ប្រទេសឥណ្ឌូណេស៊ី ៖ អ្នកមុជទឹកឥណ្ឌូណេស៊ីម្នាក់ស្លាប់ពេលប៉ុនប៉ងមុជទៅប្រមូលបំណែកសាកសព បណ្ដាអ្នកដំណើរជិះក្នុងយន្តហោះរបស់ក្រុមហ៊ុន LION AIR ដែលធ្លាក់ក្នុងសមុទ្រកាលពីថ្ងៃទី២៩ តុលា នៅឥណ្ឌូណេស៊ីជាមួយមនុស្ស១៨៩នាក់។ ប្រមុខក្រុមអ្នកជួយសង្គ្រោះលោក…
ប្រទេសឥណ្ឌូណេស៊ី ៖ អ្នកមុជទឹកឥណ្ឌូណេស៊ីម្នាក់ស្លាប់ពេលប៉ុនប៉ងមុជទៅប្រមូលបំណែកសាកសព បណ្ដាអ្នកដំណើរជិះក្នុងយន្តហោះរបស់ក្រុមហ៊ុន LION AIR ដែលធ្លាក់ក្នុងសមុទ្រកាលពីថ្ងៃទី២៩ តុលា នៅឥណ្ឌូណេស៊ីជាមួយមនុស្ស១៨៩នាក់។
ប្រមុខក្រុមអ្នកជួយសង្គ្រោះលោក ISSWARTO បានថ្លែងនាថ្ងៃទី៣ វិច្ឆិកាថា លោកSYACHRUL ANTO អាយុ៤៨ឆ្នាំ ដែលធ្វើការឲ្យទីភ្នាក់ងាររុករកនិងជួយសង្គ្រោះ ត្រូវបានសមាជិកក្រុមនាំមកកាន់ផ្ទៃទឹកវិញ ពេលគេថប់ដង្ហើមហើយនាំមកជួយសង្គ្រោះ តែពុំអាចជួយគេបាន។ អ្នកមុជទឹករូបនោះធ្លាប់ចូលរួមក្នុងការរុករកនៅក្រុងប៉ាលូ ក្រោយការរញ្ជួយដី និងស៊ូណាមីកាលពីខែកញ្ញា ហើយធ្លាប់ចូលរួមក្នុងការមុជតាមរកសាកសពមនុស្សនិងបំណែកយន្តហោះ ក្រោយយន្តហោះមួយរបស់ក្រុមហ៊ុនAIR ASIA ធ្លាក់ក្នុងសមុទ្រកាលពី៤ឆ្នាំមុន។
បណ្ដាក្រុមអ្នករុករកចាប់តាំងពីថ្ងៃទី២៩ តុលាមក បានមុជទៅកាន់បាតសមុទ្រនៃកោះជ្វាកន្លែងយន្តហោះប៊ូអ៊ីង 737MAX8 ធ្លាក់។ កាលពីថ្ងៃទី១ វិច្ឆិកា ពួកអ្នករុករកអាចរកឃើញប្រអប់ខ្មៅមួយរបស់យន្តហោះ រួចនាថ្ងៃទី៣ វិច្ឆិកា បន្តតាមរកប្រអប់ខ្មៅទី២ទៀត ដែលនោះជាប្រអប់ខ្មៅនៅក្នុងកាប៊ីនយន្តហោះ ដែលអាចឲ្យគេដឹងចំពោះអ្វីដែលកើតមានមុនពេលយន្តហោះធ្លាក់។
ក្រុមអ្នករុករកបានប្រមូលមកខាងលើថង់យ៉ាងតិច៧៣ ដែលដាក់បំណែកសាកសពមនុស្ស ប៉ុន្តែរហូតមកទល់ពេលនេះជនរងគ្រោះតែ៤នាក់ប៉ុណ្ណោះអាចកំណត់ដឹងអត្តសញ្ញាណ៕
ចែករំលែកព័តមាននេះ