សារព័ត៌មានបរទេសកាលពីពេល ថ្មីៗកន្លងមកផ្សាយថា វិហារ«Sagrada Familia» ជាវិហារដ៏ធំនៅក្រុងបាសេឡូណា ប្រទេសអេស្ប៉ាញយល់ព្រមបង់ប្រាក់ពិន័យចំនួន៣៦លានអឺរ៉ូដល់អាជ្ញាធរនៅក្រុងបាសេឡូណា ពីបទសាងសង់មិនសុំការអនុញ្ញាតរយៈពេល១៣០ឆ្នាំមកហើយ ។ កាសែតរបស់អេស្ប៉ាញ«El Pais»…
សារព័ត៌មានបរទេសកាលពីពេល ថ្មីៗកន្លងមកផ្សាយថា វិហារ«Sagrada Familia» ជាវិហារដ៏ធំនៅក្រុងបាសេឡូណា ប្រទេសអេស្ប៉ាញយល់ព្រមបង់ប្រាក់ពិន័យចំនួន៣៦លានអឺរ៉ូដល់អាជ្ញាធរនៅក្រុងបាសេឡូណា ពីបទសាងសង់មិនសុំការអនុញ្ញាតរយៈពេល១៣០ឆ្នាំមកហើយ ។
កាសែតរបស់អេស្ប៉ាញ«El Pais» បានបញ្ជាក់ថាមហាវិហារនោះមិនធ្លាប់ចុះបញ្ជីផ្នែកអចលនទ្រព្យរបស់ក្រុងតាំងពីឆ្នាំ១៩៩៥ គ្រាន់តែបញ្ជាក់ថា វិហារគឺជាផ្នែកមួយរបស់សាសនា«កាតូលិក»នៃក្រុងបាសេឡូណាប៉ុណ្ណោះ ។
មហាវិហារ«Sagrada Familia» ត្រូវបង់ថ្លៃពិន័យ និងចុះបញ្ជីជាអចលនទ្រព្យរបស់ក្រុងជាលើកដំបូង ចាប់តាំងពីមានការសាងសង់នៅក្នុងឆ្នាំ១៨៨២ ខណៈពេលលោកAda Colau ចៅហ្វាយក្រុងបាសេឡូណា បានកោតសរសើរកិច្ចព្រមព្រៀងនោះថា «ជាកិច្ចព្រមព្រៀងប្រវត្តិសាស្ត្រ» ។
«Sagrada Familia» ចេញម៉ូដដោយលោក Antoni Gaudí ស្ថាបនិកជនជាតិអេស្ប៉ាញ និងបានចុះបញ្ជីជាបេតិកភណ្ឌពិភពលោករបស់ទោះបីជាសាងសង់មិនទាន់រួចរាល់ក៏ដោយ ។ វិហារនោះបានសង់នៅឆ្នាំ១៨៨២ ហើយបច្ចុប្បន្នមានមនុស្សចូលទស្សនាចំនួន២០លាននាក់ក្នុងមួយឆ្នាំ ជាទីតាំងទេសចរណ៍ដ៏សំខាន់របស់ក្រុងបាសេឡូណា ៕ វីដេអូដកស្រង់ចេញពី ៖ Places & People
ចែករំលែកព័តមាននេះ