រាជធានីភ្នំពេញ៖ តារាសម្តែងកញ្ញាសូដា នីតា បានបញ្ចេញសារគួរឲ្យភ្ញាក់ផ្អើលមួយ ដោយនាងបង្ហាញអារម្មណ៍ខ្លាចមនុស្សប្រុស ក្នុងពេលដែលនាងបានអូសបន្លាយភាពនៅលីវរហូតមកដល់បច្ចុប្បន្ន ។ គេមិនដឹងការបង្ហាញអារម្មណ៍ខ្លាចមនុស្សប្រុសរបស់នាងអាចធ្វើឲ្យនាងនឹងមិនយកស្វាមី ឬយ៉ាងណានោះឡើយ ដោយនាងក៏ធ្លាប់បានជួបស្នេហ៍មិនសមប្រកបម្តងរួចមកហើយនោះ ។
បន្ទាប់ពីបានជួបប្រទះស្នេហាបែកបាក់មក សូដា នីតា បានបណ្តែតខ្លួនឲ្យនៅម្នាក់ឯងរហូតបច្ចុប្បន្ន បើទោះបីជាមានបុរសជាច្រើនបានព្យាយាមសុំស្នេហ៍នាងក៏ដោយ ប៉ុន្តែត្រូវបាននាងបដិសេធ ។ មូលចម្បងដែលនីតាបដិសេធនោះទំនងជាមកពីនាងរាចាលចំពោះមេរៀនដ៏ជូរចត់ដែលនាងធ្លាប់ជួប រហូតដល់នាងពោលពាក្យខ្លាចមនុស្សប្រុស ។
ថ្មីៗកន្លងមកសូដា នីតា បានបង្ហោះសារតាមហ្វេសប៊ុករបស់នាងថា «សម័យនេះ ស្រីៗមិនខ្លាចអត់ប្តីនោះទេ ព្រោះមនុស្សស្រីគឺត្រូវតែរឹងមាំ ព្រោះពេលមានប្តីមិនត្រូវឲ្យប្តីមើលងាយ មិនឲ្យប្តីធុញទ្រាន់នឹងការស៊ីចិញ្ចឹម មិនឲ្យប្តីពេលខឹងដៀលយើងថា យើងនេះមិនចេះរកស៊ីចាំតែប្តីរកស៊ចិញ្ចឹម ។
និយាយរួមជិវិត១នេះមិនឲ្យមនុស្សប្រុស ដែលហៅថាប្តីមើលងាយនោះនឡើយ ហើយនៅមានរឿង១ទៀត នោះគឺពេលប្តីគេមានស្រីថ្មី ឬមានពេលណាបែកបាក់ បែកគ្នាទៅ គឺយើងនៅមានលុយ មានទ្រព្យ មានការងារ រកសុីចិញ្ចឹមខ្លួន ចិញ្ចឹមកូន ដោយមិនចាំបាច់ពឹងប្តីនោះទេ ។
ខ្ញុំមានអារម្មណ៍ខ្លាចមនុស្សប្រុសណាស់ ជាតិនេះសុំមិនមានប្តីក៏បាន ប្រុសៗមើលឃើញល្អ មើលថាអាចទុកចិត្តយ៉ាងណាក៏ដោយ ហើយយើងខំធ្វើល្អ តស៊ូជាមួយគេបែបណា ក៏គេនោះនៅតែលួចបំពាន លួចក្បត់ ថោកទាបក្បត់ដោយសម្ងាត់ដែរ ។ ពេលដេញទាន់ជាន់កែង ស្រែកថាខ្លួនត្រូវទាំងបំពាន អ្នកដឹងបានដឹង អ្នកមិនដឹង គេគិតថាយើងជាអ្នកសិល្បៈសាវ៉ា ការពិតយើងអ្នកស្មោះ យើងលះបង់ តែគេក្បត់យើង យើងអ្នកឈឺ តែគេអាចញញឹមជាមួយនឹងការក្បត់ជាមួយស្រីថោកមុខខ្លាញ់ហើយមក ឌឺដងផ្ចាញ់ផ្ចាលយើងទៀត ។ ខ្ញុំចង់ប្រាប់ថា ខ្ញុំមានអារម្មណ៍ស្អប់មនុស្សប្រុស »៕
ចែករំលែកព័តមាននេះ