ប្រទេសស៊ីរី ៖ ត្រូវបិទជាច្រើនឆ្នាំដោយសារជម្លោះនៅស៊ីរី ច្រកទ្វារព្រំដែនមួយរវាងស៊ីរីនិងផ្នែកខ្ពង់រាបហ្គោឡង់ត្រួតត្រាដោយអ៊ីស្រាអែល ព្រមទាំងផ្លូវថ្នល់សំខាន់តភ្ជាប់ជាមួយប្រទេសហ្ស៊កដានី ត្រូវបើកឡើងវិញកាលពីថ្ងៃទី១៥តុលា ដែលបង្ហាញពីភាពកាន់តែរឹងមាំឡើងវិញនៃរបបក្រុងដាម៉ាស់។
នាវេលាព្រឹករថយន្ត២គ្រឿងរបស់ អ.ស.ប បានបើកឆ្លងកាត់បារ៉ាស់ដែលបើកដើម្បីធ្វើដំណើរពីស៊ីរីឆ្ពោះទៅកាន់ផ្នែកខ្ពង់រាបហ្គោឡង់កាន់កាប់ដោយអ៊ីស្រាអែល។ ច្រកទ្ធារQOUNEITRA នោះត្រូវបិទចាប់តាំងពី៤ឆ្នាំមកហើយ។
មុននេះប៉ុន្មានសិបគីឡូម៉ែត្រខាងត្បូងច្រកទ្វារនោះ ក្រោយពីបិទអស់រយៈពេល៣ឆ្នាំរបាំងលួសដែកពណ៌ខ្មៅនៃប៉ុស្តិ៍ព្រំដែនស៊ីរី-ហ្ស៊កដានីត្រូវបានបើកនាវេលាម៉ោង៨ព្រឹកម៉ោងក្នុងស្រុក ដើម្បីឲ្យរថយន្តជាច្រើនគ្រឿងពាក់ស្លាកលេខហ្ស៊កដានីបើកចូលទៅកាន់ស៊ីរី។
ច្រកទ្វារព្រំដែន ស៊ីរី ហៅច្រក NASSIB ហើយខាងហ្ស៊កដានីហៅច្រក JABER មានផ្លូវថ្នល់សំខាន់មួយតភ្ជាប់ប្រទេសទាំង២ ដែលកាលពីដើមជាផ្លូវសំខាន់ ពុំត្រឹមសម្រាប់ពាណិជ្ជកម្មរវាងប្រទេសទាំង២នោះទេ តែសម្រាប់ការផ្លាស់ប្ដូរពាណិជ្ជកម្មនៅមជ្ឈឹមបូព៌ា និងឆ្ពោះទៅអឺរ៉ុបទៀតផង។
ផ្ទុយទៅវិញច្រកទ្វារ QOUNEITRA នៅខ្ពង់រាបហ្គោឡង់ត្ រូវបានប្រើជាពិសេសដោយបេសកកម្ម អ.ស.ប ទទួលបន្ទុកត្រួតពិនិត្យការគោរពបទឈប់បាញ់គ្នារវាងអ៊ីស្រាអែលនិងស៊ីរី ក្រោយសង្គ្រាមឆ្នាំ១៩៧៣៕
ចែករំលែកព័តមាននេះ