ខេត្តកំពង់ធំ ៖ ចោរឆក់ម្នាក់ត្រូវបានចាប់ខ្លួនពេលកំពុងធ្វើសកម្មភាពកាច់.កម៉ូតូ ហើយត្រូវបានថតជាប់ពីសកម្មភាព ដោយកាមេរ៉ាសុវត្ថិភាព ។ លោកវរសេនីយ៍ទោ វ៉ន សុភ័ណអធិការរងនគរបាលស្រុកស្ទោងទទួលផ្នែកព្រហ្មទណ្ឌបានប្រាប់កោះសន្តិភាពឲ្យដឹងនៅព្រឹកថ្ងៃទី៦ វិច្ឆិកាថា…
ខេត្តកំពង់ធំ ៖ ចោរឆក់ម្នាក់ត្រូវបានចាប់ខ្លួនពេលកំពុងធ្វើសកម្មភាពកាច់.កម៉ូតូ ហើយត្រូវបានថតជាប់ពីសកម្មភាព ដោយកាមេរ៉ាសុវត្ថិភាព ។ លោកវរសេនីយ៍ទោ វ៉ន សុភ័ណអធិការរងនគរបាលស្រុកស្ទោងទទួលផ្នែកព្រហ្មទណ្ឌបានប្រាប់កោះសន្តិភាពឲ្យដឹងនៅព្រឹកថ្ងៃទី៦ វិច្ឆិកាថា ករណីចោរលួចកាច់សោ.កម៉ូតូខាងលើបានកើតឡើងកាលពីវេលាម៉ោង១៤និង៣០នាទីថ្ងៃទី៥ វិច្ឆិកា ពេលកំពុងធ្វើសកម្មភាពដោះត្រូវបានអ្នកតាមដានទូរទស្សន៍ ដែលថតតាមកាមេរ៉ាសុវត្ថិភាពឃើញជាក់ស្តែង។
ម្ចាស់ម៉ូតូឈ្មោះ តាន់ ប៊ុនហាន ភេទប្រុស អាយុ២៧ ឆ្នាំ មានទីលំនៅភូមិចេក ឃំុកំពង់ចិនជើងស្រុកស្ទោង មុខរបរជាកម្មករបម្រើការងារនៅភោជនីយដ្ឋានស្ទឹងមាស ។ ចំណែកជនសង្ស័យថាចោរនោះ គឺចុះពីរថយន្តក្រុងមកធ្វើសកម្មភាពលួចកាច់សោយកម៉ូតូម៉ាក Honda Dream C១២៥ ពណ៌ខ្មៅ ផលិតឆ្នាំ២០១៦ តែមិនបានសម្រេច ត្រូវម្ចាស់ឃើញតាមកាមេរ៉ាក៏ដេញចាប់បាន ។ ជនសង្ស័យនេះឈ្មោះ ព្រិន រស្មី ភេទប្រុស អាយុ២៨ឆ្នាំ មានទីលំនៅភូមិសំព័រ ឃំុចំណាក្រោម ស្រុកស្ទោង មុខរបរជាងផ្សារដែក ។
តាមម្ចាស់ម៉ូតូបាននិយាយថា មុនពេលកើតហេតុ ខ្លួនបានជិះម៉ូតូមកធ្វើការដូចសព្វដងដោយចាក់សោ.កទុកនៅក្នុងរោងខាងមុខហាង ។ លុះដល់ម៉ោងប្រហែល១៤និង៣០នាទី ម្ចាស់ភោជនីយដ្ឋានបានឃើញសកម្មភាពចោរ ក៏បានប្រាប់ម្ចាស់ម៉ូតូឱ្យទៅមើលម៉ូតូ ព្រោះមានមនុស្សម្នាក់នៅក្រវែលមិនទៅណាសោះ ។ ឮដូច្នោះក៏គេបានចេញទៅមើល ក៏ឃើញជនម្នាក់មាឌធំខ្ពស់អង្គុយលើម៉ូតូរបស់ខ្លួន ឃើញដូចនោះក៏បានសួរថាតើធ្វើអីម៉ូតូខ្ញុំ ? ស្រាប់តែជនសង្ស័យស្ទុះរត់តែម្ដង ដោយនៅនិងដៃមានកាន់ដែកឆ្កឹះកាច់សោ.កមួយ។
ក្រោយទទួលបានព័ត៌មានសមត្ថកិច្ចបានពិនិត្យមើលភិនភាគតាមកាមេរ៉ាសុវត្ថិភាពហើយរហូតដល់ម៉ោង២០និង៣០នាទីយប់ថ្ងៃដដែល ទើបសមត្ថកិច្ចឃាត់ខ្លួនជនសង្ស័យនៅចំណុចភូមិលាបទង ឃំុកំពង់ចិនត្បូង ស្រុកស្ទោង នាំយកទៅកសាងសំណុំរឿងដើម្បីដោះស្រាយតាមច្បាប់ ៕
ចែករំលែកព័តមាននេះ