ខេត្តឧត្តរមានជ័យ ៖ ក្នុងស្រុកត្រពាំងប្រាសាទកើតមានល្បែងស៊ីសងគ្រប់ប្រភេទដែលបង្កឱ្យមានផលប៉ះពាល់ដល់អសន្តិសុខ ត្រូវបានកំលាំងប៉ូលិសអធិការស្រុកធ្វើការចុះបង្ក្រាបឃាត់ខ្លួនជនសង្ស័យ៣នាក់ កាលពីវេលាម៉ោង៦យប់ថ្ងៃទី១ វិច្ឆិកា ២០១៨ ដែលហេតុការណ៍នេះបានកើតឡើងនៅក្នុងទីប្រជុំជនស្រុក ស្ថិតនៅចំណុចផ្សារត្រពាំងប្រាសាទ ភូមិត្រពាំងប្រាសាទ…
ខេត្តឧត្តរមានជ័យ ៖ ក្នុងស្រុកត្រពាំងប្រាសាទកើតមានល្បែងស៊ីសងគ្រប់ប្រភេទដែលបង្កឱ្យមានផលប៉ះពាល់ដល់អសន្តិសុខ ត្រូវបានកំលាំងប៉ូលិសអធិការស្រុកធ្វើការចុះបង្ក្រាបឃាត់ខ្លួនជនសង្ស័យ៣នាក់ កាលពីវេលាម៉ោង៦យប់ថ្ងៃទី១ វិច្ឆិកា ២០១៨ ដែលហេតុការណ៍នេះបានកើតឡើងនៅក្នុងទីប្រជុំជនស្រុក ស្ថិតនៅចំណុចផ្សារត្រពាំងប្រាសាទ ភូមិត្រពាំងប្រាសាទ ឃុំត្រពាំងប្រាសាទ ខេត្តឧត្តរមានជ័យ។
ជនដែលញៀននឹងល្បែងស៊ីសងដែលសមត្ថកិច្ចធ្វើការឃាត់ខ្លួនរួមមាន ១-ឈ្មោះ អ៊ុន ង៉ា ភេទប្រុស អាយុ៥២ឆ្នាំ រស់នៅភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ២-ឈ្មោះថេង ប្រុស ភេទប្រុស អាយុ៤៤ឆ្នាំ និង៣-ឈ្មោះអិន ស ភេទប្រុស អាយុ៤៥ឆ្នាំ រស់ទាំង៣នាក់រស់នៅភូមិឃុំជាមួយគ្នា រួមទាំងវត្ថុតាងមួយចំនួនផងដែរ។
ប្រជាពលរដ្ឋដែលរស់នៅក្នុងស្រុកបានឱ្យដឹងថា ស្រុកត្រពាំងប្រាសាទនាពេលសព្វថ្ងៃកើតមានល្បែងស៊ីសងគ្រប់ប្រភេទ ដូចជាល្បែងបញ្ជល់មាន់ ល្បែងបៀ អាប៉ោង ដែលកាលពីពេលកន្លងទៅ ធ្វើឱ្យប្រជាពលរដ្ឋមានអារម្មណ៍ភ័យខ្លាចចំពោះក្រុមចោរប្លន់ ចោរលួចនៅពេលយប់ព្រលប់ ។ ក្រោយមកថ្មីៗនេះ មានកំលាំងសមត្ថកិច្ចចុះធ្វើការបង្ក្រាប ពេលឃើញបែបនេះពលរដ្ឋមានអារម្មណ៍សប្បាយចិត្ត និងថ្លែងអគុណដល់សមត្ថកិច្ចផងដែរ។
ប៉ូលិសស្រុកត្រពាំងប្រាសាទបានឱ្យដឹងថា ល្បែងស៊ីសងគ្រប់ប្រភេទទាំងនេះ កំលាំងសមត្ថកិច្ចបានធ្វើការបង្ក្រាបជាបន្តបន្ទាប់ ជាក់ស្តែងធ្វើការបង្ក្រាបកាលពីវេលាម៉ោង៦ល្ងាចថ្ងៃទី១ វិច្ឆិកា ២០១៨ នៅកន្លែងទីតាំងបៀ អាប៉ោង និងធ្វើការឃាត់បុរស៣នាក់ រួមទាំងវត្ថុតាងម៉ូតូ៤គ្រឿង មេអាប៉ោង២គ្រាប់ និង
សម្ភារមួយចំនួនទៀត សមត្ថកិច្ចបានកសាងសំណុំរឿងចាត់ការទៅតាមផ្លូវច្បាប់៕
ចែករំលែកព័តមាននេះ