តាមប្រភពព័ត៌មាន Shanghaiist បានឲ្យដឹងថា បុរសម្នាក់ត្រូវបានចាប់ខ្លួននៅទីក្រុងប៉េកាំង ក្រោយពីដាល់គ្រូពេទ្យ៣នាក់ ដោយសារតែពួកគេមិនព្រមធ្វើការវះកាត់សម្រាលកូនឱ្យប្រពន្ធរបស់ខ្លួន ។ បើទោះបីជាគ្រូពេទ្យព្យាយាមពន្យល់ប្រាប់ពីផលវិបាកនៃការវះកាត់ និងភាពមិនចាំបាច់របស់វាសម្រាប់ប្រពន្ធរបស់គាត់ក៏ដោយ ក៏គាត់នៅតែខឹងសម្បារហើយដាល់គ្រូពេទ្យមិនឈប់…
តាមប្រភពព័ត៌មាន Shanghaiist បានឲ្យដឹងថា បុរសម្នាក់ត្រូវបានចាប់ខ្លួននៅទីក្រុងប៉េកាំង ក្រោយពីដាល់គ្រូពេទ្យ៣នាក់ ដោយសារតែពួកគេមិនព្រមធ្វើការវះកាត់សម្រាលកូនឱ្យប្រពន្ធរបស់ខ្លួន ។ បើទោះបីជាគ្រូពេទ្យព្យាយាមពន្យល់ប្រាប់ពីផលវិបាកនៃការវះកាត់ និងភាពមិនចាំបាច់របស់វាសម្រាប់ប្រពន្ធរបស់គាត់ក៏ដោយ ក៏គាត់នៅតែខឹងសម្បារហើយដាល់គ្រូពេទ្យមិនឈប់ ។
ស្ត្រីម្នាក់អាយុ៤៤ឆ្នាំ ឈឺពោះកើតកូនគ្រប់ខែ ត្រូវបានបញ្ជូនទៅមន្ទីរពេទ្យ Peking University First Hospital ដើម្បីធ្វើការសម្រាល។ គ្រូពេទ្យបានសម្រេចចិត្តធ្វើការបង្កើតតាមផ្លូវធម្មជាតិ តែប្តីរបស់នាង ដែលមានត្រកូល Zheng បានទាមទារឲ្យធ្វើការវះកាត់ ។
គ្រូពេទ្យបានពន្យល់ជាច្រើន ស្តីពីផលវិបាកនៃការធ្វើការវះកាត់សម្រាលកូន។ តែបុរសជាប្តីមិនស្តាប់ឡើយ ហើយរុញច្រានគ្រូពេទ្យ និងដាល់គ្រូពេទ្យជាច្រើនដៃ ។ ដោយឃើញដូចនេះ គ្រូពេទ្យពីរនាក់ទៀតក៏មកឃាត់ តែត្រូវស៊ីកណ្តាប់ដៃដូចគ្នា។ កូនស្រីរបស់បុរសត្រកូល Zheng ក៏បានជួយដាក់មួយដៃមួយជើង
ដែរ។
គ្រូពេទ្យម្នាក់បានបាក់ឆ្អឹងថ្គាម និង បែកឆ្អឹងប្រឡង់ភ្នែក។ ដោយសារតែត្រូវបង្កើតកូនឲ្យបានសុវត្ថិភាពសិន គេមិនទាន់គិតរឿងដាក់ទោសនៅពេលភ្លាមៗនោះទេ ។
ចែករំលែកព័តមាននេះ