ខេត្តកោះកុង ៖ បើតាមសេចក្តីរាយការណ៍បឋមបានឲ្យដឹងថា មានជ្រូកព្រៃវ័ធបុរសម្នាក់ស្លាប់បាត់បង់ជីវិតភ្លាមៗនៅនឹងកន្លែងកើតហេតុ ចំណែកកូនស្រីរត់រួចខ្លួន ហេតុការណ៍នេះកើតឡើងកាលពីវេលាម៉ោង៧និង១០នាទីព្រឹក ថ្ងៃទី២៤ ខែតុលា ឆ្នាំ២០១៨ ស្ថិតនៅក្នុងភូមិកណ្តាល…
ខេត្តកោះកុង ៖ បើតាមសេចក្តីរាយការណ៍បឋមបានឲ្យដឹងថា មានជ្រូកព្រៃវ័ធបុរសម្នាក់ស្លាប់បាត់បង់ជីវិតភ្លាមៗនៅនឹងកន្លែងកើតហេតុ ចំណែកកូនស្រីរត់រួចខ្លួន ហេតុការណ៍នេះកើតឡើងកាលពីវេលាម៉ោង៧និង១០នាទីព្រឹក ថ្ងៃទី២៤ ខែតុលា ឆ្នាំ២០១៨ ស្ថិតនៅក្នុងភូមិកណ្តាល ឃុំតាទៃលើ ស្រុកថ្មបាំង ខេត្តកោះកុង ។
សេចក្តីរាយការណ៍បន្តថា ជនរងគ្រោះខាងលើឈ្មោះ ស្រ៊ុន ជា អាយុ៤៧ឆ្នាំ មុខរបរកសិករ រស់នៅភូមិ-ឃុំខាងលើ ត្រូវជាឪពុក ចំណែកកូនស្រីសំណាងល្អបានរត់គេចខ្លួនរួច។
តាមសម្ដីកូនស្រីជនរងគ្រោះរៀបរាប់ប្រាប់សមត្ថកិច្ចថា ដំបូងជនរងគ្រោះបានទៅលើកលបដាក់ត្រី២នាក់កូនស្រីនៅស្រែជាមួយគ្នា ពេលនោះស្រាប់តែឃើញសត្វឆ្កែមួយក្បាលកំពុងរត់ដេញខាំសត្វជ្រូកព្រៃ ហើយជ្រូកព្រៃនោះក៏រត់សំដៅមករកនាង និងឪពុក ទំនងជ្រូកព្រៃចង់ឲ្យមនុស្សជួយ ខណៈឆ្កែកំពុងដេញខាំ ។
កូនស្រីខាងលើបន្តទៀតថា ផ្ទុយទៅវិញ ពេលនោះជ្រូកព្រៃរត់មកដល់ ស្រាប់តែជ្រូកព្រៃនោះបានវ័ធគាត់នឹងចែដុះខាងមុខយ៉ាងសាហាវឃោរឃៅបំផុត ធ្វើឲ្យឪពុកនាងរងរបួសហូរឈាមជាច្រើនកន្លែង រហូតដល់ស្លាប់មិនអាចជួយសង្គ្រោះបាន ចំណែកនាងជាកូនស្រីឃើញដូច្នោះ ខំប្រឹងរត់យករួចខ្លួនតែម្តង ។
ក្រោយពេលហេតុការណ៍នោះកើតឡើង សមត្ថកិច្ចបានចុះទៅធ្វើកោសល្យវិច្ច័យ រួចបានសពប្រគល់ជូនក្រុមគ្រួសារ ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ