ប្រទេសកូរ៉េខាងជើង ៖ យោងតាមសមាជិកសភាកូរ៉េខាងត្បូងម្នាក់ ដែលសម្អាងលើការ ទទួលបានបណ្ដាទិន្នន័យពីគយចិនថា ចាប់តាំងពីការឡើងកាន់អំណាចរបស់លោកគីមជុងអ៊ុនពីឆ្នាំ២០១២មក កូរ៉េខាងជើងបាននាំចូលពីចិនបណ្ដាផលិតផលប្រណីតៗ ក្នុងទឹកប្រាក់យ៉ាងតិច៤ពាន់លានដុល្លារ។ សមាជិកសភាគណបក្សសេរីភាពកូរ៉េរូបនោះ លោក…
ប្រទេសកូរ៉េខាងជើង ៖ យោងតាមសមាជិកសភាកូរ៉េខាងត្បូងម្នាក់ ដែលសម្អាងលើការ ទទួលបានបណ្ដាទិន្នន័យពីគយចិនថា ចាប់តាំងពីការឡើងកាន់អំណាចរបស់លោកគីមជុងអ៊ុនពីឆ្នាំ២០១២មក កូរ៉េខាងជើងបាននាំចូលពីចិនបណ្ដាផលិតផលប្រណីតៗ ក្នុងទឹកប្រាក់យ៉ាងតិច៤ពាន់លានដុល្លារ។
សមាជិកសភាគណបក្សសេរីភាពកូរ៉េរូបនោះ លោក YOON SANG HYUN បានវិភាគសម្រាប់ការធ្វើស្ថិតិនេះ បណ្ដាទិន្នន័យរបស់គយចិនដោយនិយាយថា លោកគីម ជុងអ៊ុន និងបណ្ដាមនុស្សជំនិតរបស់លោក បានចំណាយជាង៤ពាន់ លានដុល្លារសម្រាប់បណ្ដាផលិតផលប្រណីតៗចាប់តាំងពីឆ្នាំ២០១២ ក្រោយពេលលោកឡើងកាន់អំណាចមក។
សមាជិកសភាអភិរក្សនិយមរូបនោះដែលស្ថិតក្នុងក្រុមអ្នកនិយមប្រកាន់ជំហររឹង ចំពោះរបបក្រុងព្យុង យ៉ាងលាតត្រដាងពីការរក្សាទំនាក់ទំនងពាណិជ្ជកម្មរបស់កូរ៉េខាងជើងជាមួយចិន លើផលិតផលជាច្រើនដែលជាកម្មវត្ថុនៃការហ៊ុមព័ទ្ធ។
លោក YOON SANG HYUN និយាយថា គ្រាន់តែក្នុងឆ្នាំ២០១៧តែមួយគត់កូរ៉េខាងជើងបានទិញពីចិន ក្នុងទឹកប្រាក់៦៤០,៨លានដុល្លារបណ្ដាផលិតផលប្រណិតៗ ទោះមានការហ៊ុមព័ទ្ធ។ លោកបញ្ជាក់ថា ការទិញនេះតំណាងឲ្យ១៧,៨%នៃការនាំចូលសរុបរបស់កូរ៉េខាងជើងពីប្រទេសចិន ដែលតំណាងឲ្យទឹកប្រាក់៣,៧ពាន់លានដុល្លារក្នុងឆ្នាំ២០១៧។
ប្រសិនបើកូរ៉េខាងជើងចំណាយប្រាក់ទាំងនោះក្នុងការទិញអង្ករនោះគេអាចទិញបានដល់ទៅ១,៦៥លានតោនគឹទ្វេដងនៃការទិញអង្ករនាឆ្នាំ២០១៧ ដែលមានត្រឹម៨០០.០០០តោន។ តំណាងរាស្ត្ររូបនោះបន្តថា ការខ្វះស្បៀងនៅកូរ៉េខាងជើងពុំមែនដោយសារការខ្វះជំនួយរបស់សហគមន៍អន្តរជាតិឡើយ តែមកពីការខ្វះឆន្ទៈចិញ្ចឹមប្រជាជនខ្លួនពីសំណាក់លោកគីម ជុងអ៊ុន។
លោកគីម ជុងអ៊ុន មិនខុសពីបិតាលោក ចូលចិត្តស្រាល្អៗដូចជាស្រាកូញាក់ជាដើម។លោកក៏ស្រឡាញ់ហើយទិញរថយន្តប្រណីតៗដូចជា ROLLS ROYCE។ លោកក៏និយមកុំព្យូទ័រល្អៗផងដែរ៕
ចែករំលែកព័តមាននេះ