កម្ពុជា -តួកគីចុះកិច្ចព្រមព្រៀងលើអនុស្សារណៈសំខាន់ៗចំនួន៨
- ភ្នំពេញ
រាជធានីភ្នំពេញ ៖ ប្រទេសកម្ពុជា និង សាធារណរដ្ឋតួកគី បានចុះកិច្ចព្រមព្រៀង លើអនុស្សារណៈ សំខាន់ៗចំនួន៨ ។ សម្ដេចតេជោ…
រាជធានីភ្នំពេញ ៖ ប្រទេសកម្ពុជា និង សាធារណរដ្ឋតួកគី បានចុះកិច្ចព្រមព្រៀង លើអនុស្សារណៈ សំខាន់ៗចំនួន៨ ។
សម្ដេចតេជោ ហ៊ុន សែន និងប្រធានាធិបតីនៃសាធារណរដ្ឋតួកគី អញ្ជើញធ្វើជាសាក្សីនៃពិធីចុះហត្ថលេខាលើ ឯកសារ និងកិច្ចព្រមព្រៀងអនុស្សារណៈសំខាន់ៗចំនួន៨ ការចុះហត្ថលេខាធ្វើឡើង កាលពីថ្ងៃទី២១ តុលា បន្ទាប់ពីបញ្ចប់នូវជំនួបពិភាក្សាកំពូលទ្វេភាគីទល់មុខគ្នាមួយទល់នឹងមួយ និងជំនួបអាហារការងារថ្ងៃត្រង់ ដែលបានចំណាយពេលប្រមាណ១ម៉ោង៣០នាទីរួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម រ៉េជីប ថាយ៉ីបអ៊ែដ៏វ៉ាន ប្រធានាធិបតី នៃសាធារណ រដ្ឋតួកគីបានអញ្ជើញធ្វើជាសាក្សីនៃពិធីចុះហត្ថលេខាលើឯកសារ និងកិច្ចព្រមព្រៀង អនុស្សារណៈ សំខាន់ៗ ចំនួន៨ក្នុងនោះរួមមាន៖
១- អនុស្សារណៈស្តីពីកិច្ចសហប្រតិបត្តិការរវាង អាជ្ញាធរកម្ពុជា គ្រប់គ្រងសកម្មភាព កម្ចាត់មីន និងសង្គ្រោះជនពិការដោយសារមីន និងមជ្ឈមណ្ឌលជាតិសកម្មភាពមីនតួកគី ភាគីកម្ពុជា ចុះ ហត្ថលេខារវាងលោកអ៊ុច បូរិទ្ធ រដ្ឋលេខាធិការក្រសួងការបរទេស និងកិច្ចសហប្រតិបត្តិការអន្តរជាតិ ជាមួយលោក ម៉ូសសិន ដេរ៉េ (Muhsin Dere) អនុរដ្ឋមន្ត្រីក្រសួងការពារជាតិ ។ ២- អនុស្សារណៈ ស្តីពីកិច្ចសហប្រតិបត្តិការក្នុងវិស័យកសិកម្ម ចុះហត្ថលេខារវាងលោកប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិជាមួយលោកបេ គារ ប៉ាកដេមីរលី (Bekir Pakdemirli) រដ្ឋមន្ត្រីក្រសួងកសិកម្ម និងរុក្ខាប្រមាញ់ ។ ៣-កិច្ចព្រមព្រៀងកិច្ចសហប្រតិបត្តិការក្នុងវិស័យទឹក ចុះហត្ថលេខារវាងលោកប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងកិច្ចសហ ប្រតិបត្តិការអន្តរជាតិជាមួយលោកបេគារ ប៉ាកដេមីរលី (Bekir Pakdemirli) រដ្ឋមន្ត្រីក្រសួងកសិកម្ម និងរុក្ខាប្រមាញ់ ។
៤-កិច្ចព្រមព្រៀងស្តីពីការជំរុញ និងការការពារទៅវិញទៅមកនៃវិនិយោគ ចុះហត្ថលេខារវាងលោក សុខ ចិន្តា សោភារដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ជាមួយលោកម៉ូស្តាហ្វា វ៉ារ៉ាក (Mustafa Varark) រដ្ឋមន្ត្រីក្រសួងឧស្សាហកម្ម និងបច្ចេកវិទ្យា ៥- កិច្ចព្រមព្រៀងកិច្ចសហប្រតិបត្តិការក្នុងវិស័យកីឡាចុះហត្ថលេខារវាងលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិជាមួយលោក ម៉េតម៉េត ម៉ូហារ៉ែម (Mehmet Muharrem) រដ្ឋមន្ត្រីយុវជន និងកីឡា ។ ៦-កិច្ចព្រមព្រៀងកិច្ចសហប្រតិបត្តិការទេសចរណ៍ចុះហត្ថលេខារវាង លោក ថោង ខុន រដ្ឋមន្ត្រីក្រសួងទេសចរណ៍ជាមួយលោកម៉េវលូត កាវូសូក្លូ (Mevlut Cavusoglu) រដ្ឋមន្ត្រីក្រសួងការបរទេស ។
៧-កិច្ចព្រមព្រៀងកិច្ចសហប្រតិបត្តិការក្នុងវិស័យអប់រំចុះហត្ថលេខារវាងលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិជាមួយលោក ម៉េវលូត កាវូសូក្លូ (Mevlut Cavusoglu) រដ្ឋមន្ត្រីក្រសួងការបរទេស ។ ៨- កិច្ចព្រមព្រៀងកិច្ចសហប្រតិបត្តិការ ក្នុងវិស័យវប្បធម៌ចុះហត្ថលេខារវាងលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិជាមួយលោក ម៉េវលូត កាវូសូក្លូ (Mevlut Cavusoglu) រដ្ឋមន្ត្រីក្រសួងការបរទេស៕
ចែករំលែកព័តមាននេះ