តាមប្រភពពី Metro បានឲ្យដឹងថា កុមារីអាយុ១៣ឆ្នាំត្រូវបានកាត់ក្បាលជាមួយនឹងកណ្តៀវ ក្រោយពីប្រកែកមិនព្រមរួមភេទ ជាមួយនឹងអ្នកជិតខាង ។ អ្នកជិតខាងម្នាក់នោះ ត្រូវបានគេដឹងថា គឺជាមនុស្សមានឋានៈក្នុងសង្គមខ្ពស់ជាងនាង ដែលជាជនរងគ្រោះ។ នេះក៏ព្រោះតែនៅឥណ្ឌា មានការបែងចែកឋានៈក្នុងសង្គមសាសនាហិណ្ឌូ។
រឿងរ៉ាវត្រូវបានកើតឡើងនៅសង្កាត់ Tamil Nadu នៃទីក្រុង Salem ប្រទេសឥណ្ឌា។ គេមិនបានដាក់រូបថតរបស់ជនរងគ្រោះនោះទេ។ តែមានរូបថតនៅពេលអ្នកកាសែតទៅសម្ភាសន៍ម្តាយរបស់ជនរង
គ្រោះ។
បុរសជាជនល្មើសឈ្មោះ Dinesh Kumar ត្រូវបានចាប់ខ្លួន និងចោទប្រកាន់ពីបទចាប់រំលោភលើអ្នកមានឋានៈក្នុងសង្គមទាបជាងខ្លួន។ មេប៉ូលិសនៅក្នុងសង្កាត់ លោក Ponkarthik Kumar បានប្រាប់ CNN ថា៖ «កុមារីម្នាក់នោះត្រូវបានគេសម្លាប់យ៉ាងសាហាវ។ ការស៊ើបអង្កេតកំពុងតែបន្ត និង ជនល្មើសក៏ត្រូវបានចាប់ខ្លួន» ។
ខាងប៉ូលិស ក៏បានច្រានចោលនូវការលើកឡើងថា ជនល្មើសមានបញ្ហាផ្លូវចិត្ត។ អ្នកជិតខាងប្រាប់ថា កុមារីរងគ្រោះ គឺជាសិស្សនៅសាលារៀនជិតនោះ ហើយបានប្រាប់ម្តាយនាងជាច្រើនដងមកហើយថា មានអ្នកចង់ចាប់រំលោភ តែត្រូវបានម្តាយនាងមិនខ្វល់ទាល់តែសោះ។
គួរបញ្ជាក់ដែរថា យោងតាមការិយាល័យកំណត់ត្រាបទឧក្រិដ្ឋជាតិបានឲ្យដឹងថា មានបទល្មើសចំនួន ៤៧០០០ករណីនៅឆ្នាំ២០១៦ ដែលកើតឡើងដោយសារមនុស្សប្រកាន់ឋានៈក្នុងសង្គម ៕
ចែករំលែកព័តមាននេះ