្បីសួរនាំ ។
ស្ត្រីរូបនេះនិយាយថានាងមានតាម្នាក់(កន្លង់ចំណាស់)ជាខ្មែរអ៊ិស្លាមរកស៊ីខាងទិញលក់ដីចិញ្ចឹមរយៈពេល១០ឆ្នាំមកហើយ ។ នាងមានប្តីមុនបានកូនស្រីម្នាក់បច្ចុប្បន្នអាយុ១៥ឆ្នាំហើយ ។
ចំណែកទំនាក់ទំនងស្នេហ៍ជាមួយតាខ្មែរអ៊ិស្លាមនោះ ស្រាប់តែថ្មីៗនេះះបានវាយធ្វើបាបនាង និងដកហូតយកទូរស័ព្ទដៃម៉ាក iPhone XS តម្លៃជាង១.៣០០ដុល្លារទៅវិញទៀត ធ្វើឲ្យនាងតូចចិត្តក៏ទៅលោតទឹកសម្លាប់ខ្លួនបែបនេះទៅ ។
បន្ទាប់ពីសួរនាំដឹងរឿងហើយ សមត្ថកិច្ចបានធ្វើការណែនាំនិងនាំយកទៅប៉ុស្តិ៍ជ្រោយចង្វា រួចហើយទាក់ទងហៅសាច់ញាតិឲ្យមកទទួលយកត្រឡប់ទៅផ្ទះវិញទាំងយប់ ៕
ចែករំលែកព័តមាននេះ