សហរដ្ឋអាមេរិក ៖ ដោយឆ្លើយតបចំពោះសំណើរបស់លោកដូណាល់ត្រាំ កង ទ័ពអាមេរិកប្រកាសនាថ្ងៃទី២៩តុលា ពីការបញ្ជូនទាហានជាង៥០០០នាក់ មកកាន់ព្រំដែនជាមួយម៉ិកស៊ិក ដើម្បីរាំងខ្ទប់ការលើកគ្នាចូលដែនដីអាមេរិក របស់ពួកអន្តោប្រវេសន៍អាមេរិកកណ្ដាលច្រើនពាន់នាក់ ដែលរត់គេចចេញពីអំពើហិង្សានិងភាពក្រីក្រតោកយាកក្នុងប្រទេសពួកគេ។…
សហរដ្ឋអាមេរិក ៖ ដោយឆ្លើយតបចំពោះសំណើរបស់លោកដូណាល់ត្រាំ កង
ទ័ពអាមេរិកប្រកាសនាថ្ងៃទី២៩តុលា ពីការបញ្ជូនទាហានជាង៥០០០នាក់ មកកាន់ព្រំដែនជាមួយម៉ិកស៊ិក ដើម្បីរាំងខ្ទប់ការលើកគ្នាចូលដែនដីអាមេរិក របស់ពួកអន្តោប្រវេសន៍អាមេរិកកណ្ដាលច្រើនពាន់នាក់ ដែលរត់គេចចេញពីអំពើហិង្សានិងភាពក្រីក្រតោកយាកក្នុងប្រទេសពួកគេ។
ក្នុងសន្និសីទសារព័ត៌មានមួយ ឧត្ដមសេនីយ៍ TERRNCE O’SHAUGHNESSY អះអាងថា ចាប់ពីដំណាច់សប្ដាហ៍នេះទៅយើងនឹងដាក់ពង្រាយទាហានជាង៥២០០នាក់នៅព្រំដែនភាគនិរតី រួមនឹងសមាជិកកងឆ្មាំជាតិប្រមាណជា២១០០នាក់ដែលប្រមូលផ្ដុំរួចហើយ។ នោះជាការចាប់ផ្ដើមនៃប្រតិបត្តិការប៉ុណ្ណោះ ហើយតួលេខពិតជាមានខ្ពស់ជាងការបញ្ជូនទាហាន៨០០នាក់ទៅ ដូចការប្រកាសកាលពីសប្ដាហ៍មុន។ប្រតិបត្តិការមានឈ្មោះថា PATRIOTE FIDELE អាចពង្រឹងបណ្ដាប៉ុស្តិ៍ព្រំដែន នៃរដ្ឋតិចសាស់ទៅរដ្ឋកាលីហ្វ័រនីញ៉ា ហើយផ្ដល់ការជួយទ្រទ្រង់ដល់ភ្នាក់ងារគយនិងការពារព្រំដែន ព្រមទាំងពង្រឹងតំបន់នានាដែលពុំមានកិច្ចការពារល្អ។
ដើម្បីកាត់ពីហ្គាតេម៉ាឡាទៅម៉ិកស៊ិក ពួកអន្តោប្រវេសន៍ច្រើនពាន់នាក់ ដែលចាកចេញពីហុងឌូរ៉ាស់តាំងពីពាក់កណ្ដាលខែតុលាមកភាគច្រើនដើរតាមផ្លូវថ្នល់ តែកាលពីថ្ងៃទី២៩តុលាមានច្រើនរយនាក់នាំគ្នាឆ្លងទឹកស្ទឹងSUCHIATEគេចការរារាំងដំណើរដោយប៉ូលិសម៉ិកស៊ិក ៕
ចែករំលែកព័តមាននេះ