សហរដ្ឋអាមេរិក ៖ លើកនេះការសា្ទបស្ទង់មតិនានាមិនខុសឡើយ។ នាយប់ថ្ងៃទី៦ វិច្ឆិកា លទ្ធផលដំបូងៗនៃការបោះឆ្នោតពាក់កណ្ដាលអាណត្តិបានចេញ ដោយពួកប្រជាធិបតេយ្យដណ្ដើមយកបានសំឡេងភាគច្រើនក្នុងសភា តែចាញ់ក្នុងព្រឹទ្ធសភា។ ចាប់តាំងពីវេលាម៉ោង២១និង៣០នាទីម៉ោងក្នុងស្រុកទៅ ទូរទស្សន៍…
សហរដ្ឋអាមេរិក ៖ លើកនេះការសា្ទបស្ទង់មតិនានាមិនខុសឡើយ។ នាយប់ថ្ងៃទី៦ វិច្ឆិកា លទ្ធផលដំបូងៗនៃការបោះឆ្នោតពាក់កណ្ដាលអាណត្តិបានចេញ ដោយពួកប្រជាធិបតេយ្យដណ្ដើមយកបានសំឡេងភាគច្រើនក្នុងសភា តែចាញ់ក្នុងព្រឹទ្ធសភា។
ចាប់តាំងពីវេលាម៉ោង២១និង៣០នាទីម៉ោងក្នុងស្រុកទៅ ទូរទស្សន៍ FOX NEWS បានប្រកាសពីការដណ្ដើមបានសំឡេងភាគច្រើន របស់គណបក្សប្រជាធិបតេយ្យក្នុងសភា ប៉ុន្តែទន្ទឹមនឹងនេះអ្នកនាំពាក្យសេតវិមានលោកស្រី SARAH SANDERS បង្ហាញទឹកមុខញញឹមសម្ដែងការអបអរសាទរ ចំពោះជោគជ័យរបស់គណបក្សសាធារណរដ្ឋក្នុងព្រឹទ្ធសភា។
លោកស្រីអំពាវនាវដល់គណបក្សប្រជាធិបតេយ្យ ដែលដណ្ដើមបានសំឡេងភាគច្រើនក្នុងសភា ឲ្យទទួលស្គាល់ការពិត ជាជាងបង្កើនការធ្វើអត្ថាធិប្បាយនានាលើរដ្ឋការលោកដូណាល់ ត្រាំ។ ប្រធានាធិបតីត្រៀមជានិច្ចធ្វើការជាមួយគណបក្សប្រឆាំង។
ក្រោយម៉ោង២២យប់បន្តិចទូរទស្សន៍ CNN រាយការណ៍ពីការកើនកៅអីរបស់គណបក្សប្រជាធិបតេយ្យក្នុងសភា ពី២៣០ដល់២៣៨។ ពួកប្រជាធិបតេយ្យត្រូវការតែ២៣កៅអីទៀត ដើម្បីឲ្យទទួលបានសំឡេងភាគច្រើនក្នុងសភា គឺត្រឹម២១៨កៅអី ក្នុងចំណោមកៅអីសរុបទាំង៤៣៥។ ផ្ទុយទៅវិញក្នុងព្រឹទ្ធសភា ពួកប្រជាធិបតេយ្យទទួលបរាជ័យ ដោយបាត់បង់សំឡេងនៅរដ្ឋផ្លរីដា អ៊ីនឌីយ៉ាណា ដាកូតាខាងជើង មីស៊ូរីហើយអាចនៅរដ្ឋម៉ុងតាណាទៀត។
ជាលើកដំបូងនារីអ៊ិស្លាម២នាក់ជាប់ឆ្នោតចូលក្នុងសភា ក្រោយការបោះឆ្នោតពាក់កណ្ដាលអាណត្តិ។ នេះជាការដូរបរិកាសនយោបាយអាមេរិក ដែលបេក្ខនារីអ៊ិស្លាម២រូប នាថ្ងៃទី៧វិច្ឆិកាប្រកាសថាជាប់ឆ្នោត ចូលក្នុងសភាអាមេរិក។
ក្រោយការបោះឆ្នោតពាក់កណ្ដាលអាណត្តិហៅMIDTERMES ប្រធានាធិបតីលោកដូណាល់ ត្រាំ សម្ដែងក្ដីរីករាយ ដោយឃើញគណបក្សលោកនៅតែមានប្រជាប្រិយភាព ដោយរក្សាបានសំឡេងភាគច្រើនក្នុងព្រឹទ្ធសភា។តាមTWITTERលោកសរសេរថា យប់នេះជាជោគជ័យធំធេងមួយ អរគុណគ្រប់គ្នា។
ក្នុងការបោះឆ្នោតMIDTERMESឆ្នាំ២០១៨នេះនៅអាមេរិក មានភាពមិនប្រក្រតីមួយចំនួន ដូចជាកន្លែងខ្លះម៉ាសីុនបោះឆ្នោតមិនដើរ សន្លឹកឆ្នោតខ្ជាក់ចេញ ហើយបុគ្គលិករៀបចំការបោះឆ្នោតបណ្ដុះបណ្ដា្លមិនល្អ។បណ្ដាអង្គការទទួលបន្ទុកត្រួតពិនិត្យការប្រព្រឹត្តទៅដោយល្អនៃការបោះឆ្នោត ទទួលការរាយការណ៍ប្រមាណជា១០០០០ពីភាពមិនប្រក្រតី។រឿងនោះត្រូវបានចេញផ្សាយនាថ្ងៃទី៦វិច្ឆិកាដោយកាសែតវ៉ាស៊ិនតោនប៉ុស្តិ៍៕
ចែករំលែកព័តមាននេះ