ប្រទេសទុយនីស៊ី ៖ មនុស្សយ៉ាងតិច២០នាក់ ក្នុងនោះមានប៉ូលិស១៥នាក់ និងក្មេងជំទង់២នាក់ រងរបួសកាលពីថ្ងៃទី២៩ តុលា ក្នុងការវាយប្រហារភេរវកម្មមួយពីសំណាក់នារីអត្តឃាតម្នាក់នៅក្រុងទុយនីស ជាការវាយប្រហារកក្រើករដ្ឋធានីទុយនីស៊ី លើកដំបូងចាប់តាំងពីឆ្នាំ២០១៥មក។
អ្នកនាំពាក្យម្នាក់នៃផ្នែកសន្តិសុខជាតិ បញ្ជាក់នាយប់ថ្ងៃទី២៩ តុលាថា ក្នុងចំណោមអ្នករបួសពុំមាននរណាម្នាក់របួសធ្ងន់ឡើយ។ ប្រធានាធិបតីទុយនីស៊ី លោក BIJI CAID ESSEBSI បានថ្លែងពីក្រុងប៊ែរឡាំងមកថា នេះជាសោកនាដកម្មមួយ។ យើងជឿជាក់ថា យើងបានកម្ទេចភេរវកម្មអស់ហើយ តែភេរវកម្មនៅតែមានក្នុងរដ្ឋធានី។
នារីអត្តឃាតបានបំផ្ទុះនៅក្បែរបណ្ដារថយន្តប៉ូលិសតាមវិថី HABIB BOURGUIBA ជាមហាវិថីសំខាន់កណ្ដាលរដ្ឋធានី។ នៅនឹងកន្លែងគេឃើញសាកសពនារីអត្តឃាតដេកលើដី។ ប៉ូលិសថា នារីអត្តឃាតប្រហែលជាពុំមានខ្សែក្រវាត់គ្រឿងផ្ទុះឡើយ តែមានគ្រាប់បែកច្នៃមួយដាក់នៅចង្កេះខាងធ្វេង ព្រោះការផ្ទុះចេញពិចង្កេះនោះ ៕
ចែករំលែកព័តមាននេះ