ខេត្តកំពត ៖ លោកអាចារ្យវត្តអង្គសុរភីម្នាក់ជួបគ្រោះថ្នាក់ចរាចរណ៍ស្លាប់ពេលបញ្ជូនដល់ពេទ្យដែលបុរសជំណាស់ម្នាក់ ត្រូវបានរថយន្តដឹកស្រូវចុះទៅស្រុកយួនបុកស្លាប់ កាលពីវេលាម៉ោង៧ព្រឹកថ្ងៃទី១២ វិច្ឆិកានេះនៅត្រង់ចំណុចផ្លូវថ្នល់បំបែកជាបីលេខ៣៣និង១១៧និង៣១ ស្ថិតក្នុងភូមិបឹងធំ ឃុំអង្គសុរភី ស្រុកកំពង់ត្រាច ខេត្តកំពត…
ខេត្តកំពត ៖ លោកអាចារ្យវត្តអង្គសុរភីម្នាក់ជួបគ្រោះថ្នាក់ចរាចរណ៍ស្លាប់ពេលបញ្ជូនដល់ពេទ្យដែលបុរសជំណាស់ម្នាក់ ត្រូវបានរថយន្តដឹកស្រូវចុះទៅស្រុកយួនបុកស្លាប់ កាលពីវេលាម៉ោង៧ព្រឹកថ្ងៃទី១២ វិច្ឆិកានេះនៅត្រង់ចំណុចផ្លូវថ្នល់បំបែកជាបីលេខ៣៣និង១១៧និង៣១ ស្ថិតក្នុងភូមិបឹងធំ ឃុំអង្គសុរភី ស្រុកកំពង់ត្រាច ខេត្តកំពត ។
បើតាមការឲ្យដឹងពីកងនគរបាលចរាចរណ៍ស្រុកបាននិយាយប្រាប់ឲ្យដឹងថា រថយន្តដឹកស្រូវពណ៌ស ពាក់ស្លាកលេខ ភ្នំពេញ 3D- 6122 អ្នកបើកបរឈ្មោះ ជ្រិន រៀល អាយុ២០ឆ្នាំ នៅភូមិត្រពាំងនៀល ឃុំឬស្សីស្រុកខាងលិច ស្រុកកំពង់ត្រាច ។ រថយន្តដឹកស្រូវនោះបានបើកក្នុងទិសដៅពីលិចទៅកើត គឺបើកលើផ្លូវ៣៣បុកចូលផ្លូវ១១៧ ទៅព្រំដែនវៀតណាម ។ ប៉ុន្តែលោកអាចារ្យវត្តអង្គសុរភីដែលអ្នកផងបានស្គាល់ថាឈ្មោះ អ៊ុន អ៊ឹង អាយុ៧៧ឆ្នាំ នៅភូមិស្នាំគូរ ឃុំអង្គរសុភី បានជិះម៉ូតូC125 ពណ៌ខ្មៅ ពាក់ស្លាក់លេខកំពត 1E-2741 ជិះក្នុងទិសដៅពីលិចទៅកើតស្របគ្នាជាមួយរថយន្តដឹកស្រូវ ។ តែតាអាចារ្យវត្តរូបនោះបានបត់ម៉ូតូទៅជើង គឺទៅផ្លូវជាតិលេខ៣១ ហើយរថយន្តនោះក៏បានបុកតែម្ដងទៅ ។
ជនរងគ្រោះត្រូវបានក្រុមសាច់ញាតិបញ្ជូនទៅកាន់មន្ទីរពេទ្យមួយក្នុងខេត្តគៀនយ៉ាង ប្រទេសវៀតណាម តែជាការអកុសលត្រូវបានស្លាប់ ។ ដោយឡែកវត្ថុតាងមានម៉ូតូ និងរថយន្តត្រូវបានកងនគរបាលរក្យាទុកនៅអធិការនគរបាលស្រុក ៕
ចែករំលែកព័តមាននេះ