រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញនៅព្រឹកថ្ងៃទី១៦ ខែតុលា ឆ្នាំ២០១៨ បានចេញដីកាឲ្យមន្ត្រីពន្ធនាគារព្រៃសម១ នាំខ្លួនជនជាប់ចោទឈ្មោះសាន សៅរី មកសាកសួរបន្ថែមរឿងរៀបចំចាត់តាំងក្រុមជនប្រដាប់អាវុធសន្និធិអាវុធ និងគ្រឿងផ្ទុះដោយគ្មានការអនុញ្ញាត…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញនៅព្រឹកថ្ងៃទី១៦ ខែតុលា ឆ្នាំ២០១៨ បានចេញដីកាឲ្យមន្ត្រីពន្ធនាគារព្រៃសម១ នាំខ្លួនជនជាប់ចោទឈ្មោះសាន សៅរី មកសាកសួរបន្ថែមរឿងរៀបចំចាត់តាំងក្រុមជនប្រដាប់អាវុធសន្និធិអាវុធ និងគ្រឿងផ្ទុះដោយគ្មានការអនុញ្ញាត បទចូលរួមក្នុងក្រុមជនប្រដាប់អាវុធ បទផលិត ឬធ្វើចរាចរអាវុធគ្រឿងផ្ទុះ និង គ្រាប់រំសេវគ្រប់ប្រភេទ ។
សូមបញ្ជាក់ថា ក្នុងសំណុំរឿងនេះដែរ គឺមានជនជាប់ចោទសរុបចំនួន១១នាក់ ក្នុងនោះគេស្គាល់ឈ្មោះចំនួន៩នាក់ ចំណែក២នាក់ដែលទើបចាប់បាន កាលពីថ្ងៃទី៤ ខែតុលា នៅខេត្តប៉ៃលិន គឺមិនបានដឹងឈ្មោះនោះទេ ។ កាលពីវេលាម៉ោង១រសៀល ថ្ងៃទី០២ ខែតុលា ឆ្នាំ២០១៨ កម្លាំងនាយកដ្ឋានប្រឆាំងភាវរៈកម្ម និងឧក្រិដ្ឋកម្មឆ្លងដែនបានចាប់ខ្លួនមេក្លោងម្នាក់ទៀត ពាក់ព័ន្ធទៅនឹងមនុស្សប្រុសស្រី៨នាក់ ដែលមានអតីតភិក្ខុសង្ឃ១អង្គផងនោះជាមួយនិងអាវុធចំនួន២៨ដើមត្រូវបានចាប់ខ្លួននៅខេត្តព្រះវិហារ ។
ជនសង្ស័យរូបនោះមានឈ្មោះ ប្តិន្តិ៍ ថងឌី (BDIN THORNGDI) ហៅដួង ហៅក្រូច ភេទប្រុស អាយុ៤៤ឆ្នាំ រស់នៅក្នុងភូមិសាស្ត្រ ខេត្តព្រះវិហារ ចាប់ខ្លួន ហើយសមត្ថកិច្ចបានដកហូតអាវុធអាកា១ដើម កាំភ្លើងខ្លី១ដើម គ្រាប់បែក និងឧបករណ៍យោធាមួយចំនួនទៀត ។
សូមជម្រាបថា យ៉ាងហោចណាស់មានមនុស្សប្រុសស្រីចំនួន៨នាក់ ក្នុងនោះមានម្នាក់អតីតជាសង្ឃ រួមទាំងអាវុធអាកា២៨ដើម កាលពីព្រឹកថ្ងៃទី៣០ កញ្ញា ឆ្នាំ២០១៨ ត្រូវបានកម្លាំងសមត្ថកិច្ចនាយកដ្ឋាននគរបាលប្រឆាំងភាវរៈកម្ម និងឧក្រិដ្ឋកម្មឆ្លងដែននាំខ្លួនទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរ និងចោទប្រកាន់ជាផ្លូវការណ៍ ។
ក្រោយសាកសួរពួកគេត្រូវបានចោទពីបទរៀបចំចាត់តាំងក្រុមជនប្រដាប់អាវុធ សន្និធិអាវុធ និងរឿងផ្ទុះដោយគ្មានការអនុញ្ញាត បទចូលរួមក្នុងក្រុមជនប្រដាប់អាវុធ បទផលិត ឬធ្វើចរាចរអាវុធគ្រឿងផ្ទុះ និង គ្រាប់រំសេវគ្រប់ប្រភេទ តាមមាត្រា៤៨៥ មាត្រា៤៨៦ និង មាត្រា៤៨៨ នៃក្រមព្រហ្មទណ្ឌ និងបញ្ជូនទៅឃុំខ្លួននៅពន្ធនាគារមនុស្សទាំងប្រាំបីនាក់មាន១-ឈ្មោះសៀង វណ្ណឌឿន ២-ឈ្មោះវ៉ន ឡេង ៣-ឈ្មោះវ៉ន សាវណ្ណ ៤-ឈ្មោះថន សាម៉េត ៥-ឈ្មោះហេង ហៃ (ស្រី) ៦-ឈ្មោះណុប វ៉ុន ៧-ឈ្មោះសាន សៅរី និង៨-ឈ្មោះប៉ែន ប៊ុនធឿន ៩-ឈ្មោះប្តិន្តិ៍ ថងឌី (BDIN THORNGDI) ហៅដួង ហៅក្រូច ភេទប្រុស អាយុ៤៤ឆ្នាំ (មេខ្លោង) ៕
ចែករំលែកព័តមាននេះ