តើធ្លាប់ទេ ស្តីឲ្យអ្នកម្តាយរួចស្តាយក្រោយមួយរំពេច?
- ភ្នំពេញ
រាជធានីភ្នំពេញ ៖ មិនថាសម័យកាលរីកចំរើន ជឿនលឿនដល់កម្រិតណា ។ មិនថា សង្គមបានប្រែប្រួល ឬផ្លាស់ប្តូរយ៉ាងណា តែក្តីស្រលាញ់ និងក្តីបារម្ភរបស់អ្នកម្តាយ…
រាជធានីភ្នំពេញ ៖ មិនថាសម័យកាលរីកចំរើន ជឿនលឿនដល់កម្រិតណា ។ មិនថា សង្គមបានប្រែប្រួល ឬផ្លាស់ប្តូរយ៉ាងណា តែក្តីស្រលាញ់ និងក្តីបារម្ភរបស់អ្នកម្តាយ មានចំពោះបុត្រធីតា គឺមិនដែលប្រែប្រួល ហើយក៏ជាក្តីសណ្តោសប្រណីដែលមិនរំពឹងការតបស្នងពីកូនៗ និងចៅៗនោះទេ ។
តែការបារម្ភរបស់ឪពុកម្តាយ នៅពេលកូនមកផ្ទះយប់ជ្រៅ ឬក៏ពេលខ្លះអ្នកមានគុណត្រូវអង្គុយរង់ចាំកូនមកទទួលទានអាហារជុំគ្នាជាដើម លោកតែងតែសួរនាំពីការមកផ្ទះយឺតយ៉ាវ ដែលពេលខ្លះធ្វើឲ្យកូនមួយចំនួនយល់ច្រឡំ និងតែងតែមាត់ធំ មាត់តូច ឬប្រើសម្តីគំរោះគំរើយតបតទៅអ្នកមានគុណវិញ ។
ធ្លាប់ដែលពិចារណាទេថា ការបារម្ភរបស់ឪពុកម្តាយ ពេលកូនមកផ្ទះយឺត គឺគាត់ខ្លាចមានរឿងរ៉ាវអពមង្គលណាមួយចូលមកយាយីភាពសុខសាន្តរបស់កូនប្រុសស្រីរបស់លោក។ មួយវិញទៀតលោកទន្ទឹងរង់ចាំជួបមុខកូន រំពឹងថានៅពេលបានជួបមុខកូន គឺបានឃើញកូនដែលប្រកបដោយគន្លងធម៌ មានសីលធម៌រស់នៅល្អ មានគុណធម៌ក្នុងនាមជាមនុស្សចេះគោរពចាស់ទុំ ពាក្យសម្ដីពីរោះពិសារ ចេះស្ដាប់ពាក្យសម្ដីដែលលោកបានទូន្មាន និងមានគេរាប់អានច្រើនពីមនុស្សនៅក្នុងសង្គម។ ប៉ុន្តែអ្វីដែលលោករំពឹងពេលខ្លះមិនអាចទទួលបានតាមបំណង ព្រោះតែកូនខ្លះមិនបានពិចារណាឲ្យដិតដល់ នូវសន្ដានចិត្តរបស់អ្នកមានគុណ ។
ធ្លាប់ទេ ស្តីឲ្យអ្នកម្តាយរួច ស្តាយក្រោយមួយរំពេច? ជាក់ស្តែងភាពយន្តខ្នាតខ្លីមួយ ដែលមានចំណងជើងថា «ក្តីសង្ឃឹម» ឬហៅជាភាសាអង់គ្លេសថា «HOPE» របស់ក្រុមហ៊ុនធានារ៉ាប់រងជីវិត អេ អាយ អេ ខេមបូឌា បានឆ្លុះបញ្ចាំងពីជីវិតអ្នកម្តាយមួយរូបមានកូនស្រី ២ នាក់ និងកូនប្រុសម្នាក់ និងចៅស្រីម្នាក់ ដែលអ្នកម្តាយតែងតែងនឹកបារម្ភពីសុខទុក្ខកូនៗនិងចៅជាប់ជាប្រចាំ។
«ម្តាយខ្ញុំ គ្រាន់តែមើលចៅប៉ុណ្ណឹង ក៏បណ្តោយឲ្យវាដួលដែរ» នេះជាសម្តីកូនស្រីច្បងដែលពោលពាក្យគំរោះគំរើយដាក់អ្នកម្តាយ នៅពេលដែលចៅស្រីកំពូលរពឹសដួល និងរងរបួសថ្ងាសតិចតូច ។ ធ្លាប់ទេ ពោលពាក្យ «ម៉ែ! ខ្ញុំមិនមែនក្មេងទៀតទេណា! ខ្ញុំរវល់ការងារខ្ញុំ! ខ្ញុំដឹងខ្លួនឯងហើយ» បែបនេះទៅកាន់អ្នកម្តាយទេ ពេលចេញពីធ្វើការពេលរសៀលហើយចូលផ្ទះយឺត?
ធ្លាប់ទេ ធ្លាប់ពោលពាក្យ «ម៉ែមិនដែលស្តាប់ខ្ញុំសោះ គាត់បារម្ភតែពីមនុស្សមិនដែលខ្វល់ពីគាត់» ? ពិតណាស់! ទាំងនេះ ប្រហែលជាពាក្យមួយដែលអ្នកធ្លាប់ធ្លោយមាត់និយាយដាក់ម្តាយរបស់អ្នក នៅពេលដែលអ្នកអាក់អន់ចិត្ត រឺធុញទ្រាន់ពីការបារម្ភរបស់គាត់។ ប៉ុន្តែតើអ្នកមានអារម្មណ៍យ៉ាងណាដែរ ប្រសិនបើថ្ងៃណាមួយអ្នកលេងទទួលបានការបារម្មណ៍ពីគាត់ទៀត?
បើអ្នកជាអ្នកម្តាយមួយរូប ដូចក្នុងសាច់រឿងអប់រំមួយនេះ តើមានអារម្មណ៍បែបណា?
ចិញ្ចឹមកូនម្នាក់មិនមែនជារឿងងាយស្រួលបាត់ទៅហើយ ចុះទម្រាំតែចិញ្ចឹមកូនច្រើននាក់ និងមើលថែចៅស្រីទៀត តើអ្នកម្តាយត្រូវអន់ធន់ខ្លាំងប៉ុណ្ណា? ជាក់ស្តែងដូចជាក្នុងវីដេអូអប់រំដដែលបានបង្ហាញពីការចិញ្ចឹមបីបាច់មើលថែររក្សាកូនតាំងពីតូចដល់ធំ វាហត់នឿយណាស់ទៅហើយ តែអ្វីដែលកាន់តែលំបាកទៀតនោះ គឺការដែលត្រូវរស់នៅជាមួយកូនបីនាក់ក្នុងស្ថានភាពបីផ្សេងគ្នា តែអ្នកម្តាយមិនដែលត្អូញត្អែរសូម្បីមួយម៉ាត់។
តួយ៉ាងកូនស្រីបង គឺជាមនុស្សដែលរវល់នឹងគ្រួសារផ្ទាល់ខ្លួន ឯកូនប្រុសស្រីពីរនាក់ទៀតក៏រវល់នៅកន្លែងការងារពួកគេផងដែរ ហើយដោយសារតែការនឿយហត់នឹងការងារទាំងនោះ ក៏បានធ្វើឲ្យពួកគេពេលខ្លះមួរម៉ៅ ស្តីបន្ទោសឲ្យម្តាយថាជាមនុស្សស៊ាំញ៉ាំ។
តាមរយៈវីដេអូខ្លីនោះដែរ ក៏បានដាស់តឿនថា នៅពេលដែលម្តាយនៅមានកម្លាំងរឹងមាំនៅឡើយ កូនៗក៏មិនបានគិតគូរអ្វីវែងឆ្ងាយនោះដែរ ដោយចេះតែគិតថាមិនអីៗ លុះពេលដែលម្តាយធ្លាក់ខ្លូនឈឺ ក៏ស្រាប់តែពិបាកចិត្តថា មិនដឹងត្រូវធ្វើបែបណា។ ណាមួយបារម្ភពីសុខភាពអ្នកម្តាយ ណាមួយទៀតខ្វល់ខ្វាយពីការចំណាយដ៏ច្រើន នេះសំណាងហើយដែលមានធានារ៉ាប់រង ម្ល៉េះសមពួកគេទាំងបីអ្នកបងប្អួន ត្រូវលក់ផ្ទះ លក់ឡាន ប្រមូលប្រាប់សន្សំ និងខ្ចីលុយអ្នកដទៃដើម្បីមកចំណាយលើការព្យាបាលបាត់ទៅហើយ។
កុំឲ្យគ្រប់យ៉ាងយឺតពេល ចូរយកចិត្តទុកដាក់ចំពោះអ្នកម្តាយរបស់អ្នក កុំឲ្យខ្លូនអ្នកត្រូវបាត់បង់សង្ឃឹម និងយឺតពេល ចំពោះការប្រើពាក្យ «សុំទោស» ទៅកាន់អ្នកម្តាយរបស់អ្នក ។ ហេតុនេះហើយអ្នកគួរចងចាំថា ការងារគឺជារឿងសំខាន់ តែវាមិនអាចសំខាន់ជាងការបង្ហាញការបារម្ភ និងក្តីស្រលាញ់ទៅកាន់អ្នកម្តាយជាទីស្រលាញ់របស់អ្នកបានទេ។ ហើយកូនៗដែលឆ្លាតវ័យ គឺជាកូនដែលបានគិតគូរពីគម្រោងជីវិតវែងឆ្ងាយជូនពួកគាត់៕ ដោយសហការ
https://www.facebook.com/KohSantepheapTV/videos/719980598359439/
ចែករំលែកព័តមាននេះ