ខេត្តសៀមរាប ៖ នៅថ្ងៃទី២៦ ខែតុលា ឆ្នាំ២០១៨ វេលាម៉ោង០៩និង៣០នាទីព្រឹក កម្លាំងនគរបាលសង្កាត់ស្វាយដង្គំបានធ្វើការចុះត្រួតពិនិត្យរដ្ឋបាលនៅក្នុងសង្កាត់ស្វាយដង្គំ តាមផ្ទះជួលដែលជាកម្មសិទ្ធរបស់ឈ្មោះ លាន សុចិន្តា…
ខេត្តសៀមរាប ៖ នៅថ្ងៃទី២៦ ខែតុលា ឆ្នាំ២០១៨ វេលាម៉ោង០៩និង៣០នាទីព្រឹក កម្លាំងនគរបាលសង្កាត់ស្វាយដង្គំបានធ្វើការចុះត្រួតពិនិត្យរដ្ឋបាលនៅក្នុងសង្កាត់ស្វាយដង្គំ តាមផ្ទះជួលដែលជាកម្មសិទ្ធរបស់ឈ្មោះ លាន សុចិន្តា ភេទស្រី អាយុ៣៦ឆ្នាំ មានទីលំនៅក្នុងភូមិសាលាកន្សែង សង្កាត់ស្វាយដង្គំ ក្រុង/ខេត្តសៀមរាប ឈានដល់ធ្វើការឃាត់ខ្លួនបានជនសង្ស័យ ប្រុសស្រីចំនួន២នាក់ពាក់ព័ន្ធរក្សាទុក និងប្រើប្រាស់សារធាតុញៀនខុសច្បាប់ និងវត្ថុតាងមួយចំនួនធំទៀត ។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌនៃស្នងការនគរបាលខេត្តសៀមរាបបានប្រាប់ថា ជនសង្ស័យប្រុសស្រីទាំង២នាក់មានទី១-ឈ្មោះ ចាប ម៉ារ៉ា ភេទស្រី អាយុ៣៤ឆ្នាំ ស្នាក់នៅបន្ទប់ផ្ទះជួល ភូមិសាលាកន្សែង សង្កាត់ស្វាយដង្គំ ក្រុង/ខេត្តសៀមរាប និងទី២-ឈ្មោះ ពុំ យ៉ាណាន់ ភេទស្រី អាយុ៣២ឆ្នាំ ស្នាក់នៅផ្ទះជួល ភូមិសាលាកន្សែង សង្កាត់ស្វាយដង្គំ ក្រុង/ខេត្តសៀមរាប ។
លោកបានបញ្ជាក់ថា បន្ទាប់ពីកម្លាំងយើងបានធ្វើការចុះត្រួតពិនិត្យរដ្ឋបាលនៅក្នុងសង្កាត់ស្វាយដង្គំ តាមផ្ទះជួលដែលជាកម្មសិទ្ធរបស់ឈ្មោះ លាន សុចិន្តា ភេទស្រី អាយុ៣៦ឆ្នាំ មានទីលំនៅក្នុងភូមិសាលាកន្សែង សង្កាត់ស្វាយដង្គំ ក្រុង/ខេត្តសៀមរាប ឈានដល់ធ្វើការឃាត់ខ្លួនបានជនសង្ស័យប្រុសស្រីចំនួន២នាក់ពាក់ព័ន្ធរក្សាទុកនិងប្រើប្រាស់សារធាតុញៀនខុសច្បាប់ ក្នុងនោះដកហូតបានវត្ថុតាងមានដូចជា ៖គ្រឿងញៀនម្ស៉ៅក្រាមពណ៌ចំនួនពីរកញ្ចប់ និងឧបករណ៍ប្រើប្រាស់គ្រឿងញៀនមួយចំនួន, ទូរស័ព្ទចំនួនបួនគ្រឿង, អាយផេត ពណ៌ទឹកប្រាក់ ចំនួនមួយ, លិខិតឆ្លងដែនចំនួនពីរក្បាល, រថយន្តម៉ាក(Morning)ពណ៌ទឹកប្រាក់ ពាក់ផ្លាកលេខ សៀមរាប 2B-4520 ចំនួន១គ្រឿង, រថយន្តម៉ាក Lexus400h ពណ៌ស ពាក់ផ្លាកលេខ ភ្នំពេញ 2AA-6226 និងប្រាក់ដុល្លារចំនួន៦៣៥៥$ ។
ខណៈពេលកម្លាំងសមត្ថកិច្ចកំពុងធ្វើការត្រួតពិនិត្យស្រាប់តែជនសង្ស័យទាំងពីរនាក់នោះបានធ្វើប្រព្រឹត្តសកម្មភាពរារាំងសមត្ថកិច្ច និងជេរប្រមាថមកលើសមត្ថកិច្ច បោកកំប៉ុងស្រាបៀនៅចំពោះមុខសមត្ថកិច្ចថែមទៀតផង ។
ក្រោយមកកម្លាំងយើងក៏បានយកមកសួរនាំនៅប៉ុស្តិ៍រដ្ឋបាលសង្កាត់ស្វាយដង្គំ រួចក៏បានធ្វើការប្រគល់ជនសង្ស័យប្រុសស្រីទាំងពីរនាក់ជូនទៅនគរបាលប្រឆាំងគ្រឿងញៀនក្រុងសៀមរាប ដើម្បីអនុវត្តនីតិវិធីបន្ត ៕
ចែករំលែកព័តមាននេះ