រាជធានីភ្នំពេញ ៖ យុវជនម្នាក់សង្ស័យស្រវឹងបានជិះម៉ូតូទៅបុកបង្គោលខ្សែភ្លើងដែលនៅលើទ្រូងផ្លូវបណ្តាលអោយរងរបួសធ្ងន់ ។ ហេតុការណ៍នេះបង្កឱ្យមានការភ្ញាក់ផ្អើកាលពីម៉ោង៧និង១០នាទីយប់ថ្ងៃទី១៣ តុលា ២០១៨ នៅលើផ្លូវណតប្រ៊ីដ ភូមិទ្រុងមាន់ សង្កាត់អូរបែកក្អម ខណ្ឌសែនសុខ។
ជនរងគ្រោះមិនត្រូវបានគេស្គាល់អត្តសញ្ញាណ ពេលរងរបួសភ្លាមៗនោះត្រូវរថយន្តសង្គ្រោះដឹកទៅគ្លីនិកឯកជនដឹកយកទៅសង្គ្រោះបាត់។
តាមប្រភពនៅកន្លែងកើតហេតុបានឲ្យដឹងថា មុនកើតហេតុ គេឃើញយុវជនខាងលើជិះម៉ូតូមួយគ្រឿងម៉ាកឌ្រីមសង់ ធុនសេ១២៥ ពណ៌ខ្មៅ ពាក់ស្លាកលេខ ព្រៃវែង ១B-១៩៦៣ ធ្វើដំណើរតែម្នាក់ឯង ក្នុងល្បឿនលឿនពីជើងទៅត្បូង លុះមកដល់ចំណុចខាងលើក៏ជ្រុលទៅបុកបង្គោលខ្សែភ្លើងដែលនៅលើទ្រូងផ្លូវបណ្តាលអោយដួលប្រកាច់រងរបួសធ្ងន់ភ្លាមៗ ត្រូវបានអ្នកឃើញហេតុការណ៍នាំគ្នាសែងដាក់ទៅកៀនផ្លូវ ហើយទំនាក់ទំនងហៅរថយន្តមកដឹកយកទៅសង្គ្រោះនៅគ្លីនិកឯកជនដែលនៅក្បែរកន្លែងកើតហេតុ។
ដោយឡែម៉ូតូរបស់ជនរងគ្រោះត្រូវបានសមត្ថកិច្ចមូលដ្ឋានមកដឹកយកទៅរក្សាទុកនៅអធិការដ្ឋាននគរ
បាលខណ្ឌសែនសុខរង់ចាំម្ចាស់មកទទួលយកនៅពេលក្រោយ៕
ចែករំលែកព័តមាននេះ