ខេត្តព្រះសីហនុ ៖ សត្វគោ ក្របី សរុបជិត៣០០ក្បាលរបស់ពលរដ្ឋនៅចំនួន២ឃុំ ស្រុកព្រៃនប់ខេត្តព្រះសីហនុ ត្រូវបានទទួលការចាក់ថ្នាំវ៉ាក់សាំង និងផ្តល់ជូនថ្នាំការពារជំងឺផ្សេងៗពីសំណាក់មន្ត្រីពេទ្យសត្វការិយាល័យស្រុក នៅព្រឹកថ្ងៃទី១៣ វិច្ឆិកា ២០១៨នេះ។
លោក នេន ចំរើន ប្រធានមន្ទីកសិកម្មខេត្តព្រះសីហនុ បានអោយដឹងថា តាមការណែនាំរបស់ លោក យន្ត មីនអភិបាលខេត្តព្រះសីហនុ ការិយាល័យផលិតកម្មនិងបសុព្យាបាល បានចុះចាក់ថ្នាំការពារជំងឺសារទឹក គោ ក្របី នៅឃុំសាមគ្គី និងឃុំបឹងតាព្រហ្ម ស្រុកព្រៃនប់ បានគោក្របីសរុប២៨៧ក្បាល ក្នុងនោះគោចំនួន១៥៧ក្បាល និងក្របីចំនួន១៣៦ក្បាល ។
លោកបានបន្តថា ការចុះយុទ្ធនាការចាក់ថ្នាំកាពារសារទឹកគោក្របីនេះក្នុងមួយឆ្នាំធ្វើឡើងចំនួន២ដងក្នុង១ឆ្នាំ គ្រប់ឃុំដែលមានសត្វគោក្របី គឺនៅដើមឆ្នាំ និងចុងឆ្នាំ ហើយជាមួយគ្នានោះក៏មានចែកជូនថ្នាំត្រជាក់ការពារជំងឺអុតក្តាមគោក្របីដល់ពេទ្យសត្វភូមិសម្រាប់តាមដានជួយបង្ការនៅក្នុងមូលដ្ឋានបន្តផងដែរ ៕
ចែករំលែកព័តមាននេះ