រាជធានីភ្នំពេញ ៖ រថយន្តដឹកឥដ្ឋមួយគ្រឿងបានបើកគេចយានយន្តដែលបើកបរឆ្លងកាត់ផ្លូវក៏បានជ្រុលចង្កូត ទៅបុកចូលផ្ទះប្រជាពលរដ្ឋ បណ្តាលអោយបាក់ទ្វាររបងនិងកាំជណ្តើរ រងការខូចខាត ហេតុការណ៍នេះពុំបណ្តាលអោយមនុស្សរងរបួសឡើយ ។ គ្រោះថ្នាក់ចរាចរណ៍នេះបានកើតឡើងកាលពីម៉ោង៩និង៣០នាទីព្រឹកថ្ងៃទី១៦ ខែតុលា…
រាជធានីភ្នំពេញ ៖ រថយន្តដឹកឥដ្ឋមួយគ្រឿងបានបើកគេចយានយន្តដែលបើកបរឆ្លងកាត់ផ្លូវក៏បានជ្រុលចង្កូត ទៅបុកចូលផ្ទះប្រជាពលរដ្ឋ បណ្តាលអោយបាក់ទ្វាររបងនិងកាំជណ្តើរ រងការខូចខាត ហេតុការណ៍នេះពុំបណ្តាលអោយមនុស្សរងរបួសឡើយ ។
គ្រោះថ្នាក់ចរាចរណ៍នេះបានកើតឡើងកាលពីម៉ោង៩និង៣០នាទីព្រឹកថ្ងៃទី១៦ ខែតុលា ឆ្នាំ២០១៨ នៅចំណុចផ្លូវ៥៩៨ ភូមិទំនប់១ សង្កាត់ភ្នំពេញថ្មី ខណ្ឌសែនសុខ។
រថយន្តដឹកឥដ្ឋម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣D-៥៩៨០ បើកបរដោយបុរសម្នាក់មិនស្គាល់ឈ្មោះឡើយ រួមដំណើរជាមួយកម្មករចំនួន៣នាក់ទៀត។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តខាងលើធ្វើដំណើរតាមផ្លូវលេខ ៥៩៨ ក្នុងទិសដៅពីជើងទៅត្បូង ។
នៅពេលធ្វើដំណើរមកដល់កន្លែងកើតហេតុ មិនដឹងមូលហេតុអ្វីទេ ស្រាប់តែរថយន្ត បានរ៉េចង្កូតទៅស្តាំដៃបុកចូលផ្ទះ បណ្តាលអោយបាក់កាំជណ្តើរនិងបាក់ទ្វារដែក តែសំណាងល្អមិនមានអ្នករងរបួសឡើយ។
តាមអ្នកបើកបរបានអោយដឹងថា មូលហេតុ ដែលបណ្តាលអោយគ្រោះថ្នាក់ដោយសារតែបើកគេចម៉ូតូនិងរថយន្ត ដែលឆ្លងកាត់ពីមុខ ក៏បានទាញចង្កូតគេច ជ្រុលឡើងចិញ្ចើមផ្លូវបុកផ្ទះតែម្តង ។ បន្ទាប់ពីគ្រោះថ្នាក់ម្ចាស់រថយន្តដឹកឥដ្ឋក៏បានសម្របសម្រួលជាមួយភាគីម្ចាស់ផ្ទះជួយជួសជុលដើម្បីបញ្ចប់រឿង៕
ចែករំលែកព័តមាននេះ