គួរឱ្យស្រៀវសាច់! ខណៈបុរសម្នាក់ជួបគ្រោះថ្នាក់រងរបួសដាច់សាច់ដូចគេកា.ប់ពន្លះ
- ស្វាយរៀង
ខេត្តស្វាយរៀង៖ បុរសម្នាក់ផឹកស្រាស្រវឹងបើកម៉ូតូលឿនដូចហោះរេចង្កូតទៅបុកជាមួយរថយន្តម៉ាកឡិចស៊ីសដែលគេចតនៅលើចិញ្ចើមថ្នល់ បណ្តាលអោយដួលម៉ូតូខ្ទាតមនុស្សទៅលើថ្នល់ត្រូវរថយន្តដឹកកម្មករបុកថែមចំចង្កេះរងរបួសធ្ងន់ដាច់សាច់ដូចគេកាប់ពន្លះសន្លប់នៅនឹងកន្លែងគួរឲ្យសង្វែគ។ ករណីនេះកើតឡើងវេលាម៉ោង៧និង៥០នាទីយប់ថ្ងៃទី៥ ខែវិច្ឆិកា ឆ្នាំ២០១៨ នៅលើកំណាត់ផ្លូវជាតិលេខ១ ស្ថិតក្នុងភូមិព្រៃសម្ភ័រ ឃុំសំបួរ ស្រុកស្វាយទាប។…
ករណីនេះកើតឡើងវេលាម៉ោង៧និង៥០នាទីយប់ថ្ងៃទី៥ ខែវិច្ឆិកា ឆ្នាំ២០១៨ នៅលើកំណាត់ផ្លូវជាតិលេខ១ ស្ថិតក្នុងភូមិព្រៃសម្ភ័រ ឃុំសំបួរ ស្រុកស្វាយទាប។
បើតាមសមត្ថកិច្ចបានឲ្យដឹងថា ជនរងគ្រោះខាងលើឈ្មោះណាក់ ភេទប្រុស អាយុ២៨ឆ្នាំ មុខរបរកម្មករធ្វើនំ រស់នៅភូមិព្រះពន្លាឃុំព្រះពន្លា ស្រុកកំពង់រោទិ៍ រងរបួសភ្លៅនិងចង្កេះខាងស្តាំធ្ងន់ធ្ងរសន្លប់នៅនឹងកន្លែង។
ចំណែកម្ចាស់រថយន្តឡិចស៊ីសឈ្មោះ ហេង លីហាក់ ភេទប្រុស អាយុ៣៣ឆ្នាំ មុខរបររត់តាក់ស៊ី បច្ចុប្បន្នរស់នៅភូមិព្រៃឈើទាល ឃុំប្រសូត្រ ស្រុកស្វាយទាប។
លុះមកដល់ចំណុចកើតហេតុខាងលើបានរេចង្កូតទៅបុករថយន្តមួយគ្រឿងម៉ាកឡីចស៊ីស RX300ពណ៌ទឹកមាស ពីចំហៀងខាងក្រោយផ្នែកខាងឆ្វេងដែលកំពុងឈប់ចតនៅលើចិញ្ចើមផ្លូវ បណ្តាលឲ្យដួលម៉ូតូខ្ទាតមនុស្សចេញទៅលើថ្នល់ ពេលនោះស្រាប់តែមានរថយន្តដឹកកម្មករមកពីក្រោយក៏បុកចំចង្កេះ បណ្តាលឲ្យដាច់សាច់ដូចគេកាប់ពន្លះ មើលទៅគួរឲ្យស្រៀវសាច់។ បន្ទាប់ពីបុកម៉ូតូជនរងគ្រោះរួច រថយន្តដឹកកម្មករបានបើកបន្ថែមល្បឿនបើកគេចទៅបាត់ ។
ជនរងគ្រោះត្រូវសមត្ថកិច្ចហៅរថយន្តសាមុយដឹកបញ្ជូនទៅសង្គ្រោះនៅមន្ទីរពេទ្យខេត្តស្វាយរៀង។ ចំពោះម៉ូតូ និងរថយន្តឡិចស៊ីសត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកស្វាយទាបរង់ចាំដោះស្រាយតាមក្រោយ ៕
ចែករំលែកព័តមាននេះ