រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើឲ្យកម្មករទាំងអស់គិតតែធ្វើការ ដើម្បីទទួលបានប្រាក់ខែច្រើនកុំស្តាប់ការឃោសនាអកុសលបោកប្រាស់របស់ក្រុមប្រឆាំងដែលជារឿងមិនពិត ។ សម្តេចតេជោបានលើកឡើងក្នុងពិធីសំណេះសំណាលជាមួយកម្មករកម្មការិនីចំនួន៦,៧៨៥នាក់ នៅឃុំព្រែកអញ្ចាញ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើឲ្យកម្មករទាំងអស់គិតតែធ្វើការ ដើម្បីទទួលបានប្រាក់ខែច្រើនកុំស្តាប់ការឃោសនាអកុសលបោកប្រាស់របស់ក្រុមប្រឆាំងដែលជារឿងមិនពិត ។
សម្តេចតេជោបានលើកឡើងក្នុងពិធីសំណេះសំណាលជាមួយកម្មករកម្មការិនីចំនួន៦,៧៨៥នាក់ នៅឃុំព្រែកអញ្ចាញ ស្រុកមុខកំពូល ខេត្តកណ្តាលថា ឥឡូវនេះកម្ពុជាកំពុងតែដើរទៅមុខជាបន្តបន្ទាប់ក្នុងការអភិវឌ្ឍគ្មានអ្វីត្រូវព្រួយបារម្ភនោះទេ ។ សម្តេចតេជោបញ្ជាក់ថា «ពេលណាក្មួយនៅតែមានការងារធ្វើ នៅតែមានប្រាក់ចំណូល គឺក្មួយៗបន្តកុំស្តាប់អ្វីផ្សេងបន្តទៀត អាណាឃោសនាជារឿងរបស់គេ ។ អ្នកឯងរង់ចាំទៅ ! សូមផ្តាំទៅមនុស្សខ្លះ«អាខ្មោចណាងាប់» ហើយមិនអាចរស់ឡើងវិញទេ! អ្នកឯងកុំរង់ចាំទៅ សុំចាំអ្នកឯងចាំទៅ!» ។
សម្តេចក៏បានលើកឡើង ខណៈពេលសម្តេចនៅក្រៅប្រទេសមានមនុស្សមួយចំនួនថា នៅពេលសម្តេចមកស្រុកវិញនឹងប្រកាសបន្ថយសភាពការណ៍នោះជាការពិតនោះទេ ។ សម្តេច តេជោបញ្ជាក់ថា ៖«អ្នកខ្លះហ៊ាននិយាយយ៉ាងដូច្នេះថា ពេលលោក ហ៊ុន សែន មកក្នុងប្រទេ សមកវិញច្បាស់ជាគាត់ប្រកាសបន្ថយសភាពការណ៍ ។ សូមទោសពេលដែលលោកឯង និយាយហ្នឹងវាបានចូលទៅក្នុងទូរស័ព្ទ ហ៊ុន សែនរួចទៅហើយ ។ ពេលហ៊ុន សែន នៅក្រៅប្រទេសគេថា មានការគាប់សង្កត់ពីនឹងមក ។ ទេ !អានឹងភូតប្រចាំថ្ងៃទេ! ទាល់ដែរមនុស្សចឹង ពេលមិនដឹងនិយាយថា ម៉េច បើតមាត់ជាមួយវាក៏មិនកើត «!» អានេះបើនិយាយថា ឆ្កែខាំជើង យើងយកមាត់ទៅខាំជើងឆ្កែវាអត់កើតទេ។ ឆ្កែវាព្រុះយើងទៅព្រុះវាវិញមិនកើត» ។
សម្តេចតេជោក៏បានអះអាងថា ក្រុមប្រឆាំងបានភូតកុហកដល់ប្រជាពលរដ្ឋចំនួន៣ គឺទី១-ការជាន់ដីអាមេរិកមិនបាន ប៉ុន្តែសន្តិសុខអាមេរិកការពារបានយ៉ាងពេញលេញ នាយករដ្ឋមន្ត្រីហ៊ុន សែន ទៅកាន់អង្គការសហប្រជាជាតិ ទី២- អាសនអង្គការសហប្រជាជាតិបានព្យួរ ទី៣- គេថាហ៊ុន សែន មិនបានចូលរួមកិច្ចប្រជុំអង្គការសហប្រជាតិ ។ សម្តេចតេជោបញ្ជាក់ថា«អីញ្ចឹងទេ ការភូតទាំង៣នេះ បានរលត់នៅអង្គការសហប្រជាជាតិតែម្តង តាមរយៈនូវការថ្លែងការណ៍របស់ ហ៊ុន សែន នៅទីនោះ ។ អីញ្ចឹងបានសេចក្តីថា ការភូត ហើយភូតទៀត ភូតប្រចាំថ្ងៃ ភូតប្រចាំអាទិត្យ ឬភូតប្រចាំម៉ោង ។ ប៉ុន្តែការភូត ភូតច្រើន ច្រើនតែចាញ់អាត្មា» ។ សម្តេចបន្ថែមថា មហាបាតុកម្មរបស់ក្រុមប្រឆាំងលើកឡើងនោះមានចំនួនតិចណាស់ បើធៀបនឹងអ្នកចូលរួមទទួល ។
សម្តេចថា ៖«មានបាតុកម្មពីរគេ ដាក់នៅក្លោងទ្វារ មួយបាតុកម្មគាំទ្រ និងមួយបាតុកម្មប្រឆាំង ។ អីញ្ចឹងទេនេះបង្ហាញអំពីចរិកមេដឹកនាំដែលនិយមបោកប្រាស់ ។ ប៉ុន្តែវត្តមាន ហ៊ុន សែន ពិតជាសំខាន់ណាស់» ។ ទោះបីជាមានការលើកឡើងពីក្រុមប្រឆាំងយ៉ាងណាក្តីប្រមុខរាជរដ្ឋាភិបាលបានអះអាង ដំណើរសេដ្ឋកិច្ចនៅកម្ពុជា នៅតែបដំណើរទៅមុខជានិច្ច ដោយធ្វើជាពហុវិស័យទាំងវិស័យកសិកម្ម សេវាកម្ម …។ ឆ្នាំនេះវិស័យទេចរសង្ឃឹមថា នឹងកើតដល់ប្រមាណ៦លាននាក់ដែលនឹងផ្តល់ប្រាក់ចំណូល និងការងារយ៉ាងច្រើនសម្រាប់ពលរដ្ឋកម្ពុជា ៕
ចែករំលែកព័តមាននេះ