សភាយុវពាណិជ្ជករអន្តរជាតិកម្ពុជា (JCI) សាខាមេគង្គនៅឆ្នាំ២០១៨នេះ បានរៀបចំគម្រោងសង្គមមួយ ក្រោមឈ្មោះថា « ចំការសាលារៀនយើង» ។ « ចំការសាលារៀនយើង»…
សភាយុវពាណិជ្ជករអន្តរជាតិកម្ពុជា (JCI) សាខាមេគង្គនៅឆ្នាំ២០១៨នេះ បានរៀបចំគម្រោងសង្គមមួយ ក្រោមឈ្មោះថា « ចំការសាលារៀនយើង» ។ « ចំការសាលារៀនយើង» គឺសំដៅទៅលើការរៀបចំសួនបន្លែនៅក្នុងសាលា ដែលអាចឱ្យសិស្សានុសិស្សធ្វើសកម្មភាពផ្សេងៗដូចជា ការធ្វើពលកម្មដែលអាចពង្រឹងស្មារតីជាក្រុមលម្អបរិវេណសាលា ព្រមទាំងអាចបង្កើតចំណូលមួយផ្នែកសម្រាប់តម្រូវការនៅក្នុងសាលារៀនផងដែរ ។ ហើយទាំងនេះ គឺដើម្បីជំរុញការអភិវឌ្ឈន៍សាលារៀនប្រកបដោយនិរន្តភាពនៅកម្ពុជា ។ ដែលកម្មវិធីនេះប្រព្រឹត្តិទៅថ្ងៃទី១៧ ខែវិច្ឆិកា ឆ្នាំ២០១៨ នាអនុវិទ្យាល័យឈូកខ្សាច់ ស្ថិតនៅ ភូមិឈូកខ្សាច់ ឃុំឈូកខ្សាច់ ស្រុកបារាយណ៍ ខេត្តកំពង់ធំ ។
គោលបំណងនៃការបង្កើតគម្រាងសង្គមនេះឡើង គឺដើម្បីចូលរួមចំណែកដោះស្រាយនូវបញ្ហាមួយចំនួនដែលជាឧបសគ្គរាំងស្ទះដល់ការអភិវឌ្ឈន៍របស់សាលារៀននៅតាមសហគមន៍ ពិសេស គឺសំដៅដល់ការអភិវឌ្ឈន៍ដែលមានរយៈពេលវែងស្របតាមក្របខ័ណ្ឌគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ គឺគោលដៅទី៤ (ការអប់រំប្រកបដោយគុណភាព)។ មិនត្រឹមតែប៉ុណ្ណោះយើងចង់ឱ្យគម្រោងសង្គមនេះអាចឈានទៅពង្រឹងសិទ្ធអំណាចដល់លោកគ្រូ អ្នកគ្រូ និងសិស្សនុសិស្សនៅតាមសាលារៀនឱ្យមានលទ្ធភាពទាញយកផលប្រយោជន៍បានមកពីការដាំដុះក្នុងសួនបន្លែនេះ ដើម្បីយកទៅបម្រើផលប្រយោជន៍សាលារៀនរបស់ខ្លួនឯងផ្ទាល់ ។
សូមបញ្ជាក់ថា « ចំការសាលារៀនយើង» គឺជាគម្រោងសង្គមដ៏ថ្មីស្រឡាងមួយដែលបានផ្តួចផ្តើមឡើងដោយថ្នាក់ដឹកនាំ និងសមាជិករបស់សភាយុវពាណិជ្ជករអន្តរជាតិកម្ពុជា (JCI) សាខាមេគង្គ ឆ្នាំ២០១៨នេះ ។ យើងសង្ឈឹមជឿជាក់ថា គម្រោងសង្គមនេះនឹងក្លាយទៅជាគំរូដ៏ល្អមួយសម្រាប់សាលានៅតាមសហគមន៍ភូមិ ឃុំ ស្រុក និងខេត្តនានានៅទូទាំងប្រទេស ។ ដូច្នេះប្រសិនបើបងប្អូនចាប់អារម្មណ៍ចំពោះគម្រោងរបស់យើងខ្ញុំ សូមមេត្តាចូលរួមគាំទ្រតាមរយៈគ្រប់រូបភាព !
ព័ត៌មានបន្ថែមទាក់ទងនឹងគម្រោង និងការឧបត្ថម្ភនានា
សូមទំនាក់ទំនង៖ លោក ផៃ ពេជ្រ ប្រធានគម្រោង
លេខទូរស័ព្ទ ០១២ ៣៨១ ១៩៩
ចែករំលែកព័តមាននេះ